منتديات تو زوو - قطي رافض ياكل ..

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - قطي رافض ياكل .. (http://www.2zoo.com/vb/showthread.php?t=293145)

قطي رافض ياكل ..

السلام عليكم ورحمة الله وبركاته ..
الله يسلمكم عندي قط عمره 3 شهور وشي من اسبوع اكتشفت ان فيه فطريات وبديت معاه علاج والحمدلله العلاج يعطي مفعول بشكل ممتاز،.وليلحين مستمره بالعلاج،.
لكن فيه مشكله ثانيه :confused: من يومين واهو رافض الاكل صار ضعيييييف جدا مافيه طاقه ابدا مايتحرك الى خطوتين وينام طول اليوم
عطيته امس شوية حليب بالسرنجه وماي واقل من ربع جبنه راااافض ياكل وماكملها
واليوم نفس الشي عطيته شوية حليب وماي
مادري شسوي شنو اعطيه ؟ مافيه نشاط ابدا خموووول :(
علما ان معودته على اكل رويال كانن

رد: قطي رافض ياكل ..

اهلين اختي
حطي اصبعك وشوفي حرارته ممكن يكون عنده برد علشان كذا مايبي ياكل
وبعدين في اصناف كثيره للأكل يمكن هو مايحب الاجبان او مل منها
عطيه دجاج مسلوق خضار (كوسه جزر بطاطس مسلوق )
وطمنيني ..

رد: قطي رافض ياكل ..

هلا فاتو
لا مافيه حراره
جربت معاه لحم دجاج مو راااضي
حتى الماي مايشربه صرت اعطيه بالسرنجه
:(

رد: قطي رافض ياكل ..

لازم تتأكدي من حرارته عن طريق ميزان الحرارة لأن بعض الحرارة تكون داخلية انا قطوتي كذا تجيها حالة خمول وترفض الاكل وطول اليوم نايمة ومايبان عليها اي حرارة ولما اخذتها للبيطري قال حرارتها قربت للأربعين وعطاها ابره فلا تهمليها واذا طولت اكثر من يومين على هالحالة وديها البيطري فورا

رد: قطي رافض ياكل ..

اقتباس:

المشاركة الأصلية كتبت بواسطة Ayami (المشاركة 2748725)

وعليكم السلام ورحمه الله وبركاته
بالنسبه لرفضه الاكل عنده مشكله يااسنانه تطلع يامشكله داخليه
والحراره شوفيها بالميزان لان الخمول منها
اعطيه فيتامين خاص للكيتن ولو مااكل بالمره لازمه دكتور يعطيه مغذي عشان مايجيه جفاف
وكمان جربي زبادي مع شويه عسل واعطيه
والاكل اخلطيه بالخلاط دجاج مع مرقته او خضار واكليه
والرويال كانين لاتعتمدين عليه لحاله مجرد مكمل غذائي مو اساسي الاساس البروتين

رد: قطي رافض ياكل ..

اهلين اختي
لازم يروح الطبيب
وخلال هذي الفتره اسلقي دجاج مع خضار
واضربيهم بالخلاط وحطيهم بالسرنجه بس لازم يكون الخليط سائل
وعطيه بالسرنجه حتى لو مايبي
لازم يسند نفسه حتى مايجيه جفاف او انيميا مثل ماقالت الاخت دلوعه قطوتي
وطمنينا

رد: قطي رافض ياكل ..

مشكووورين حبايبي
عطيته شوي زبادي بالعسل ..
لكن باجر ان شاءالله بوديه حالته ماتبشر :(

رد: قطي رافض ياكل ..

شكرا للي ساعدوني

لكن قدر الله وما شاء فعل ،.

قطي مات اليوم .

رد: قطي رافض ياكل ..

لا حول ولا قوه الا بالله

البقاء لله وان شاء الله ربنا يعوضك عنه خير

يغلق لانتهائه