|
جراوي الجيرمن
السلام عليكم و رحمة الله و بركاتة اخواني عندي جروين جيرمن واحد عمره 52 و الثاني شهرين و نص المهم اليوم لاحظت ان الكبير وانتم بالكرامة ياكل برازه وش الحل معه ؟ و شريت لهم دراي فود رويال كانون جونيور عطيته للصغير ما ياكلة لانه ما يقدر يكسره و الكبير ياكله المهم صرت اجيب ل الصغير دجاج الكبير شافني اجيب للصغير دجاج صار ما ياكل الدراي فود و يبي دجاج مثلة وش الحل معهم و الحين ابي مكان يبيع دجاج بالرياض بس رخيص للجراوي و انا الحين بطعمهم بكره وش التطعيمه الي اطعمها لكل واحد و ينفع اروشهم قبل التطعيم ؟ |
رد: جراوي الجيرمن
وعليكم السلام ورحمة الله وبركاته
من الافضل تخليهم على الدراي فود والصغير قبل الوجبه بربع ساعة حط على الدراي شوي مويه او زبادي عشان يلين الدراي ويصبح مثل الاسفنج وسهل الاكل لصغير والكبير وبعد فترة شوي شوي خفف من المويه او الزبادي الى ان يصبح ياكل الدراي بدون ايضفات اما اكل البراز بعد الاكل على طول تخرج الكلاب للبريك خارج مكانها اكثر الكلاب الي تاكل البراز خاص اذا كان الاكل دراي فود يصبح البراز قريب لريحت الدراي وهو لم يشبع من قبل صار ياكل البراز افصل بين وقت الاكل ووقت البريك والترويش قبل التطعيم بكم يوم مافي مشكلة لاكن بعد التطعيم لا اقل شي بعد اسبوع اذا مانفع معاك هذا الحل من الثلاجات الكبيرة للبيع بالجملة في دجاج بدون عظم برازيلي يستخدم لشورما تسلق الدجاج وتخلطه مع الدراي بقطع مثل حجم الدراي عشان ماياكل الدجاج ويترك الدراي وهو الاهم والافضل وعن الشطانه :D |
رد: جراوي الجيرمن
أفادك السيد / الهولي بما فيه الكفاية
بالمناسبة عليك أن تحرص على ما يلي : 1- أن تقدم خمسة وجبات من الدراي فود بين الوجبة والوجبة 4 ساعات . 2- قدم للجراء الطعام في أطباق منفصلة . 3- بعد أن يتناول الجرو الوجبة ويتوقف عن تناول الطعام ، إرفع البقايا فوراً دون تأخير . 4- إن قدمت الطعام ولم يأكل الجرو فعليك رفع الطعام والانتظار 4 ساعات قبل تقديمه له مرة ثانية . ليشعر أن وقت الطعام للطعام وإلا فعليه أن يعاني الجوع 4 ساعات . 5- تطعيم الجرو بسن 52 يوماً غير صحي وغير مقبول انتظر بلوغه سن 90 يوماً تحياتي |
| جميع الأوقات بتوقيت GMT +3. الساعة الآن 02:59 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو