|
استفسار بسيط لا تبخلون علي بالرد :)
السلام عليكم
صباح الخير علي احلى اعضاء .. ابي استشيركم بموضوع :) انا عندي كتين انثي عمرها اسبوعين حجمها صغير بالنسبه لاخوانها .. مسكينه اخوانها 4 اجسامهم اكبر وما يعطونها مجال ترضع :( الان الباقين نايمين اخذتها لحالها لعند امها عشان ترضع :) تنصحوني ارضعها بالسرنجه ولو مرتين باليوم او استني الباقي يخلصون رضعتهم واقربها من امها ترضع مع العلم اني اغلب اليوم مش موجود بالبيت بسبب عملي اليومين هذي .. وانا ودي اخليها ترضع من امها افضل عشان مناعتها تقوي لانه جسمها طري كثير بالنسبه لاخوانها :) دمتم بود :) |
رد: استفسار بسيط لا تبخلون علي بالرد :)
وعليكم السلام ورحمة الله وبركاته
اهلا وسهلا فيك اخي عزووز صباح النور عليك يا احلى عزووز طيب لو كانت القطة جدا هزيلة وضعيفة ضروري انت ترضعها بحليب الاطفال خالي من اللاكتوز يعني وقت ماتفضى مو شرط طيلة اليوم ترضعها لا رضعها وقت ماتفضى وحاول دائما انك تساعدها على انها ترضع من حلمات امها يعني لو كانو باقي الكيتنز مايرضعون او واحد او اثنين بس الي يرضعو حطها بالقرب من حلمات امها وراقبها اذا ترضع او لا بس باي شكل من الاشكال لازم ترضع عشان تتغى وتقوى |
رد: استفسار بسيط لا تبخلون علي بالرد :)
تسلم فديت عينك ان شاء الله بسوي اللي قلت عليه :) الله يعطيك العافيه :)
|
رد: استفسار بسيط لا تبخلون علي بالرد :)
ربي يسلمك من كل شر
وربي يعافيك ويخليك جرب هالطريقة وطمنا وقل لنا ايش صار ولو مازبطت قلنا |
رد: استفسار بسيط لا تبخلون علي بالرد :)
تسلم .. ان شاء الله على تواصل واطمنكم باذن الله
|
رد: استفسار بسيط لا تبخلون علي بالرد :)
انا جبت حليب اطفال خالي من الاكتوز وقاعد ارضعها بالسيرنج الكيتن الان عمرها اسبوعين وحجمها حجم كتين ما عمره اسبوع اخوانها كلهم فتحوا عيونهم الا هي اكتشفت انه وقت الرضعه الكل يرضع الا هي :(
صارت ترضع بالسيرنج على خفيف امس عطيتها ٢ سم تقريبا مرتين واليوم عطيتها ٣ سم مرتين بس بطنها ما انتفخت بعد الرضاعه قعدت ارضعها لحد ما رفضت السيرنج بحاول اشتري لها رضاعه للكتين ممكن ترضع اكثر :( واذا فيه نصائح ممكن تنفع في حالتها اكون شاكر وممنون :) |
رد: استفسار بسيط لا تبخلون علي بالرد :)
طيب اخي الغالي
ربي يعطيك الف عافية ويصبرك وربي يعينك ويقويك هو الافضل اك ترضعها برضاعة خاصة للكيتنز من محلات الحيوانات او الصيدليات البيطرية واستمر على رضاعتها ولو عيونها مقفلة مررة اتركها ولكن لو عليها افرازات ضروري تمسحها يوميا بقطنة مبلولة بماء دافئ ولكن بشكل لطيف عشانها لسا كيتن ولاتحاول انك تفتح عينها بالقووة ودفيها كويس واستمر على تغذيتها وبرضو لاتعجز عن المحاولة خليها بقرب امها وعند بطن امها يمكن اذا فتحت عيونها شوي تحاول انها ترضع |
رد: استفسار بسيط لا تبخلون علي بالرد :)
الله يسمع منك ،،، الله يعطيك العافيه ويسلمك ما قصرت يالغالي :)
|
رد: استفسار بسيط لا تبخلون علي بالرد :)
القطه جاها اسهال مع اني اعطيها حليب اطفال خالي من اللاكتوز وضعها غريب المشكله انه ما ترضع من امها مدري شسوي معاها :(
|
رد: استفسار بسيط لا تبخلون علي بالرد :)
والله محتار ماني عارف شسوي بانتظاركم
|
| جميع الأوقات بتوقيت GMT +3. الساعة الآن 12:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو