|
الهمستر القزم, أسئلة ؟
السلام عليكم
لدي هامستران أنثى وذكر الأنثى بلاحظ بعد أسبوعين من شرائهم أو أقل تتعارك مع الذكر معركة شرسة وهي تعض والذكر لايعض وحجمها صاير 3 \ 2 مرات\مرة أكبر من الذكر وهي تعض كثير وعضتها يخرج دم, وهي كثير ماتنقل معها نشارة خشب في الاماكن اللي تنام فيها مثل الأنفاق, وسرعتها صار أقل, فماأدري شنو اللي صاير فيها ؟ |
رد: الهمستر القزم, أسئلة ؟
السلام عليكم
من معلوماتي الي اخذتها من هذا المنتدى الرائع حبيت اقولك ان الهامستر حامل ولا تلمسها يكون افضل وفر لها الاكل الازم وانشاء الله بتولد واذا في اي شي زياده بيساعدونك الربع تحيـــــــــــــــــــــــــــــاتي:D |
رد: الهمستر القزم, أسئلة ؟
مبروك الهمستر إن شاء الله حامل على فكرة جيب إلها بيت صغير تلجأ فيه يكون أحسن
وبالتوفيق |
رد: الهمستر القزم, أسئلة ؟
تقولون لاتلمسها ؟
انا شلتها مرات كثيرة ومرات الأخوان يرعصون بطنها بس عدال , مايأثر ؟ |
رد: الهمستر القزم, أسئلة ؟
اخوي سفاري لا عاد تجيسونها واتركها لحالها
واعزلها عن الذكر ووفر لها جو هادي واكل وماي 24 ساعه الين تولد |
رد: الهمستر القزم, أسئلة ؟
أخوي ، سفاري العرب
اي حركة مؤية بتأدي لي وفاة الأم مع العيال ، شيلوا الذكر بس لاتلمسوا الأنثى ، إلا صاحبها عادي يلمسها بدون شل لأنها تعرفه من الصوت وريحة اليد هذا والله أعلم |
رد: الهمستر القزم, أسئلة ؟
مبروك عليك اخي انشاء الله حامل الان مباشرة ً افصل الذكر و لاتحاول مسك الام و ضعها في مكان جيد التهوية وتكون درجة الحرارة فيه معتدلة لكي تتجنب اكل الام للصغار و هي الان قريبة انشاء الله من موعد الولادة .
|
رد: الهمستر القزم, أسئلة ؟
أظن وحسب معلوماتي المتواضعة ان الانثى في اواخر ايام الحمل
ونترك الباقي لأهل الخبرة وآسفين على اللقافة :D :D :D |
رد: الهمستر القزم, أسئلة ؟
الانثى حامل انا متأكد 100%
|
رد: الهمستر القزم, أسئلة ؟
وهذا الموضوع كامل عن الحمل ورح تتأكد انه انثاك حامل اسرع بفصلها عن الذكر :
http://www.2zoo.com/vb/showthread.php?t=27973 |
| جميع الأوقات بتوقيت GMT +3. الساعة الآن 09:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو