معلومات عن السنغالي
 

مرحبا بالامس اشتريت ببغاء ستغالي اود من اصحاب الخبرة تزويدي ببعض المعلومات المفيدة عنه و عن قدرته على الكلام

رد: معلومات عن السنغالي
 

عندي سنغالي من 4 سنوات

مشاء الله عليه ملك قلوب اهل البيت كلهم

مرح لاعاب ويتكلم واكثر من كذا اخذ لقب العائله صاروا عيالي يقلون اسمه زازو *****

عموماً السنغالي كثر ما تدلعه وتلعبه وتحن عليه يعطيك اكثر

ابعد الصغار عنه لانهم يخربون كل شغلك لا احد يدخل شي عليه في القفص
او يحارشه او يخوفه يعني دلعه دلع 5 نجوم

1- حطه في قفص متوسط الحجم

2- حط عنده لعبه يفضل جرس

3- خل القفص في مكان علي قريب من مكان جلوس العائله علشان يتعود على الناس والأصوات

كرر عليه في البدايه جمله واحده لا تغيرها كررها عليه 3 مرات كلمره تمر بجنبه واتركه

لا تطلعه من القفص لين تلقى منه تحاوب وانا افضل لا يقل عن شهر

بالتأكيد لازم تهتم بنظافة القفص وتنويع الأكل واطعامه بيدك

اذا امكن في الليل تشغل عليه جهاز صوتي بنفس الكلمه بس لا تكثر عليه يعني قبل لا ينام لمدة ساعه او ساعتين

وبعد شهرين بأذن الله بيرطن رطن

رد: معلومات عن السنغالي
 

و الله حمستنا أخوي (القديم)
أجل يرطن رطن!!
إذاكانت الطريقة اللي قلت عنها فعالة أنا من اليوم بأبدأ مع السنغالي اللي عندي
و عندي استفسار هل اللي عندك عينه صفراء بالكامل؟؟
يعني هل ممكن يتعلم حتى و هو كبير؟؟
و عمومًا زي ما قلت فهو يحب الألعاب و خصوصًا "الجرس" ..

رد: معلومات عن السنغالي
 

حياك الله عاشق الكنار ,,,

مبروووك مبروووك يالغالي ,,,

بس كان وريتنا صور عشان نشاركك الفرحة ,,,,

بس يالله حصل خير ..

بخصوص المعلومات تفضل يالغالي اقرى الموضوع هذا ,.,, راح يفيدك اشاءالله

http://www.2zoo.com/vb/showthread.php?t=939



تحية
الطاير

رد: معلومات عن السنغالي
 

اخوي محمد

انا يوم اشتريه عينه بيضاء

والحين بعد 4 سنوات اكيد بتكون صفراء فاتحه وليست صفراء بالكامل

لكن تدريب الببغاء وهو صغير بتكون النتيجة فعالة

اما الكبير بتلقى شوي صعوبه

اهم شي علق القفص في مكان عالي قريب من اصوات اهل البيت ولا تطلعه منه ابد ابد لمدة شهر مع تكرير الجمل عليه وافضل شي ينوم على الاصوات من اي جهاز صوتي وانشاء الله تلقى نتيجة

جرب منتب خسران

والله يوفقك

رد: معلومات عن السنغالي
 

شكرا للجميع على هذا المرور جزاكم الله خيرا

رد: معلومات عن السنغالي
 

الله يبارك لك في طيرك الجديد ويجعلك تستمتع به ويهنيك فيه آآآآآمين يارب

وبصراحة
ما شاء الله ما شاء الله تبارك الله
الأخوان ما خلو لي كلمة أضيفها

عموما

أخوي alqadeem

رد: معلومات عن السنغالي
 

باركو لي جابو لي جوز سنغالي

خليتهم في المحكر (القفص الكبير) للانتاج

وباذن الله بابتدي الانتاج