|
ببغائي خامل ومتعقد مني
السلام عليكم ورحمة الله وبركاته
انا عضو جديد معكم واللي خلاني اسجل اني شريت ببغائين كاسكو والدرة خضرة والكاسكو اول ماشريته كان زي العسل يدخل القفص ويطلع ويوقف على اليد و 100% مابي اطول عليكم بس الكاسكو مرض وصابو زي الانفلونزا واسهال وماعاد يرضا يخليني اقرب عليه اخذته للدكتور وعطاه ثلاث ابر على ثلاث ايام كل يوم ابرة . بعد ماتعافى والحمد لله صار الحين مايطلع من القفص ولايرضا يطلع على يدي وخامل على الاخير طول الوقت يبي ينام و مجرد ما اقرب يدي منه ينزل راسه عشان امسح عليه ولوقعدت امسح عليه مدة طويلة وحاولت احطه على يدي مايرضا . اسف على الاطالة بس انا اقول يمكن انه كرهني او متعقد مني لانه لما الدكتور بيعطيه الابرة مسكته انا وصار يصارخ بقوة ومن وقتها وهو على حاله . ارجو انكم تساعدوني والسلام عليكم ورحمة الله وبركاته |
رد: ببغائي خامل ومتعقد مني
وعليكم السلام ورحمة الله وبركاته ربي يقومه لك بالسلامه اخ العزيز الطير مر بمرحله خطره والحمدلله انه تعدى الخطر ولكن الطير يحتاج الي الوقت الكافي لكي يستعيد عافيته والاهم من ذلك المكان الهادي والدافئ وتوفر له الاكل المفضل له وتغير مشرية الماء وتغسلها يوميا يحتاج الي شهر كامل ,, ومن ناحية الولافه الطير فعلا اعتقد كل ماتمسكه سوف تعطيه ابراه ,, وهذا شي طبيعي فقط اكتفي كل ماتغير له الماء والاكل تمسح على راسه قليل وتتركه لكي يرتاح دون المحاوله انه يطلع ع اليد او غيره الطير يحتاج الى الراحه ,, ولما الطير يتعافى باذن لله ,, تبدا بالمحاوله تعود الطير يطلع ع اليد اعطي الطير 30 يوم وان شاء الله الخمول والشهيه راح تكون احسن موفق .. ينقل للقسم المناسب سؤال وجواب |
رد: ببغائي خامل ومتعقد مني
اقتباس:
وبغيت اسألك بس اطلعه من القفص ولا لا؟؟ ومشكووووووووووووووووووووووووووووووووووووووووووووور |
رد: ببغائي خامل ومتعقد مني
السلام عليكم
الحمد لله على سلامة الطير عزيزي خذ الى الطير املاح عشان ترد صحته شوي لأن خلال المرض الطيور تخسر الكثير من الأملاح وتكون ضعيفه وخامله |
رد: ببغائي خامل ومتعقد مني
الافضل انك تخليه بالقفص لكي يستعيد عافيته اكثر
وبالاسبوع مره تطلعه لكي يتحرك وينشط جسمه ولكن اهتم بالمكان الدافئ وان شاء الله يتحسن في طيور تقاوم المرض وفي طيور لا تستطيع وان شاء الله طيرك يقاوم المرض باذن الله |
رد: ببغائي خامل ومتعقد مني
بسيطه ان شاء الله اخي الفاضل انا من رأيي دام الطير قد ارهقه المرض حاول تخليه يرتاح ويسترجع قوته على الأغلب انه الطير شافك اثناء ضرب الأبر ولكن ليست مشكله كبيره ان شاء الله فالطير وفي وبأذنه تعالى ما راح ينسى الافته معك وحبه لك لكن اعطيه بعض الوقت للتعافي واسترجاع القوه
موفق لكل خير |
| جميع الأوقات بتوقيت GMT +3. الساعة الآن 09:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو