|
ساعدوني بمشكله الكاسكو حقي
السلام عليكم ورحمة الله وبركاته ابيكم تساعدوني .. عندي ببغاء كاسكو الافريقي الرمادي كان ماشاءالله زين شريته كان عمره 6 شهور تقريبا بس بعدها بشهر كذا كمل الفول السوداني حقه والصراحه حسيت بعجز ان اروح المحل اخذ له فـ رحت محل للمكسرات وخذيت منه وقلت له ابيه بدون ملح فـ عطاني يوم رجعت البيت ذقته الا طلع محمص لكن قلت يمكن عادي ياكله .. اكله عادي .. بس بعدها باسبوع تقريبا اشوف القفص حقه الا مليان ريش وصار ينتف ريشه بجنون لدرجه ان الجلد بجناحه من فوق صار لونه احمر خفت وديته للحمل حق الطيور قالي حساسيه ولما عرف ان عطيته فول سوداني محمص قالي فيه ملح قلت له اي خفيف عصب قالي هذه حساسيه صار له جفاف وصار ينتف ريشه عطاني بخاخ قالي استخدميه لمدة ثلاث ايام وبعدها روشيه استخدمته خف اشوي عن التنتف وراح الاحمرار لكن بعدها كذا صار ينتف الحين ريشه خفيف حيل حتى طلع له ذيل ونتفه هو يخاف بعد حيل من اقرب منه يصرخ احاول امسكه واقرب يدي منه يعضني :( كم مره يطلع دمي الاسبوع اللي راح يوم الاحد روشته وقبل امس الاحد روشته بعد وهذه صورته :( امس صورته يعورني قلبي عليه مادري شنو اسوي ساعدوني الله يخليكم لو تركزون بالريش تشوفون قشره فيه :( http://www.mlfnt.com/lives6/13370918351.jpg شوفوا جناحه شلون صاير :( http://www.mlfnt.com/lives6/13370918352.jpg وهذه صوره ثانية له بعد http://www.mlfnt.com/lives6/13370918353.jpg كانت عنده لعبه خشبيه ملونه.. بس امس قريت موضوع هنا بالمنتدى ان لازم يكون الخشب بدون لون وان لازم ينقع بماي حار حتى يروح اللون .. فسويت مثل ماهو مكتوب هو ياكل حب شمسي + فول سوداني + حبوب متنوعه ومعاها فواكه مجففه لكن ماياكلها هذا كله خذيته من محل الطيور بس الفول السوداني ما اكثر له اشوي بس احط له .. الحين ينتف بس قليل لكن قولوا لي شسوي حتى امنعه ان ينتف ويرجع ريشه طبيعي |
رد: ساعدوني بمشكله الكاسكو حقي
لا حول ولا قوة إلا بالله ..
والله الطير يحزن .. الله يشفيهـ ي رب أنا ما أقدر أفيدك بشي أن شاء الله الأخوان يفيدونك .. بس وديهـ لطبيب بيطري يكشف عليهـ ويسوي لهـ وصفهـ .. كل شسء ولهـ حل إن شا اللهـ .. بأنتظار الأخوان أصحاب الخبرهـ . تحياتي |
رد: ساعدوني بمشكله الكاسكو حقي
اهلا بك اختي الفاضله رشي الطير بالماء وشمسيه يوميا
نظفي القفص يوميا ولو تخرجي الطير وتغسلي القفص بالديتول يكون ممتاز جدا ادهني الطير بزيت الصبار يوميا حاله طيرك ما تخوف لأنه راح يتحسن قريبا ان شاء الله نوعي الغذاء للطير واعطيه فواكه وجزر وغيرها تحياتي |
رد: ساعدوني بمشكله الكاسكو حقي
افادك الاخ بلاك بيري مشاءالله عليه
فيه خلطة حبوب للاكل كويسة استخدميها اسمها ماكس |
رد: ساعدوني بمشكله الكاسكو حقي
اقتباس:
اقتباس:
حياك اخوي بلاك بيري .. كل يوم ارشه بالماي ؟ ارشه او اروشه ؟ وأي وقت احطه بالشمس ؟ يعني الظهر او قريب العصر ؟ اذا طلعته برى القفص مايرجع بسرعه :( اتعب معاه لان مو اليف هو ويتم يصارخ :/ الاكل حقه حبوب متنوعه يعني ذره وقمح وشمسي يعني مكس هو ومعاه موز مجفف وفواكه بعد وشي مدور لونه اخضر وشي لونه برتقالي لكن مايكلهم ويحب الفول السوداني حيل بس احاول ما اعطيه كثير بس هو صغير يعني عادي اعطيه خضروات ؟ يارب يتحسن لان والله كل من شافه يقول لحد الحين ريشه ماطلع وديه للمحل يشوفه :( واللي يقولي بيعيه وانا مابي ابيعه وزيت الصبار شنو نوعه ؟ وكيف استخدمه ؟ وقريت بموضوع خل وماي ينفع؟ وكيف استخدمه اذا ينفع ؟ اقتباس:
بس ماياكل الفواكه المجففه الله يشفيه :( |
رد: ساعدوني بمشكله الكاسكو حقي
ان شاء الله ما يسير شي لا تخافين
اهتمي بكلام اخوي بلاك .... و ممكن تدهنينه بزيت الصبار طريقتة موجوده بالمنتدى بس لابد من وجود صبار واستمري على الرش اللي عطاج اياه البيطري والتشميس يكون على الشمس الخفيفه وحطيه عند ظل لا تكون الشمس مباشره بس اذا حطيتيه برا اقعدي معاه ترا القطاوه موب هينه وان شاء الله خير *فواز* |
رد: ساعدوني بمشكله الكاسكو حقي
اهلا اختي
روشيه بشكل كامل وخليه بعيد عن المكيفات وخليه بشمس الصباح وشمس العصر يوميا والرش يومي الخضار اعطيه عادي لكن موب بكميات كبيرة هاذي اهم حاجه |
رد: ساعدوني بمشكله الكاسكو حقي
زيت الصبار متواجد عند العطارين بكثرة خذي قاروري وعبي الغطاء حق القاروره وصبيها على الطير على ظهره على جناحه على بطنه صدره قدر الأمكان
وخلي الطير بيها طول فتره الصباح بعد الترويش والتشميس وطول فتره الظهر وبعدين روشيه ثاني مرة بماء فاتر وخليه يتشمس العصر وهكذا |
رد: ساعدوني بمشكله الكاسكو حقي
اقتباس:
هذا هو البخاخ اللي اشتريته من محل الطيور http://www.mlfnt.com/lives6/13371078371.jpg حطيت له اول ماشريته وبعدها بفتره يعني من اسبوعين بعد حطيت له لمدة ثلاث ايام وبعدها روشته مره حطيته برا والتفت الا اشوف قطوه قاعده وتشوفه وسرحانه مدري شكلها تفكر شلون تاكله .. وكل ماطردتها ارجعت بس الحمدلله ماقربت منه بس تطالعه من بعيد اقتباس:
طيب ماقلت لي اخوي اروشه يوميا ؟ والرش شنو قصدك ماي او البخاخ الدواء؟ او زيت الصبار ؟ اعطيه جزر مبشور ؟ وعادي وهو بهالسن ؟ لان سنه صغير .. وشنو الخضروات او الفواكه اللي تناسبه اقتباس:
كيف يعني احط له طول فترة الصباح بعد الترويش والتشميس يعني اروشه كم مره؟ يعني اروشه الصبح والظهر ؟ وسامحوني على الازعاج |
رد: ساعدوني بمشكله الكاسكو حقي
اختي اول شي
اعطي طيرك اكل فيه فيتامينات فيه اكل يباع عند محلات الحيوانات روحي وقولي عطني اكل ببغاء واقري الي ورا بتحصل ان فيه فيتامينات وقطعي خياره واحده قطع صغار مره عشان ياكلها ونوعي له بالاكل هذا يساعده على نمو الريش وترا الي في طييرك مو مشكله بل سهل جدا علاجها بطررق كثييره وبالعكس لم تزعجينا بل افادتنا لك =الراحه التامه لنا تقبل مروووري |
| جميع الأوقات بتوقيت GMT +3. الساعة الآن 12:54 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو