|
كاسكو اتعبني. ... سؤال عن ترويض الكاسكو
عندي كاسكو افريقي غير محجل عمره تقريبا ثمان اشهر
اتعبني جدا في الترويض له تقريبا شهر عندي الجعره راحت ولله الحمد الا في حالات نادرة بس اللي متعبني فيه عدة اشياء ... أولا العض جربت كل الطرق ماقدرت انهيه ثانيا مستحيل يخليني امسح راسه مع اني جربت كل الطرق الموجودة بالنت استخدام العصى وغيره وثالثا مستحيل ياكل من يدي لو يصير جوعان .... جربت اجوعه خمس ساعات ومع ذلك ما ياكل من يدي بس ياخذ الاكل ويرميه بقوة من الزعل للمعلومية انا اللي اغير اكله وانظف قفصه طول الفترة الماضية وحاطه بمكان هادي وموفر له جميع مايحتاجه اكل منوع وقفص كبير واطلعه من القفص يوميا السؤال هل فيه امل؟ لاني بصراحة مليت منه ويدي تجرحت من كثر مايعضني اذا حاولت احك راسه واللي مر بنفس مشاكلي كيف تغلبت عليها وشكرا |
رد: كاسكو اتعبني. ... سؤال عن ترويض الكاسكو
اهلا بك اخي الفاضل الطير مازال يتحتاج ان يتعرف عليك اكثر ودام راحت الجعره اذا راح الخوف لكن المسئله تبقى مسئله ثقه انه هل انت من الذين سيؤذونه ام لا انصحك بالتودد له اكثر واكثر وترك الطير على استاند في مكان عام وانصحك ايضا بعدم ضربه او الصراخ في وجهه مطلقا
موفق بكل خير |
رد: كاسكو اتعبني. ... سؤال عن ترويض الكاسكو
لمنع العض جربة طريقة العسل :rolleyes:
|
رد: كاسكو اتعبني. ... سؤال عن ترويض الكاسكو
يعطيكم العافية جربت العسل وزبدة فول سوداني مانفع .... أفكر أحط شي طعمه شين عساه يترك العض
|
رد: كاسكو اتعبني. ... سؤال عن ترويض الكاسكو
جرب مربى التوت
|
رد: كاسكو اتعبني. ... سؤال عن ترويض الكاسكو
مثل ما قال الاخ بلاك بيري دام ان الطير ما كسب الثقة الكافية ماراح يخليك تمسح على راسه او أي شي ثان امنحه زيادة من الوقت ثم جرب طريقة العسل طريقة فعالة لتخفيف العض .. موفق ،،
|
رد: كاسكو اتعبني. ... سؤال عن ترويض الكاسكو
.
طيب بقول لك شيء .. اذا بغيت تدرب ببغاءك ، طلعه في غرفة تكون فاضيه او شبه فاضيه مثلا ً مجلس ارضي اوشيء زي كذا .. بعد كذا فكه في الغرفة و طلع القفص وخله يتمشى في الغرفة خمس دقايق لين يرتاح نفسيا ً وبعدها حط ع اصبعك عسل وانتبه تسحب يدك وهي في فمه خلك بطل .. وش بيصير يعني اطلق ما يسوي انه يقطع اصبعك يعني شيء ما يخوف <<<<< لا الولد زودها .. صدقني من يذوق العسل وهو تارك عادة العض بس لا تسحب بيدك و اما عن طريقة المسح .. انصحك تجرب المنشفه الطريقة خل طيرك ع الارض و ارمي فوقه منشفه وشل الطير بيدك وجلسه بحضنك وطلع راسه بس وحكه له لو حاول يعضك صفر له بصوت عالي وقول بابا راح يتشتت تركيزة عن العض ويصير يسمع لك وبكذا يصير عندك فرصه اكبر تحك راسه .. ،سوي الطريقة ذي عشر مرات بعدين هو يصير يحب حكة الراس ... وتلقاااااه كل ما شافك دنقس على خشمه يبيك تحك له ... والله يسعدك انت وطيرك ..، |
رد: كاسكو اتعبني. ... سؤال عن ترويض الكاسكو
اخوووي حالتك نفس الحاله الي معي اول شي تبداء بالترويض وتترك عنك طلوع اليد وغيره لا تشتت الطير معك الطريقه بالمنشفه دايما لمدة اسبوع تقريبا لفه ومسده حتي يهداء لا تترك المنشفه حتي تتاكد انه تأقلم معك حتي لو طالة المده بعدها لما تتاكد هدوءه ابداء تسميده بدون منشفه وتمسح عليه بعدها ابداء بالطلوع والتدريب الاخر ..... هذا من واقع تجربتي وكل طيري يختلف عن الاخر بس الي معي جنني بالعض الين سويته معه هالطريقه والان صار حمامه .... وشكرا
|
رد: كاسكو اتعبني. ... سؤال عن ترويض الكاسكو
هلا خيو انا كان عندي طير مثل طيرك كان يتكلم يقول كلمه وحده بس كان ما يرضى المسه بعته وريحت راسي وشريت طير مدرب ويتكلم واليف وحبوب ومونسني بالبيت نصيحه بيعه اذا انتا مبتدىء بتربية الطيور وخذلك واحد مدرب ويتكلم احسن لك صحيح اسعارهم غاليه بس اريحلك من الفرخ
|
رد: كاسكو اتعبني. ... سؤال عن ترويض الكاسكو
تجنب الحركة السريعه او المفاجئه قدام الطير و جرب تجويعه... استخدمت هالطريقه مع ببغائي كنت اجوعه و احط الاكل بعيد حالي 15 سم عن القفص و لما يحس بالجوع كان يروح لمكان الاكل بعدها صرت اجلس بعيده عن القفص حوالي متر و الاكل بيدي و كان يجي الين عندي الين ما تعود .. هالطريقه محتاجه صبر احيانا تنتظره يجيك حوالي ساعة بس مع التكرار كل يوم راح يستسلم :) و طريقة المنشفه فعاله بس انتبه تمسكه بقوه و امسح على راسه خاصة المنطقه قريب العين و لو حسيت انه هدأ جرب تمسك منقاره اعتقد كلها اسبوعين و راح يبدأ يتعود عليك هالعنيد .. اتمنالك التوفيق.....
|
| جميع الأوقات بتوقيت GMT +3. الساعة الآن 05:36 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو