|
تعب غريب وحالة غريبة
اخواني السلام عليكم في البداية احب ارحب فيكم عندي استفسار وطلب المساعدة في حالة قطتي هي عمرها 11 شهر وكانت طالبة زواج المهم وديتها للمحل واخترت الذكر وخليتها 4 ايام المهم بدت الحكاية يوم جيت اخذها حصلتها كسوولة في المحل ويوم طلعوها لي كانت عيونها مليانة شي اسود الله يكرمكم المهم نظفوها ولاحضت فيها عطاس جبتها للبيت ومستمر عطاسها ولعابها سايل على طول وكسل دائم وعدم شهية الاكل المشكلة اللي صدمتني الحين قبل شوي يوم ناديتها تحاول تموء او تصيح بس مايطلع صوت ابدا حاوالت كذا مرة القاها تصيح وتفتح فمها بس بدون اي صوت الفزعة اللي عندهم خبرة فديتكم اتمنى انه وضحت الفكرة وماطولت عليكم ياليت سرعة الرد تحياتي للجميع |
رد: تعب غريب وحالة غريبة
قيس حرارتها ممكن تكون ان شاء الله مجرد زكام لانتقالها من بيئه لي بيئه جديده ولا شيئ ثاني
واذا كانت حرارتها مرتفعه او لا تأكل ولا تتحرك كثيرا ممكن يكون لا سمح الله فايروس من الذكر يجب استشارة بيطري متخصص |
رد: تعب غريب وحالة غريبة
وعليكم السلام والله ننصح ونعلم بالناس ومحد يتعض المحلات انحاشوا منها ان شاء الله محل خمس نجوم ماتظمن اهتمامهم لانه في مليون حيوان داخل المحلات والاهتمام مجرد نظافه المكان والتغذيه بسيطه والرعايه نص ونص والقطط ادنى شي تمرض وتحسس من المكان افحص اسنانه ولثه القطه والاذن وحاول تشوف الشعر من البطن والذيل لانه الغالب العدوه تصير بالمحلات والعطاس يكون منقول من قط مريض وبخصوص الصوت اهي قبل لها صوت ولالا ؟ لانه انا عندي قطه مالها صوت ولا مره سمعت تماوي الى خفيف صوتها عكس الباقي وسليمه العلاج العطاس من الصيدليه البيطريه اسم الحبه BeTaMox وتعطيها وحاول تتجنبها من الغرف البارده وان شاء الله تطيب |
رد: تعب غريب وحالة غريبة
بالنسقبة لصوتها
عادي بعض القطط بعت التزاوج بيكون صوتها منبوح و قيس درجة حرارتها و شوف هل عندها اسهال او اي اعراض اخرى والافض تعطيها مضاد حيوي اسمه بيتاموكس من الصيدليه البيطرية اسمه ايموكس من الصيدليه البشرية |
رد: تعب غريب وحالة غريبة
اهلا بيك
القطه عندها برد ومحتاجه مضاد حيوى بيتاموكس من البيطريه او ايموكس من البشريه والافضل تخليها فى مكان متوسط الحراره |
رد: تعب غريب وحالة غريبة
الله يحيكم ومشكورين على الردود اللي استفدت منها اكيد
وديتها اليوم ولقى حرارتها واصلة ٤٠ المهم عطاها تقريبا ٣ ابر ! ووصفلي علاج اعطيها بالابرة بفمها لمدة ٥ ايام ويقول عندها برد والله يعين |
رد: تعب غريب وحالة غريبة
العلاج اتوقع اللي هو بيتاموكس مضاد حيوي الله يشفي قطتك اهتمي بتغذيتها في الوقت الحالي وابعديها عن تيارات الهواء البارده والتكييف القوي
|
| جميع الأوقات بتوقيت GMT +3. الساعة الآن 08:05 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو