منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة الزواحف (http://www.2zoo.com/vb/forumdisplay.php?f=60)
-   -   أرجو المساعده من خبراء الغوانا!!! (http://www.2zoo.com/vb/showthread.php?t=281723)

mix-down 12-08-2012 06:23 PM
أرجو المساعده من خبراء الغوانا!!!
 
السلام عليكم ورحمة الله وبركاته
مبارك عليكم الشهر وعيدكم مبارك مقدما:p
أنا إنشالله بشتري غوانا طولها تقريبا 30-45
إلي أعرفه:
*أشتري لها حوض
*أحط فيه تراب أو نشارة خشب
*غصن شجر
*ماعون سباحه وصحنين أكل وشرب
*إضاءه
*مقياس حراري
*رطوبه

السؤال:
*جم حجم الحوض أقل شي وأكبر شي؟؟
*جم درجه حرارة الحوض؟؟
*أنا سامع أن لازم أطلعه بره الحوض وأمسح عليه بس درجة حرارة غرفتي بين 17-23 هل تمرض؟؟
*جم إضاءة بالحوض وهل أطفي بالليل ول أشغله بإستمرار؟؟
*وشلون بخلي الحوض رطوبة؟
وسلامتكم أدري أني كثرت عليكم بالأسئلة:D:D

|| PyTHoN || 13-08-2012 02:29 AM
رد: أرجو المساعده من خبراء الغوانا!!!
 
حط تربة زراعيه مو تراب او نشاره مرات يقعدون و يعضضون فيهم
الحوض يفضل يكون تفصال و كل ما زاد كان أفضل ..

يعني حوض متر و 20 × 80 حلو ، يمشي معاك سنه و يمكن اكثر
لي كبرت حيل عاد يبيلك زياده ، الحراره بين الـ 27 - 30 ..

مو لازم لكن بتصير متوحشه ، لازم تشيلها باستمرار عشان تتوالف
معاك + لازم تشمسها يومياً ولا بتمرض ، و بالنسبه انك تطلعها بالغرفه
عادي مو مشكله يعني منت مطول فيها وايد بره الحوض ..

بليل ممكن تستخدم اضاءه لونها أحمر ..

الرطوبه بخاخ ماي تلقاه بالمشاتل او نفس الي عند الحلاقين ..

بالتوفيق

*حامي الحيوان* 13-08-2012 02:44 AM
رد: أرجو المساعده من خبراء الغوانا!!!
 
وعليكم السلام والرحمة

مشرفنا ماقصر


بالنسبة لاسألتك

اذا ناوي تغيرة اذا اكبرت فا ممكت تشتري حوض بو متر

واذا مو ناوي تشتري حوض ثاني فا انصحك تفصل حوض مترين

وصدقني مايكلف رخيص جدا عند اي محل زجاج


درجة الحرارة من 27 انسب درجة وممكن تزيد وتنقص بمقدار درجة درجتين فقط

وبالنسبة لخروجها خارج الحوض شئ مفضل لان اذا تركتها دائما بالحوض

بتصير متوحشة وماترضى انك تلمسها

الاضاءة ممكن تستخدم لمبة حرارية تحصلها بمحلات الحيوانات

او انك تستخدمة لمبة صفراء عادية ولكن خلها بطرف الحوض مو بالنص

عشان اذا الغوانا ماتبي الحرارة تروح للطرف الثاني من الحوض

وبالليل مكن تستخدم اضاءة uv لانها ضرورية للغوانة

واذا ماقدرت تحصلها فا ممكن تطلع بشمس الصبح او العصر لمدة ربع ساعة


وبالنسبة للرطوبة فا ممكن ترش عليها ماي من اي بخاخ

او انك تضع ماعون الماء تحت الاضاءة وحرارة اللمبة بتبخر لك الماء وتسوي رطوبة



بالتوفيق,,,

mix-down 13-08-2012 11:49 AM
رد: أرجو المساعده من خبراء الغوانا!!!
 
مشكورين على هل المعلومات ويعطيكم ألــ الف الف ــف عافيه على هل المجود الكبير

أنا سامع أن بالكويت في أحواض زاهبه للإغوانا مساحتها جيده وفيها كل مستلزماتها أشتريها ول أفصل وأحط أحسن؟

;) طلعو الشباب سهاريه;)

jassim99 13-08-2012 09:12 PM
رد: أرجو المساعده من خبراء الغوانا!!!
 
الاحواض الجاهزه للغوانات الصغار ولازم تغير الحوض لي كبرت

افضل شي تفصللك حوض يقعد معاك فتره وانت تفصله على مزاجك وتحط الديكورات الي تعجبك

بالتوفيق

*حامي الحيوان* 13-08-2012 10:24 PM
رد: أرجو المساعده من خبراء الغوانا!!!
 
مقل ما قال اخونا جاسم

الاحواض الجاهزة حجمها محدود وصغير

وراح تضطر انك تبدلها اذا اكبرت الغوانا



بالتوفيق,,,

mix-down 14-08-2012 02:23 AM
رد: أرجو المساعده من خبراء الغوانا!!!
 
مشكوورين ويعطيكم ألــف عافيه على المجهوود الكبير وآسفين على كثرة الأسئلة =)


جميع الأوقات بتوقيت GMT +3. الساعة الآن 06:50 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو