|
طيور الحب فقس بيضها وطلع فروخ < هع محتاج مساعدتكم
سلام
كيفكم اخباركم اكيد كلكم مشغولين للعيد ومحد فاضي بسس ودي استفسر عن طيور الحب عندي انا اثنين لهم يمكن سنتين ونص كذا وقبل رمضان كانوا راجنين ع البيض ٤ بيضات وفقسوا ٣ حلوين ماشاءلله اول يوم من رمضان والحين الريش مكتمل نموه بس فيه مشكله ماعرف وش سالفتها القفص عندي صغير والحين عددههم ٥ والام طردت واحد من العش او اتوقع تسمونه الفقاسه وجالس تحت بالقفص لحاله ماعرف اخاف يموت لانه مايطير وماادري اذا يشرب وياكل وهل ينفع اخليهم مع بعض والا لا وش اسويلهم انا من فقسو بس اغير مويه واكل وماقرب منهم :D |
رد: طيور الحب فقس بيضها وطلع فروخ < هع محتاج مساعدتكم
اكلهم وخل الاصغار يمكن في قفص ثاني احسن و الاعضاء يفدونك
|
رد: طيور الحب فقس بيضها وطلع فروخ < هع محتاج مساعدتكم
اول شي اخوي الكريم
مبروك عليك الانتاج وعقبال انتاج الفروخ ان شاء الله اخوي هل الام هي اللي طردت الفرخ ولا هو طلع من نفسه؟ هل طلعت الفروخ كلها من البياضه ولا واحد بس؟ هل اكتمل الريش كليا على الفروخ ولا باقي شوي والى الان اهلهم يطعمونهم ولا لا؟ واهم سؤال هل بدأت الام بأي سلوك عدواني تجاه الفروخ؟؟ يعني ضرب او نتف ريش وخلافه؟ وبناء على اجوبتك راح نفيدك بالشكل الصحيح ان شاء الله والافضل اضافه صوره للقفص ليتضح حجمه ونفيدك |
رد: طيور الحب فقس بيضها وطلع فروخ < هع محتاج مساعدتكم
اقتباس:
اتوقع الام الي طردته بس باقي اثنين جوا ويمكن هو طاح لانه دايم يطلع راسه ويطالع ماطلع الا واحد بسس والاثنين جوا الي طالع الريش مكتمل كله ويحرك جنحانه بس مايطير واتوقع الاهل يطعمون الي جوا بس الي برا مااعرف لاني مو انا الي اغير الاكل دايم وكذا الام اذا قرب احد من القفص تتضارب مع الاب بس ماتقرب من الصغار والقفص بحاول انزل له صوره بس هو شكله داري وتقريبا يعتبر صغير الى متوسط :D |
رد: طيور الحب فقس بيضها وطلع فروخ < هع محتاج مساعدتكم
اخوي بسوم
مدام الام ما ابدت اي سلوك عدواني تجاه الفروخ ان شاء الله الوضع فالسليم ومدام اللي طالع واحد بس فالغالب انه هو اللي طلع من نفسه مو الام اللي طردته ممكن طلع وماعرف يرجع او خلاص مايبي يرجع وممكن احتمال ضعيف انه يكون الام طلعته عموما الافضل حاليا اترك الوضع مثل ماهو مع بعض التعديلات اولها وضع صحن صغير مسطح في ارضيه القفص ووضع بعض الاكل فيه طبعا اضافي مع الاكالات العاديه اللي تبع القفص صحن مشابه لهذا تقريبا http://www.2zoo.org/uploads/13450859711.jpg عشان يبدء الصغير بالاستكشاف ويحاول ياكل من الصحن لأن علافات الاقفاص الصغيره صعبه بعض الشيء على الفروخ في الغالب ان الطيور راح تجهز لأنتاج جديد خلال هذه الايام لذلك انتبه لأن الانثى اذا حست بالبيض في بطنها راح تضرب الفروخ اللي في العش ويمكن تؤذيهم المهم اذا تحب تقدر تنزل انت الفروخ الباقي من العش وتحطهم مع اخوهم اذا هم مكتمل ريشهم مره ووقفتهم سليمه وافضل في هذه الحاله تغيير القفص قبل ان تضع الانثى البيض الجديد جب قفص اكبر والافضل يكون مثل اقفاصي الموجوده في هذا الموضوع http://www.2zoo.com/vb/showthread.php?t=259533 واذا تأكدت ان الفروخ بدت تاكل من نفسها افصلها لوحدها في قفص مستقل عشان ترتاح الطيور وتنتج براحه اتمنى اكون افدتك بالشكل المطلوب |
رد: طيور الحب فقس بيضها وطلع فروخ < هع محتاج مساعدتكم
يعطيك العافيه اخوي محماس ماقصرت بحاول اشتريلهم قفص اكبر بعد العيد
واخوي اذا ماابي الانثى ترجع تبيض وتفرخ لانهم بيصيرون كثيرين اشيل البيض عادي ؟ وماخليها ترجن عليه |
رد: طيور الحب فقس بيضها وطلع فروخ < هع محتاج مساعدتكم
اذا ماتبي الانثى تبيض
شيل البياضه نفسها وخلاص لكن الافضل اترك الطيور على فطرتها تبيض وتفرخ وتقدر كل مافرخت تبيع الفروخ افضل لك |
| جميع الأوقات بتوقيت GMT +3. الساعة الآن 02:20 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو