منتديات تو زوو - هتجنن من الفطريات خلاص

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - هتجنن من الفطريات خلاص (http://www.2zoo.com/vb/showthread.php?t=277767)

هتجنن من الفطريات خلاص

عارفة إنى بقالى مدة مش بشارك بس عندى دراسة و مش عارفة أشارك بس بدخل كل يوم أشوف الموضوعات الجديدة و أستفيد
المهم:
أول ما جبت مشمش كان عنده فطريات، و أنا لأنى إشتريته من دكتورة بيطرية فكان فى إتفاق إن لو لقيت فى أى مشكلة هى هتعالجه، المهم فضلت أروح لمدة شهر كل أسبوع تديله حقنة للفطريات دى لحد ما الحمدلله راحت
بس هو بعد ما جبته بأسبوع كان عندى قطة تانية تعبت وجالها برد و خست كتيييييييييييييييير من قلة الأكل و شكلها بقى صعب و بعد ما خفت شعرها كان بيقع بشكل كتير

المهم من كام يوم لاحظت إن عينها بتطلع إفرازات غريبة المهم بقيت أحطلها قطرة و مرهم و أنضف عينها كويس بغسول للعين، و بعد يومين من العلاج لاحظت إن عينها راقت بس هو مكان الإفرازات دى كان ملتهب تحت العين

إمبارح فوجئت إن فيه قشور كدة، و بعدين ببص لقيت عندها فطريات فى راسها و رقبتها، و بعدين لقيت النهاردة كمان جنب رجليها من أسفل البطن

المهم أنا بنضفلها بسيتيال(زى البيتادين) و بحطلها قطرة ديرماتين، و بعدين أدهنلها بنزانيل كريم
بس أنا خايفة تعدى مشمش تانى و لا هو أخد مناعة عشان كان عنده؟؟؟؟؟
و بعدين فى قطة تانية هل ممكن تتعدى هى كمان؟؟؟؟؟؟؟؟؟ و لا طالما ما اتعدتش من الأول خلاص؟؟؟؟؟؟

و أنا بديلهم أكل كويس يعنى فراخ، لحمة مفرومة بالأرز، دراى فوود sport mix ، بيض مسلوق مع جبنة مثلثات، و لبن بالعيش و أحيانا كبدة أو سمك بس على فترات متباعدة عشان شعرهم ما يقعش

و كنت شفت حد بيقول نديلهم كبسولات زيت كبد الحوت سفن سيز
طب أنا عندى نوع تانى إسمه هالورانج مكتوب عليه( زيت كبد الحوت الهاليبوت)( غنى بالأوميجا 3 و فيتامين د 3 و فيتامين أ 3 و فيتامين هـ
طب لو هديلهم من الكبسولات دى أديهالهم إزاى؟؟؟؟:confused: