|
عدة اساله لاهل الخبرة
السلام عليكم و رحمة الله و بركاتة
اخواني عندي بعض الطيور عندها اسهال و خصوصا الزغاليل لونه اخضر و فيه بعض البياض و بيبقى لاصق في ريش الحمام من عند فتحة المجمع لا يوجد فيه جزء مائي فايش اللي عندهم هل هو سالمونيلا ام ماذا و ايش العلاج ؟ السوال الثاني عند هواه الحمام مصطلح بقول انثى صماي ايش المقصود ؟ السوال الثالث ايش يعني طير مجرود ؟ و شكرا لكم و لمنتداكم الرائع |
رد: عدة اساله لاهل الخبرة
بالنسبة لمصطلح مجرود وصماي انا والله اول مرة اسمع فيهم، يمكن تسمية خاصة بالمناطق اللي تسكن انت فيها
بالنسبة للمرض اللي يصيب الزغاليل فقط على الأغلب انه كوكسيديا لأنه السالمونيلا حالة مزمنة وتصيب الكبار والصغار، لكن الكوكسيديا تصيب الطائر مرة واحدة في العمر ويكتسب بعدها مناعة ضد المرض وهي مناعة طبيعية لكن الفراخ ما يكستبوها الا اذا اصيبوا فيها العلاج احد مركبات السلفا تحطها لجميع الحمام طريقة الاستخدام ملعقة طعام من بودرة مركبات السلفا اللي راح اذكر امثلة عليهم على 5 لتر ماء لمدة 5 ايام أمثلة على مركبات السلفا: سلفدين كـ، سلفامايسين، سلفا ثلاثية، كوليبريم ويوفيبريم وآخر مضادين ييجوا على شكل سائل تحط 1 مل على لترين ماء والله يشفيهم |
رد: عدة اساله لاهل الخبرة
السلام عليكم الأخ رائد ما قصر وأفادك بالنسبة للمرض أما بخصوص المصطلحين (أنثى صماي ، طير مجرود) فهاي من المصطلحات الدارجة بين مربي الحمام في الأردن .. وإليك التفسير: * صمّاي: سواء ذكر أو أنثى يعني الطير رمى 9 ريشات من الجناح وباقيله ريشه وحدة وبصير طير حمام كبير (يعني آخر ريشة بالجناح اسمها صمّاي واللي قبلها اسمها ردّاي .. بس إوعى تسألني ليش :D) .. ولما يقلك أنثى صمّاي يعني المفروض أنها شغالة ولساها بخيرها. * طير مجرود: بتنحكى عن الفراخ ومعناها إنه الطير مدرب عالطيران وجاهز .. وبقولوا عنه كمان "مكروش" طبعا أنا ما بعرف كل مصطلحات الحميماتية في الأردن .. لكن هظول من اللي بعرفهم :D ;) تحياتي |
رد: عدة اساله لاهل الخبرة
توضيح: طبعا أنا بحكي عن عمّان .. والأسواق والقهاوي والمربين في عمّان .. ما بعرف إذا الوضع غير والمصطلحات في مناطق ثانية غير .. الله أعلم |
رد: عدة اساله لاهل الخبرة
واللهه اول مرة اسمع فيهم هدول المصطلحات
ههههههههههههه عليكو شغلات يا تبعين عمان ههههههه ترى امزح يا غالي يسلموا ع التوضيح وانا استفدت من ردك ياقلبي |
رد: عدة اساله لاهل الخبرة
مشكور اخ رائد على التوضيح و العلاج
و اشكرك اخ ابو حسان على الفائدة فعلا الحماماتية عليهم مصطلحات و الحمدلله هينا بنستفيد مع الايام بس ابو حسان في عمان وين بجي سوق الحمام ؟؟ |
رد: عدة اساله لاهل الخبرة
هلا والله بالشباب .. ولا شكر على واجب و ع فكرة المصطلحات في عالم الحمام إلها اول ومالهش آخر :) وهينا كلنا بنتعلم وبنستفيد أخي طارق .. أولا يا عزيزي أنا كنيتي أبو حسن .. فبلاش اتغلب حالك وتحط هاي الألف الزيادة .. برضه التوفير مطلوب ;) وبالنسبة لسوق الحمام في عمّان فهو عبارة عن شارع في وسط البلد بمحاذاة سقف السيل ببدى من عند سرفيس الوحدات وبنتهي عند سرفيس الجوفة .. أول الشارع سوق العصافير بأنواعها وبعدين سوق الكلاب (أعزكم الله) وآخر وأكبر شي سوق الحمام .. وانته مجرد ما وصلت عند سرفيس الوحدات رح تعرف السوق لحالك لكن أنا حاسس انك جديد عالصنعة :D فنصيحة لوجه الله .. سوق الحمام في غش ومشاكله كثيرة يعني بدك تدير بالك منيح .. بفضّل تشتري من عند مربي يكون ثقة وحتى لو دفعت مصاري زيادة بتوخد طيور مضمونة وبتريح راسك .. أما إذا حابب تتعرف على سوق الحمام وتشتري منه فما تروح لحالك .. لازم يكون معك واحد "مقلّع" في الحمام مشان تقدر تشتري طيور كويسة وبأسعار معقولة .. مع تمنياتي بالتوفيق |
| جميع الأوقات بتوقيت GMT +3. الساعة الآن 12:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو