|
كيف اربى قطتى
بسم الله الرحمن الرحيم
انا ياجماعة عضو جديد فى المنتدى و ماما وعدتنى بقطة لو طلعت من اوائل سنة ستة على الجيزة انشاء الله انا الحمد لله فى الترم الاول طالع من الاوائل و لكن المهم السنة كلها. عايز اعرف حاجات عن القطط دى اول مرة لية اشترى عايز اعرف ايه النوع الى انشاء الله هاشترى مع العلم ان شقتنا الجو فيها حر جدا فى الصيف وبرد جدا فى الشتاء و ماذا تاكل وما اثمان القطط و مستلزمتها ؟ وكل شئ عنها لوسمحتم و شكرا...:) |
رد: كيف اربى قطتى
اهلا بيك
ان شاء الله تكون من الاوئال وماما تشتريلك القطه بخصوص الانواع فى كتير الشيرازى والهملايا والسيامى والامريكى وانواع كتير والافضل انك تشتريها فى عمر ال 3 شهور عشان تقدر تتعود عليك الاكل هتاكل حاجات كتير زى الزبادى ، الجنبه النستو ، الفراخ ، اللحم ، الكبده ، السمك ( مره فى الاسبوع ) ، وتقدر تضيف على اللحوم بشكل عام بطاطس ، جزر، بسله ، كوسه وكمان تقدر تاكلها بيض مسلوق ، جبنه شيدر قليله الملح ، دراى فود خاص بعمرها اللسعر مش هعرف اقول لانه بيختلف من مكان للتانى المستلزمات ليتر بوكس ممكن اى بوكس بلاستك عادى ورمل والافضل طبعا يكون رمل خاص بالقطط وكمان هتحتاج طبق للاكل وطبق للمايه وشويه لعب |
رد: كيف اربى قطتى
شكرا جدا ليكى يا شاهستا على المعلومات ومعلش دى اخر مشاركة ليه عشان انا بذاكر ...
|
رد: كيف اربى قطتى
ان شاء الله تنجح وتجيب اعلى درجات
يغلق لانتهائه |
| جميع الأوقات بتوقيت GMT +3. الساعة الآن 10:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو