|
غلطة غلطتها مع طيري الامزوني
بسم الله نبداء اول مشاركة قبل لا اختار طيري واشتريه قريت كثير بالمنتديات وخاصه منتدى توزو الاكثر من رائع والي ساعدني على اختيار الطائر المناسب وترويضه طيري بلو فرونتد اليف وعمره سنه وشهرين تقريباً ياكل من يدي وحزات يسوي نفسه يعض عشان يخرعني لما احاول ابي اقرب منه وكله باخر الزاويه شارد توددت له وكله اضحك في وجه عشان يرتاح واكون ثقه بيني وبينه وفي مره قريت بالمنتدى عن طريقة تجويع الطير لمدة خمس ساعات عشان تقدر تروضه بسهوله ويلجئلك ويسوي اي شي تبيه لاكن للاسف هاذي ممكن تنطبق على معظم الطيور وليس الكل لانه الي صار قام يجعر ويصرخ من الجوع وعلما انه صارله معاي فوق الشهر ولا قد سواها ولاسكت من الجعير الا لما جبت له اكل معني ماكنت ابي اعطيه وهو يصارخ عشان مايحس انه هاذي هي الطريقة الي تجي بها الاكل لاكن صدق اززززززعجني والمشكله الاكبر الحين كل ما اختفي عن انظاره في البيت او اطلع برع البيت يرجع يصرخ ويجعر لين يشوفني قدامه ومن يشوفني يناقز ويفرح لاكنه للحين يخاف اقرب ايدي منه أسف على الاطاله لاكن خلاصة الموضوع: كل طير له شخصية غير ومش اكيد كل طرق الترويض المجربه مع طيور غيرك تمشي مع طيرك وتقبلوا مروري |
رد: غلطة غلطتها مع طيري الامزوني
أهلا وسهلا بك أخي الفاضل بيننا ..
بداية موفقة و أول مشاركة لك مميزة وموضوع رائع بالفعل .. نقطة يجهلها الكثر من المربين , يجب أن تدرس سلوكيات الطير المراد تدريبه ومن ثم اختيار الطريقة الأنسب للتدريب حتى يستجيب لها الطير بكل ارتياحية , أفضل من أن تتفاجئ بعدم استجابية الطير للتدريب وتحوله إلى أكثر عدوانية .. مشكور والله يعطيك ألف عافية على الموضوع الشيق والمفيد .. تقبل مروري ,, |
رد: غلطة غلطتها مع طيري الامزوني
كلامك سليم وانا متفق معاه ميه باليه ليست كل طرق الترويض مناسبه لجميع الطيور
|
رد: غلطة غلطتها مع طيري الامزوني
أنا غلطت تقريبا نفس غلطتك قبل كم يوم و كان ياكل من يدي الحين كلما اقرب منه يصرخ
|
رد: غلطة غلطتها مع طيري الامزوني
و الله نقطة هامة جدا
و إن شاء الله يستفيد منها كل الإخوة |
رد: غلطة غلطتها مع طيري الامزوني
انا اتفق معاااگ
ككل طير وله طريقه تنااااسبه وفي مجمووعه طرق كل طير تنااسبه كدا طريقه بالتوفيييق للجميع |
رد: غلطة غلطتها مع طيري الامزوني
تسلم اخي انا غلت غلطة بس مو زيك كان علمت ببغائي ما يعض و فعلا توقف عن العض و الصراخ لاكن بعد مدة صرت اعطيلو الشكولاطة ذايبة على راس اصبعي و صار يحبها بس المفاجئة انه صار لما تقدملو اصبعك ما فيه شكولاطة يعضه ليس خوفا ولا للأذية ولاكن بحثا عن الشكولاطة
|
رد: غلطة غلطتها مع طيري الامزوني
الله يعطيك العافيثه على الطرح
وتجويع اكبر غلط ولا ينصح فيه لتدريب الطيور ~تقبل مروري~ |
رد: غلطة غلطتها مع طيري الامزوني
شاكر لكم كل ردودكم الطيبه والمشكله الاكبر الحين صار كله يصارخ من اخليه او اروح عنه لو دقايق معني ماقصر معاه اعطيه من وقتي كثير اذا عندكم حل ياجماعه فيدونا |
رد: غلطة غلطتها مع طيري الامزوني
.. كــلام جميــل وصحيــح ومهــم لـ الجميــع .. وجــزاكـ اللهـ خيــر ع النصيحــهـ .. وان شــاءاللهـ ماحــد يتعجــل فــي إرتكــاب آي أمــر بعــد الآن .. .. آنآستــآزيآ .. |
| جميع الأوقات بتوقيت GMT +3. الساعة الآن 09:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو