|
مجموعة استفسارات حول الكاسكو
السلام عليكم
اليوم الحمدلله شريت كاسكو هولندي محجل عمره تقريبا خمس شهور على ماعتقد المهم ياشباب الطير حركته كثيره بالقفص ويطامر ويتعلق والحمدلله مايجعر ولاشي وياكل الحب الشمسي من يدي من خلف القفص ولو دخلت يدي عليه يخاف يخاف مره ومرتين ثم ياكل عادي لكن لاحظت عليه عليه يحك ريشه بمنقاره كثير مدري هو ينتف ولا يحك بس مع العلم انه مايجعر اببداا بس يصفر شوي بعض الاحيان بس لقيت ريشه بفمه يلعب فيها المهم ابي تعلموني وش انواع الاكل اللي مفروض اعطيه لاني شريته اليوم وماعطيه الا حب شمسي وبس وبالمحل شفته ياكل ذره وياكل حب شمسي وهذي صورته تأكدو لي من عمره http://www.mlfnt.com/lives6/13481603671.jpg افيدوني الله يعطيكم العافيه |
رد: مجموعة استفسارات حول الكاسكو
السلام عليكم
وعليكم السلام ورحمة الله وبركاته اليوم الحمدلله شريت كاسكو هولندي محجل مبروك الف مبروك .. عمره تقريبا خمس شهور على ماعتقد عمر جيد .. لكن حساس شوي لان مناعته لسى شوي ضعيفه .. اهتم فيه اكثر المهم ياشباب الطير حركته كثيره بالقفص ويطامر ويتعلق والحمدلله مايجعر ولاشي ماشاء الله ,, طيرك صحته طيبه ,, وهذي كثير نشوفها بالفروخ ويفظل تخليه يطلع خارج القفص شوي ياخذ راحته وياكل الحب الشمسي من يدي من خلف القفص ولو دخلت يدي عليه يخاف يخاف مره ومرتين ثم ياكل عادي القفص هوا عباره عن بيته وملاذه .. لما يشوف شي يدخل عليه جوت بيته اكيد بيخاف ومع الوقت بيتعود ومابيخاف لكن لاحظت عليه عليه يحك ريشه بمنقاره كثير مدري هو ينتف ولا يحك بس مع العلم انه مايجعر اببداا بس يصفر شوي بعض الاحيان بس لقيت ريشه بفمه يلعب فيها جدا طبيعي ,, حتى بتشوف بعض الريشات بتسقط وهذا طبيعي او ريش صغير لونه ابيض وهذا ايضا طبيعي المهم ابي تعلموني وش انواع الاكل اللي مفروض اعطيه ذره مسلوقه .. فاصوليا . حمص. تفاح . جزر . كامثيرا .. خس .. ( حاول تقرا مواضيع هنا بالمنتدى وراح تستفيد اكثر والاعضاء هنا بعد مابيقصرون ) لاني شريته اليوم وماعطيه الا حب شمسي وبس بالعمر ذا احب الشمسي تحط له فقط بالليل الين الصبح فقط والباقي لازم تشكله ( لان باقي الاكل الطري ماينفع تخله بالمشربيه اكثر من 6 ساعات وخاصه الذره ) وبالمحل شفته ياكل ذره وياكل حب شمسي وهذي صورته تأكدو لي من عمره ماشاء الله تبارك الله فعلا عمره مثل ماذكرت من 5 الين 6 بهذي الحدود |
رد: مجموعة استفسارات حول الكاسكو
ألف مبروك أفادك اخي تشارلي والله الموفق بس عندي استفسار عن سعره لو سمحت ؟؟ |
رد: مجموعة استفسارات حول الكاسكو
ماشاء الله تبارك الله فرخ جدا جميل ومميز ربي يوفقك
|
رد: مجموعة استفسارات حول الكاسكو
يعطيكم العافيه ياشباب مشكورين وماقصرتو
وبخصوص الاخ اللي سال عن سعره اشتريته بـ2300 ادري غالي شوي بس هذا سعر السوق والطير ان شاء الله سعره فيه |
| جميع الأوقات بتوقيت GMT +3. الساعة الآن 03:00 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو