ماهي الاساسيات اللي اركز عليها اذا بشتري جيرمن شيبرد
 

اشلوونكم شباب ادري اذييتكم بس والله لاني عليمي بالجلااب وهالسواالف بس بغيت اسأل
شنو الاشيااء المهمه اللي اركز عليها اذا بشتري جيرمن عشاان ما ينقص عليي نفس المره اللي طاافت ويعطيكم العافيه

رد: ماهي الاساسيات اللي اركز عليها اذا بشتري جيرمن شيبرد
 

اول شي لو تقدر تشوف امه وابوه وتشوف فيهم
1 - الكسحة من ورة اشلون
2 - الأذان نفس رقم 11 مب طوال وايد
3 - لو كان فيه شعر ابيض طبعا مايفضل وانة يكون مب اصيل
4 - وشوفه إذا كان فيه عيوب خلقية من الولادة يعني مايمشي عدل او يعرج وتأكد انه مب اصمخ
5 -وياريت لون انك تقدر اتنزل اصور له قبل لا تشتريه علشان يشوفونه ويحكمون عليه
6 - بس حتي لو ما عجبهم وانت عاجبك وسعرة حلو اخذه

واتمني اني اكون عطيتك الى تبيه وشكرا
ولى له راي يزيد

رد: ماهي الاساسيات اللي اركز عليها اذا بشتري جيرمن شيبرد
 

1_ افضل عمر تشتري فيه البليسي 6 شهور عشا يبين عدل
2_ الأذن مهم انها تكون واقفه على حيلها
3_ الضهر يكون مرفوع من صوب العنق ويبدي بالتدرج الي تحت يعني من عند العنق يكون طويل وعند الرجل الخلفيه يكون نازل واقل طول
4_ الون في الوان وايد للجيرمن في الشو وفي البلاك كوت والورك وغيره وايد وكل واحد منهم له مميزات مثلن اذا بتاخذ الشو لاين افضل ان مايكون فيه بياض يعني كريمي واسو وبالنسبه للوان الثانيه على حسب كل واحد وشنو يحب
5_ اذا قدرت تعرف وتشوف امه وابوه افضل عشان انت ترتاح نفسياً وتكون واثق من جلبك
6_ لاحض قبل ماتاخذه طريقت لعبه معاك ومع الناس واختار الجلب الحركي وايد والي يعضعض ويلعب فغالبا مايكون جلب ذكي
وسلامتك
3-

رد: ماهي الاساسيات اللي اركز عليها اذا بشتري جيرمن شيبرد
 

يعطييكم العافيه وماتقصروون والله وانشالله قبل ما اشتري اي شي اوريكم اياه

رد: ماهي الاساسيات اللي اركز عليها اذا بشتري جيرمن شيبرد
 

هلا اخوي

عموما قبل لا تشتري كلب او جرو اتمنى انك تقرا موضوعي المثبت باسم (دليلك البسيط الى عالم الكلاب)

وبعدين تقرا موضوعي الي بتوقيعي (كل ما تريد معرفته عن الجيرمن شيبرد)

وانشالله تستفيد

والاعضاء ما قصروا وياك الله يعطيهم العافيه

:)

رد: ماهي الاساسيات اللي اركز عليها اذا بشتري جيرمن شيبرد
 

عدل والله شوف مواضيع أخونا بو راشد
ترى مواضيعه جدا ممتازه ومتكامله وإشاء الله راح تستفيد .

رد: ماهي الاساسيات اللي اركز عليها اذا بشتري جيرمن شيبرد
 

تسلم والله يا بو يوسف :)