|
شلل القطط
بسم الله الرحمن الرحيم
السلام عليكم ورحمة الله وبركاته قبل 16 يوم كتبت موضوع عن سوسو وانها اكلت سم بس الحمدلله استقرت حالتها الان بس المشكله ان سوسو ما صارت تمشي الا على ايديها وارجولها تزحف بالارض تحرك رجولها حركه بسيطه وتمدها سؤالي هو هل سوسو تعاني من شلل القطط ؟ هل في احتمال تمشي ؟ |
رد: شلل القطط
ممكن تحطي صور لها
|
رد: شلل القطط
ياليت تتذكري هل القطه تعرضت لسقطه او خرجت للشارع ورجعت وهي بهاذي الحاله؟
لان شلل القطط لاياتي الا في حاله واحده فقط ..عند الولاده او نتيجه تعرض القط لعوامل خارجيه اثرت عليه مثل كسر في الظهر ( العامود الفقري) او اعطي ابره داخل العظم . اما اذا كانت القطط تسممت ..؟؟ فلابد من مراجعه البيطري حتى يحدد مستوى السم فيها عن طريق تحليل الدم ومنها تعطى العلاج في الوريد. باليت تذكري تفاصيل اكثر عن حاله قطك حتى افهم واحاول اساعدك |
رد: شلل القطط
اول شيء الحمدلله على سلامة القطة،ثانيا انا مش فاهمة انتي ليش اغلقتي موضوعك القديم عن تسمم قطتك بالمبيد الحشري فجأه! 'مع ان كل الأعضاء كانوا ملهوفين يعرفوا وش صار معها انا شخصيا كنت ادخل المنتدى على امل اعرف شي عنها،انا توقعت انها ماتت وانتي حزنتي عليها ومالك خلق، والان تفاجأت انك فاتحة موضوع بعد اسبوعين تستكملي فيه حالة القطة !! المفروض تركتي موضوعك مفتوح وكانوا الاعضاء بيساعدوك اول بأول مش الحين بعد ما انشلت القطوة تبغين نسترجع قصة موضوعك القديم!! قطوتك ماراحت عن بالي طول هالايام افكر فيها وياليت تهتمي فيها لانها الان بحاجتك اكثر من اول وسويلها مساج لأرجلها وحاولي كل فترة تحكين لها جسمها بأظافرك لأنها حرام ماعاد تقدر وياليت اذا فعلا تبغين مساعدة من الأعضاء ترجعي تكتبي حالة قطوتك بالتفصيل من اول ما اكلت المبيد وانشلت علشان يساعدوك كمان انتي عارفه ان قطتك ماعندها شلل القطط وانها انشلت بعد اللي صار لها ياليت توضحين هالأشياء
|
رد: شلل القطط
الموضوع الاول مو انا اللي اغلقته لما جيت بكتب عن حالتها لقيته مغلق من الأداره
|
رد: شلل القطط
راح اكتب حالتها من جديد
سوسو قبل اسبوعين خرجت من الغرفه تصيح وتشجنت وطلعت رغوه من من فمها ماجاء لها عشر دقائق الا وهي عند الطبيب قال معها تسمم اعطاها ابره واحده في موضعين في الرقبه وفي مؤخرتها واعطها شراب 2 في سرنجه واحد لونه شفاف والثاني احمر والمره الثانيه في مراجعتها اعطاها ابرة منشطات وقال الدكتور هي اكلت السم قبل خمس ساعات وانتو ما انتبهتو لها اكيد ماراح انتبه لها لأن ما ظهرت عندها اعراض الا بعدين وصار عندها انتفاخ في البطن وما كانت تتبرز فقط تتبول وقال الدكتور اعطوها زيت خروع وزيت زيتون مع الأكل ما نفع وتحسنت سوسو لما وضعنا لها زيت زيتون على بطنها من الخارج وراح الانتفاخ نهائي واصبحت تخرج فضلاتها وانتو بكرامه وصارت مره هزيله لأني قطعت عنها الدجاج بسبب الامساك خلال مرضها ماكنت اعطيها الا زبادي مع العسل فقط لمدة 3أيام الحمدلله رجع جسمها مثل اول وصارت تخرج فضلاتها وانتو بكرامه ورجع كل شي مثل اول الا رجولها ما تمشي عليها فقط تمشي على ايديها اما الأصابات السابقه تعرضت لأصابه واحده وقال الدكتور رجلها اليمين ممزوعه اكيد مافي احد من اهل البيت مزع رجلها لأنها كانت في الغرفه لوحدها والكل كانو متجمعين في غرفة المعيشه بعد الاصابه السابقه كانت تمشي على رجولها بس بعد التسمم لا سوسو ابدا ما تخرج من البيت اصلا تخاف تخرج لوحدها لازم نكون عندها لما اعمل لسوسو مساج في رجولها تتبول وانتو بكرامه |
رد: شلل القطط
ياحيااتي عليهاا والله انا كمان كنت ابي اعرف وش صار عليهاا ..
الحممدلله انها تحسنت عن اول وانشاء الله ياااااااااااااااااااااااااااارب ترجع زي اول واحسسن دامها بدات تتحسن شوي شوي باذن الله راح تصير تمااام التماام بس انتي اصبري عليها وكل فتره تطمني عليها عند الدكتور .. بليز طمنينا عليها اول باووول ^^ربي يخليها لك خخ اتجداكم كم كلمة عليها كتبت ههههههه ^^مجرد مزحه |
رد: شلل القطط
شوفي انا بحثت لك عن الشلل في القطط ..
وزي ماقالت الخبيره ناديا ..الششللل مايجي الا بسبب حادث او ضربه على الظهر او شيء زي كذا والتسمم يسبب لها رجفات عضليه ..بس مو شلل يعني ان شاء الله كلها مسالة وقت ..وكمان متابعة الدكتور .. |
رد: شلل القطط
اختي كلامك صحيح رجولها ترجف
|
رد: شلل القطط
اقتباس:
للاسف حبيبتي.. كنت اتمنى اساعدك لاكن الواضح ان البيطري اعطاها ابرتين وايضا بعض الادويه..ولو كنتي تعرفين اسماء العلاجات قوليها لي حتى افيدك . لان صعبه الان تعطيها علاج وسبق ان البيطري اعطاها كمان علاجات وابر مانعرف عنها او مكونه من ايش بالضبط. لاكن في حاله التسمم الافضل يعطى القط ابره جلوكوز ...اتوقع البيطري اعطاها لها. وايضا يتم اعطائها ابره فيتامين ad3e حتى تساعدها على الشفاء التام. ملاحضه: الافضل يااختي عدم عمل لها مساج نهائي.. لان المساج بطريقه خطاء ..تؤدي الى زياده المشكله .. اهتمي بغذائها ..وابحثي عن بيطري متوفر عنده اشعه ..حتى يعملها للقط ونتاكد من سلامته اختي الغاليه من خلال قرائتي للمشكله ..لاحضت ان هناك احد من افراد العائله يلعب في القطه ..مما ادي الى حدوث تمزق في عضلات الرجل عند القطه. ضروري جدا ابعاد القطه وحمايتها من الاطفال او اي احد قد يتسبب في اذيتها . حاليا لتاكد من حالتها .. حاولي الضغط على اطراف اصابع رجلها ..واذا وجدتيها تتالم وتنزعج ..فان القطه بخير ومافيها اي شلل والحمدلله ..قد يكون عندها مشكله في العضلات او بسبب دخول السم لجسمها . اما لو كان العكس..ولاحضتي عدم احساس القطه باي شي .. فتكون مشلوله بسبب حادث ما .. الله يشفيها يارب |
| جميع الأوقات بتوقيت GMT +3. الساعة الآن 10:04 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو