|
الحقوني قبل يصير في الكاسكو شي
بسم الله الرحمن الرحيم
السلام عليكم ورحمة الله وبركاته....... كيفكم يامدراء ومشرفي واعضاء وزوار منتدى تو زوو بخش في موضوعي لاني لي اسبوع وانا محتاره وخايفه ماابغى افقده الله يسلمكم قبل ثلاث اسابيع شريت كاسكو بعمر سنه ونص وصحته كانت ممتازه ويصفر ونشيط صحيح انه ماكان اليف هو متوحش شوي بس كان يصفر وحتى من اول اسبوع بدا يقلد اصوات الطقطقه اللي اسويها يعني امورنا تمام بس للاسف قريت في احد المنتديات انه لازم اقص جناح الطائر عشان اقدر اروضه وديته عند محل الطيور وقص جناحه واحسه مررره قصره لدرجة مايقدر يتزن اذا تحرك بسرعه معليش طولت عليكم تحملوني شوي انا ابغى اوضح السالفه وتشوفون إذا مرض او حاله نفسيه الحين مايتحرك كثير ومايطلع صوت نهائيا حاولت معه بس ماعاد يصفر والاكل احسه مو مره ياكل مثل اول وعضمة صدره احسها بارزه ويحرك ذيله باستمرار مدري اشفيه والله اني خايفه يكون مريض ويصير فيه شي هالحين له اسبوع على هالحاله وهذا اول مره اكتب موضوع عنه وقلت مالي الا الله ثم اخواني في تو زوو تكفوووون ساعدوني الله يوفقكم |
رد: الحقوني قبل يصير في الكاسكو شي
|
رد: الحقوني قبل يصير في الكاسكو شي
وعليكم السلام ورحمة الله
اتوقع انها حالة نفسية والله اعلم بسبب قص جناح الطائر ، وخاصه اذا رأى الطائر هذه العملية تحدث امام عينيه. اختي نوعي له بالطعام واضيفي مضاد حيوي له بالماء لمدة يومين احتياط وبعد ذلك بيومين اضيفي له فيتامينات وأتمنى من شاء الله يرجع مثل اول واحسن |
رد: الحقوني قبل يصير في الكاسكو شي
م حسام العمري
اشكرك اخي على تجاوبك بس انا اول مره اربي طير ومااعرف المضاد الحيوي خاص بطيور ومن وين اقدر اجيبه والفيتامينات فواكه قصدك ولا ايش بضبط الله يجزاك خير بتعبك معي |
رد: الحقوني قبل يصير في الكاسكو شي
وإذا عندك خبره اخوي ممكن تقولي إذا ذكر او انثى
|
رد: الحقوني قبل يصير في الكاسكو شي
الجنس انثى
|
رد: الحقوني قبل يصير في الكاسكو شي
saeed bahattab
الف شكر من جد كنت محتاره بجنسه بس حسيت انه انثى وانت ريحتني يعني فيني الحين اناديها لولو |
رد: الحقوني قبل يصير في الكاسكو شي
يااختي العزيزه لا احد يكذب عليك ويقول لك هذا ذكر ولا انثي ماتقدري تعرفي الا من تحليل الدم
|
رد: الحقوني قبل يصير في الكاسكو شي
وعليكم السلام ورحمة الله وبركاته :
ماشاء الله تبارك الله ، شكل الطير طيب ومافيه شي ان شاء الله ، بس في بعض الطيور تتأثر بحالة من الخوف والانزعاج تؤثر على حالته النفسية نوعاً ماء ويمتنع عن الاكل والتصفير لفترة معينة ، مثل الانسان في التأثر ، ومنها لا يتأثر و البعض الاخر يستمر الحال الي ايام من اسبوع الي عشرة ايام تقريباً والبعض يكون اليف وبعد القص يعود للشراسه مثل العض والجعير وهذا لفترة وجيزة ثم يرجع الي حالته الطبيعية ، لا داعي للقلق ،،، ملاحظة : يجب التأكد من فضلات الطير اكرمك الله ، اذا كانت جامدة ذات اللون الاخضر فالطير بإذن الله سليم ام اذا كانت سائلة فقد تكون هناك مشكلة مثل الاسهال لا قدر الله يجب معالجتها ، والافضل التنوع في لاكل وسف يعود الطير الي حالته الطبيعية ونشاطه المعتاد ان شاء الله ، وبالنسبة لمعرفة جنس الطير ، فهذا لا يظهر 100% الا عن طريق تحليل DNA . وتقبلوا مروري ،،، |
رد: الحقوني قبل يصير في الكاسكو شي
اقتباس:
|
| جميع الأوقات بتوقيت GMT +3. الساعة الآن 04:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو