|
الكوكاتو الأمير
اخوانى خبراء هذا الصرح الشاهق بودى استفسر منكم عن نوع وعمر هذا الأمير وماهو السعر المناسب له http://im26.gulfup.com/2012-09-07/1347020204781.jpg http://im26.gulfup.com/2012-09-07/1347020205192.jpg ملاحظه : الطير مشالله رزه (كاحجم ونصبه ) صاحبه يقولى هذا الأمريكي الجامبو الطير ولوف ويطلع على اليد بس الا زعلنى ان جناحه مقصوص قصة غشيم فا انتو ايش رايكم اتوكل واشترية بصراحه الطير عجبنى ... ولكن قلت خلنى استشير وماخاب من استشار |
رد: الكوكاتو الأمير
هل الطير عنده كلام ؟
هل الطير عنده صراخ ؟ هل الريش تحت الجناحين موجودين ؟ كم السعر ؟ |
رد: الكوكاتو الأمير
هلا والله فيك اخوى بلاك بيرى
الطير على الصامت ...يعنى لا سمعته يصارخ ولا يتكلم صاحبه يقول فيه كلام بس مو مفهوم الجناح مقصوص بس كنه فيه ريش نابت السعر ....4300ريال ارجو الرد قبل لا يروح الطير انت وش رايك في الطير اخوى وماقلتلى وش نوعه يعنى مرغوب وكم عمره لا هنت |
رد: الكوكاتو الأمير
هو ترايتون كوكاتو حيث ان لون الجفنين ازرق
عمره تقريبا سنتين قد تزيد شوي او تقل لأنه مافي حجل لون عينه اسود يعني ذكر الطير من النوعيه المرغوبه لكن الريش لك عليه شوي سعره نوعا ما مناسب لاهو غالي ولا هو رخيص موفق |
رد: الكوكاتو الأمير
يـنـقـل الـى الـقـسـم الـمـخـصص لـه ..
|
رد: الكوكاتو الأمير
الله يسعد ذا الوجه ياشيخ قول امين....
والله انى مكلم واحد قالى شده (اشتريه ههه) وبصراحه واحد شافنى اصوره وانبرش في البيعه تعرفه اصحابنا الشريطيه والله اعلم وتهورت وعربنت الرجل ...والحين انت ريحتني الله يريح خاطرك سؤالى يالغالى واحد من الشباب يقول انتف الريش الباقى عشان يطلع بسرعه وثانى يقولى اتركه براحته لا يزعل الطير ثم تبداء معاه من الصفر انت وش تقول واى نصائح منك لا هنت انت او الأخوه الضيوف سؤال اخير ههههه هل الكوكاتو ينتف ريشه لأن هذا الشى كرهنى في الكاسكو ربيته وهو الحين من غير هدوم قصدى ريش بس ماشالله عليه كنه احد اولادى الصغار الله يحفظه واشكر مرورك واهتماك يالغالي اخوك فيصل |
رد: الكوكاتو الأمير
اقتباس:
مبروووك عليك الطير بلاول:88: من الافضل تخلي صاحب المحل ينتف لك الريش المقصوص ونتبه تنتفه انت لان الطير بيحقد عليك لان الطير ماراح ينتف ريشه الى لين يجي في وقت تبديل الريش يعني بياخذ وقت ;) لك خالص تحياتي.... |
رد: الكوكاتو الأمير
على البركه حبيبي
بخصوص ما تفضلت نقول فيه ما يلي لا تنتف ولا تسوي شي روش طيرك وهو راح ينتف الريش الغير لائق كيف لا وهو الطائر ملك الجمال الذي يهمه منظره وشكله العام امام مربيه الطير ممكن يكتئب مثل الكاسكو وينتف وهو معرض اكثر من الكاسكو للأكتئاب ولكن نقول انه خليه دائما معك وحولك او حول الأطفال او مقابل تلفزيون وزود قفصه بالألعاب وايضا عليك بالترويش الدوري لهذا الطير المحب للماء بشكل رهيب وايضا ننصحك بالتشميس الدوري او حتى اليومي لهذا المزيون موفق لكل خير |
رد: الكوكاتو الأمير
اخوى ابو عبدالله
و وحبيبنا بلاك بيري بجد اسعدنى مرووكم وتعيقكم ودمتو بود |
| جميع الأوقات بتوقيت GMT +3. الساعة الآن 01:24 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو