|
النتف !!
السلام عليكم , كيفكم ؟.. انا عندي مشكلة مع الببغاء حقي اللي هي ,, انه بس ينتف و يكسر ريشة مدري ايش السبب مع انه نشاطه مرره عالي و يتكلم و يلعب ,, مدري ليش النتف و خصوصا جناحه بس ينتف فيه الصورة http://im19.gulfup.com/2012-05-23/1337761177141.jpg يارب احصل له علاج ,, |
رد: النتف !!
لازم تشغله بحاجة عندي ببغاء كان عنده نفس المشكلة واخس من كذا جبت العاب يكسرها وما بقيت طريقة في النهاية اعطيته غطاء مويه اخذه وقاعد يقطع فيه حق نص ساعه ثم اعطه واحد ثاني على هاذي الطريقة حتى شال فكرة النتف من راسه
|
رد: النتف !!
وعليكم السلام ,,,,
يمكن عامل نفسي اذا تغير المربي او مكان الطير,,, او نقص الكالسيوم وعدم التنويع في الاكل قدم العاب للطير عشان ينشغل ,,, نوع بالاكل وقدم عضم الحبار لما يحتويه من معادن وفيتامين وانشاء الله خير |
رد: النتف !!
حطيت له كالسيوم و انوع له بالاكل لكن فيه لعبه شلتها لانه تأذيه صار بس يصقع فيها !
|
رد: النتف !!
شوف أخوي
ما أدري إذا كلامي بيكون حل لمشكلتك أنا عندي واحد كبير يعني يمكن فوق السنة ونص مو لي بس مهتمة به من جابوه وهو ريش الصدر كله منتف تعرف يعني شنو منتف يعني جلدة الصدر كلها تشوفها ما فيه ولا شيء كأنهم ناوين عليه يطبخونه وجناحينه واحد كل الريش الأساسي الطويل مكسر ولا منتف ولا نص ريشه ولا الجناح الثاني الأيسر نص جناح مو جناح كامل الله العالم بحالته المهم الولد الظاهر أنه فيه حالة نفسية دايماً قاعد في زاوية القفص ولا يجعر بس يطالع باللي رايح واللي جاي المهم من أول يوم خليته يشوف أجواء البيت بعدين خليته يشوف العيلة كلها ويروح من يد إلى يد وبعدين خليته أغلب يومه برة القفص والقفص للنوم وأكلته بأيدي وأمسح عليه لمن يقول بس<<<<طبعاً ما يقولها بس لمن أنا أزهق وأشكل له بالفواكة ومن جا الصيف والسباحة كل جمعة واللعبة وده معاك المحل خله هو يختارها أنا اللي عندي لمن شريت اللعبة ظليت معاه شهر أبيه يقتنع بها مو راشي صار يجعر ويخاف غصبته وحطيت اللعبة بالقفص ما رجعت من المدرسة إلا كاسر جزء من منقاره وطلع له دم وبعدين شلت عنه اللعبة ما أدري وش سوى بعمره المهم وترك سالفة النتف وألحين والله الحمد خلال شهرين طلع له ريش وقام يطيح الريش المكسر حتى ريش الجناح صار أرتب من أول يعني بالملخص أهتم فيه من ناحية (نفسية _وتغذية _ونظافته_ ونظافة القفص) بس إذا المشكلة فيروسية أعذرني ما أعرف شيء |
رد: النتف !!
شكرا ,
|
رد: النتف !!
من طريقه النتف واضح ان سببه سبب نفسي مو من الفطريات
العلاج العب معه كثيير او حطه على استاند وخل الاستاند قريب من القفص وافتح القفص وحط اكل وراح تلاحض تحسن كبييير جداا |
رد: النتف !!
اشتر له العاب عشان ينشغل فيها http://www.parrot-and-conure-world.c...nbowBridge.jpg ونوع له بالطعام مثلاً عطه مره حب شمي ، فول سوداني لكن لاتكثر له الفول السوداني يعني 4 حبات باليوم تكفي ، قطعة تفاع ، خيار ، حبحب (بطيخ) ، ذرة ، بروكلي ، جزر . وحاول تلعب معاه وافتح له القفص عشان يطلع وياخذ حريته في الحركة تقبل مروري اخوك ابو فيصل ..، |
رد: النتف !!
انا انوع له بالاكل ,و افتح له القفص , لكن راح اشتري له العاب زيادة
و مشكوريــــن 3> |
رد: النتف !!
اهم شي اشتري له استاند وخليه طول اليوم على الاستاند بس وقت النوم يدخل القفص وبتلاحض تغير كامل على الطير والله يشفيه لك ان شاء الله
|
| جميع الأوقات بتوقيت GMT +3. الساعة الآن 12:53 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو