|
احتاج نصيحتكم، مترددة في شراء القطة
السلام عليكم و رحمة الله وبركاته اخواني و اخواتي انا اتابعكم من زمان .. مع اني ما قد ربيت قطط .. لكن فيني فضول اعرف عن تربيتها اكثر .. من سنين ابي اربي قطة لكن الأهل كانو رافضين .. الحين وافقوا لكن انا مترددة حبتين اولا : اللتر بوكس ، يعني انا ابي افهم كيف القط يقضي حاجته ؟ يروح للتر بوكس وخلاص وعادي بعدين المسه والعب معاه؟ مايحتاج غسيل؟ طيب كذا يعتبر نظيف ؟ معليش جدا ع السؤال لكن مابي اشتري القط بعدين انقرف منه لهذا السبب .. حرام كذا ثانيا : هل تربيتهم مكلفة ؟ يعني الرمل و الاكل و الالعاب و الامور هذي تكلفني كم شهريا ؟؟ اانا مره سألت وحدة كانت عندها قطط كثيرة و قالت لي انها مكلفة فعلا ثالثا : وقت الدوام الصباح ، وين احط القط ؟ عادي يجلس لحاله 8 ساعات ولا بيجيه اكتئاب ؟ :( رابعا : الافضل اشتري ذكر او انثى ؟ انا لقيت عرض على قط ذكر و مره عاجبني وتحمست اشتريه بس ترددت شوي و السبب هو اللي ذكرته لكم أخيرا: التطعيم ؟ انا وانا اقرا لقيت ان تطعيمات القطط كثيرة .. بس لما اسأل اللي عندي يقولو لي طعميها مره بس عشان مايطيح الشعر .. :D مدري انا مو فاهمه فكرة التطعيم ذي كثير .. ياليت احد يوضحها لي معليش اسفه لو السئلة كانت مكررة أو غير مفيدة .. بس احتاج منكم النصيحة بحكم خبرتكم .. وشكرا لكم على تعاونكم .. |
رد: احتاج نصيحتكم، مترددة في شراء القطة
up
مايهم باقي الأسئلة، المهم السؤال الأول جاوبو عليه الله يجزاكم كل خير .. |
رد: احتاج نصيحتكم، مترددة في شراء القطة
ياخوكْ ، حياك الباري .. انا دخلت و طلعت لأن بحكم جديدي بالمججآل هذآ ،
لكن شوفي أولاً أنصحك تشترين القطه عن طريق المنتدى ، وابعدي عن المحلآت لانهآ ب تكون ب قفص ، و بتكون ريحتهآ تسد النفس :) و الاسعآر هبله و الموجود بيكون [ محدود ] ،! و احتمال مايكون متعود على الليتر بكس :D الليتر بكس ، القط بيتعود عليه وانا لله الحمد ، جبت قطو ليلة العيد .. واعطآني الرجآل ليتر بكس مؤقت وحطيته له وعرفه مشاء الله .. بس [ خليه يشوفه ] و بمكان واضح له و الحمدالله بعد العيد شريت له ليتر بوكس و مشاء الله متعود عليه بس الله يقويك لازم تنظفين الليتر بكس من الفضلات باليوم مايقل عن مرتين و الرمله تغيرينها بـ الاسبوع مرتين ، لان يقولون لو القط لقى فيه وسآخةه ممكن يعملهآ خارج الليتر :( . - التربيه مو مكلفه أذا أنتي حطيتي له نظام و مصروف شهري . انا شريت له [ رمل / لعبه / ربطه / دراي فود / مشط / شامبو ] ، كلفني 200 ريآل من محل الامآزون أو 180 ريآل . و لكن ال درآي فود و الرمل أسعآرهم من 35 لـ 50 و هيك . اما الشآمبو سعره معقول مع بقيةة الاشيـاء لكن انا الان بأكله ، أكل علبه زي التونه حقت القطط .. الوحده بـ 8 ريآل وانا أحط له كل يوم علبه و ممكن تخلينه ياكل من أكل البيت و بيكون هذا أفضل لك و لـ صحته :) . السؤال الثالث سألته كثير أنا بحكم عملي بآلعققآر :( ، وكنت متخوف و لكن الاجابه [ حطي له أكله و مويته / العـابه / التكيف خليه وسط / شغلي التلفزيون / شغلي الاضاءه ] و لا تخافين عليه .. وامس مكلم الي شريت منه القط قآل لا تخآف هو يتعود أن كنت موجود ي يلعب ي ينام ! السؤآل الرآبع كلهم واحد و ماتفرق ، انا مشتري ذكر عمره شهرين و اسبوع والله العظيم ماكمل معاي 9 ايآم ، الا عامل لي حفله و فله ، ينام عالسرير عندي و يلعب معآي و مرجوج و مربوش مشاء الله عليه .. جداً فلاوي و أنا انصحك فيه ، لان الانثى لا حملت بتكون هاديه شوي و يبغالها عنايه اكثر .. ولا ولدت يبغالها عنايه اكثر و فترة الفطآم لأطفالها يبغالها اهتمآم [ يعني الاهتمآم و القروشه بتزيد ] ، التطعيـم انا ماعندي خلفيـه ، ولكن انا عرفت أنه يوم يصير عمره3 أشهر أطعمـه و هالاجابه أن بغيتي الافضل .. تلقينـها عند البيطـريْ . و الله يرزقك فيه الاجر العظيم من عند الله عز و جل . |
رد: احتاج نصيحتكم، مترددة في شراء القطة
اخوي بدر ، الله يجزاك كل خير والله ردك افادني كثير وانبسطت من كلامك عن القط وانه تعود عليك و صار يلعب وكذا .. تحمست اكثر .. ايه انا ان شاء الله بشتريها من واحد هنا بالمنتدى ، ان شاء الله تضبط لان فعلا المحلات انا شفتهم استغفر الله مره مو نظيفين مبين جزاك الله كل خير و شكرا لك اخوي و ما شاء الله عليه الله يخليه لك :D |
رد: احتاج نصيحتكم، مترددة في شراء القطة
ما قصر بدر يعطيه العافيه جاوب على كل اسالتك :)
اشتري من المربين ارخص عن المحلات ..تاكدي من البائع انه يكون متدرب على الليتر بوكس ..القطط بتنظف نفسها لا تشيلين هم :) بالنسبه للاغراض كلها كماليات وكل شي له بديل .. التطعيم في ناس ما تطعم قططها شي راجعلك .. اهم شي اهتمي بنظافته وصحته .. وبالتوفيق :) |
رد: احتاج نصيحتكم، مترددة في شراء القطة
^ يعطيك العافية اخوي ، مشكورين جمعيا و جزاكم الله كل خير
|
رد: احتاج نصيحتكم، مترددة في شراء القطة
اقتباس:
اقتباس:
اقتباس:
مآ قصـر آخوي بدر كفـى ووفـى . لكن عندي بعض آلآضآفآت آلبسيطه ..} اقتباس:
اقتباس:
// آتمنى . آني آفدتــك بـ آلشي آلي آقدر عليـه ..} تحيآآتي .. // [QUOTE=sanjnaa;2677495][CENTER][B][SIZE="2"][FONT="Tahoma"][COLOR="Blue"] |
رد: احتاج نصيحتكم، مترددة في شراء القطة
اخوي زياد ..أفدتني كثييير
فعلا اذا ع الأسعار اللي حطيتها اذا تربيته مو مكلفة جزاك الله كل خير ع المعلومات وشكرااااا |
رد: احتاج نصيحتكم، مترددة في شراء القطة
اقتباس:
حبيت اوكد ان الاسعار تتخلف من مكان الى اخر حسب المنطقة |
رد: احتاج نصيحتكم، مترددة في شراء القطة
ماقصرو الاعضاء ماشاءالله
بس حبيت اعلق ع السؤال الرابع انا افضل الانثي لانها وقت طلب التزاوج موزي الذكر يرش بول الله يكرمك بس تماوي وتتقلب اما باقي الاشياء كلهم نفس بعض ( لاتاكلينه معلبات كل يوم تسبب له تساقط شعر واسهال الله يكرمك ممكن تحطين دراي فود بين الوجبات) |
| جميع الأوقات بتوقيت GMT +3. الساعة الآن 12:51 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو