|
كام سؤال
السلام عليكم
عارفة إن أسئلتى كتيرة:shy: المهم الكيتن اللى إتطعمت إمبارح دى كانت راجعة حالتها صعبة همدانة و مش عاوزة تلعب و بعدين فاقت على الصبح، و نسيت أقولكم إن عندى قطة تانية ما إتطعمتش عشان هى أصلا تعبانة و الدكتور قاللى أطعمها بعد أسبوع المهم الكيتن التعبانة دى الدكتور قال عندها ديدان كتيييييييييييييييييييييييير أصلا واخدة من مامتها الديدان ، ده غير ان يوم ما جبت القطة التعبانة دى لقيت فيها براغيت، المهم أنا من أول ما اشتركت فى المنتدى عندى مشاكل مع نوسة(المريضة) دى( إسهال و ترجيع، و إسهال، و إسهال) يعنى حتى بعد ما إديتلها دوا الديدان جالها إسهال دموى، و الدكتور قال إن ده بيدل على وجود الديدان، و عن طريق الكشف هو قال إن فيها ديدان كتيييييييييير، و لو كنت سيبتها كدة كان ممكن تموت أصلا:( المهم الدكتور قاللى لازم العلاج للإتنين من النهاردة الصبح الغريب إن القطة اللى اتطعمت عندها حالة هياج كل ما حد يلمسها تحاول تعضه، و هى ما كانتش كدة قبل التطعيم، و سؤالى هى دى حالة مؤقتة و لا هتفضل كدة على طول؟؟؟؟؟؟؟؟؟؟؟ السؤال التانى : هى الصبح عضتنى مرتين و هى بتاخد الدوا،و المرة التانية نابها دخل جوة صباعى بشكل كامل، طب هو العضة فيها خطورة ؟؟؟؟؟؟؟ و لا عشان خدت التطعيم إمبارح خلاص؟؟؟؟؟؟؟:confused: |
رد: كام سؤال
و عشان محدش يقول ليه فى واحدة تعبانة و التانية لأ
هما أصلا مش إخوات |
رد: كام سؤال
وعليكم السلام :)
بالنسبه لقطتك اللي مش عايزه حد يلمسها .. اتوقع انه مع الوقت راح تهدي انتي حاولي تمسحي على راسها وتنادي باسمها بصوت واطي ان شاء الله بتهدي وتروق :) وبالنسبه انها عضتك عقمي مكان الجرح وان شاء الله مافي مشكله .. هذا اللي اعرفه .. وان شاء الله الأعضاء هنا يفيدوكي :) |
رد: كام سؤال
اقتباس:
أنا فعلا عقمت الجرح بعد ما حاولت أطلع كل الدم اللى بينزل من صباعى الأول، و استعملت بيتادين فى التعقيم |
رد: كام سؤال
العفو عزيزتي ..
وان شاء الله هنا باقي الاعضاء يفيدوكي باستشاراتهم والله يخلي لك قططك :) |
رد: كام سؤال
وعليكم السلام ورحمة الله وبركاته
اهلا وسهلا فيكي اختي الكريمة بالنسبة لحالة الطقة اعتقد اصيبت بحالة نفسية مؤقتة وان شاء الله ترجع لانها تنقلت من مكان لمكان ومع الابرة الي اخدتها اخدت فكرة سيئة وان شاء الله رح تتحسن حاولي انك تكوني حنونة معاها وبخصوص العضة الي في اصباعك الف سلامة ماتشوفي شر ان شاء الله بما انه القطة كانت مطعمة وخالية من الامراض فا ما اظن في شيء ان شاء الله لكن اذا لاحظتي اثار على العضة كالانتفاخ او نزول قيح او تورم وألم اذهبي للطبيب للاجرائات التامة |
رد: كام سؤال
اهلا بيكى ياقمر
الف سلامه على قططك القطه الى اطعمت هترجع لطبيعتها ان شاء الله بس المهم تدي علاج الديدان لكل القط الى عندك ومتخفيش من العضه طهريها بالديتول ومش هيحصل حاجه ان شاء الله |
رد: كام سؤال
اقتباس:
|
رد: كام سؤال
اقتباس:
أنا فعلا القطتين بياخدوا الدوا مع بعض عشان ما تكونش التانية إتعدت من اللى عندها ديدان |
| جميع الأوقات بتوقيت GMT +3. الساعة الآن 03:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو