فرخي المزاجي
 

السلام عليكم
عندي فرخ كروان البينو مربيه من عمر سبوعين واحين عمره 45 ابي افطمه بس مهو راضي ياكل الحبوب و الطير مزاجي امر من عنده يصارخ يبيني واذا طلعته بعض يطير ويجيني وبعض المرات لا ابيه يتعلق فيني دايم !!؟
وابي افضل حبوب للفطام !!؟
و العمر المناسب للسباحه !!؟

رد: فرخي المزاجي
 

اخي واضح ان فرخك باقي ماوصل مرحلة الفطام

عليك الإستمرار في غره .. والتجويع مو حل اذا ناوي انك تفطمه ..

لازم تغره وتحط جنبه صحن حبوب وانت تغره .. حتى يتقرب من الحب شوي شوي

الفرخ ماينفطم بسرعة اخي الكريم

الفروخ تختلف من فرخ لآخر من طبعه ومزاجه بعضهم ينفطمون في عمر الشهر

وبعضهم في عمر الثلاث اشهر وبعضهم ينفطمون في 5 اشهر

فلذلك عليك الصبر .. اخي وان شاء الله يطلع احلى فرخ في المستقبل

العمر المناسب للسباحة من 8 شهور ومافوق عشان يكون بالغ ويعرف يتسبح بشكل اكبر وافضل

لكن الآن تستطيع انك تمسح عليه بمنديل اذا ماكان نظيف ..

افضل حبوب للفطام مافيه نوع معين .. لكن الأفضل انك تاخذ حبوب صغيرة جداَ وهي حبوب الكناري

.. ومن ناحية التدريب لازم تصبر معاه وتعطيه وقتك بشكل كثيف .. حتى يتعود عليك

هذا والله الموفق

رد: فرخي المزاجي
 

وعلــيكم السلــىم ورحمــة الله وبركــآته
هلـآ بك ^.^
مشـآء الله هادا بسبب تعلق الطير فيك يا الغالي
وبخصوص الفطام لما يبطل يتقبل السرنجه ابدا قدم له الحبوب

رد: فرخي المزاجي
 

الطير اغره بيدي ماياكل بالابره
هذا صور الطير
ذكرو الله
http://i.imgur.com/Qn2PmBK.jpg
http://i.imgur.com/vDCloKy.jpg

رد: فرخي المزاجي
 

أول شي اعطيه سليس مغمس بماي ويكون سهل الهضم خله ياكله غصب حتى يعرف
انه اكل

وطبعا في القفص لازم يكون الحب موجود على طول

بس باين الفرخ يحتاج مرة او مرتين غر مو كبير واجد

رد: فرخي المزاجي
 

ماشاء الله تبارك الله فرخ جميل جداَ

الله يبارك لك فيه

رد: فرخي المزاجي
 

زي ماقالت اختي خل الحبوب موجوده دايم
ثانيا استمر وكله بيدك عدت مرات ولما يكون هو بالقفص راح يحاول ياكل الحبوب لا تخاف