|
حرام والله
امس اتصل على واحد من الربع قالي طيره متغير رحت عنده فتح لي الباب ولده قربت عند المجلس اسمع الطير يجعر ويصرخ وانا اعرف انه اليف دخلت الرجال حاط الطير بوجهه ويضرب الطير على وجهه انا ماتحملت رميته عن الطير اساله ليه تسوي كذا يقول مايطيع وربي لو اني مامسكت نفسي كسرت وجهه وانا احشر فيه شفت الطير على صدره جالس مايتحرك جيت عنده صاير جسمه حار حيل وعدواني انا شلته وعضني قطع لحمي وعيونه صارت كبيرة وجري عند المغسلة ورشته بالماء وحطيته بحضني والحمدالله اقل من عشر دقايق بدا يتحرك ورفعته بيدي وامسح على راسه ونطق بوجهي بابا عبود حطيت الطير بقفصه واخذته معي وراعيه رفض قال ماراح اكررها بالقوة اخذته وطلعت بحكم اني امون عليه
ارجو كل من يسوي زي هذا يخاف الله ويتذكر انها امانة عنده وبيحسابه ربي وهذي روح دمتم بود |
رد: حرام والله
والله حرام
شييئ محزن كيف يطق طائر ما عنده عقل والله هذا ما يخاف الله السموحه منك بس الموقف جدا محزن تخليت شكل الطير والله وجهي حمر كيف يطقه بهالطريقه الله يسامحه ان شاء الله *فواز* |
رد: حرام والله
يا هـــو يا حنين ^_^
<== حتى هو يمون عليك ^_^ تبي الجد والله شيء يبكي حرام عليه , بس لا يكون خوينا للي كلمتني عنه ....!!!؟؟؟ اذا هو فشوري عليك لا تعطيه الطير , معليش تبي الصراحه ما هو كفو طيور ... يمكن شكله مثل خوينا راعي الطيور للي انت خابر ما ينبلع خخخخخخخخخخخ استغفر الله استغفر الله ... لا عن جد يا ابو فهد شوري عليك اذا سلك الطير معك عطه حق الطير وقوله يشتري طير جديد صغير اليف... اذا يبي طير, واذا ما يبي بقلعته الله لا يحفظه .<=== مسخها اشوي وخروج عن النص اكثر من مره .. بس والله شيء يقهر . وحشتنا يا ابو فهد وابشرك خلصت 6 اختبارات باقي اختبار يوم الخميس الجاي اخر واحد وفكه .. وعاد يمكن اشتري طير واسوي مثل خويك بس اذا اتصلت عليك تجي من الشرقيه ههههههههه الله يوفقك ويجزاك خير والله موقفك بطولي وموقف رجاااااااال. ومثل ما قلت نصيحه لا ترجع عليه الطير , والا ذنبه في رقبتك .^_^ واذا ما هجد الطير عطه الرجال يروضه ب 50 ريال اهم شيء تدفع قبل هههههههههههههههههههههههه موفق |
رد: حرام والله
والله في عالم ماهي صايحه المهم انك وقفته عند حده جزاك الله خير
|
رد: حرام والله
اقتباس:
|
رد: حرام والله
اقتباس:
يبطي ماراح ارجع له الطير يبي فلوسه ولايروح يشتكي مايوحشك غالي يالغلا بالعكس والله الطير انا شايفه يوم خذه اليف مرة وماعنده عض ولاجعر |
رد: حرام والله
اقتباس:
الله يجزاك الجنة |
رد: حرام والله
اقتباس:
رغم انها من الحقوق اللصيقه بالشخصيه , لكن فعله هذا يسقط حقه في امتلاك الطير<==== الحس مخه من القانون هههههه خله مع طيرك ينبسطون مع بعض , والله فعله هذا ليس من العرب فضلاً عن الاسلام كخلق وآدب .... لكن الله يعينه على نفسه ... وموفق وقريب يكون بيني وبينك تواصل ... بالتوفيق |
رد: حرام والله
مع احترامي لهالشخص عنده نفسيــــــــــــــــــــــــــــــــه بقوه
الله يشفيه من مبتلاه وجاي يفضي هالنفسيه بالطير |
رد: حرام والله
الله يهديه وقبل خله يقرى زين عن البغبغاء ويعرف كيف يحل المشاكل بعدين اذا يبي يشتريله بس ودي اعرف وش ال يخليه يضرب الطير
|
| جميع الأوقات بتوقيت GMT +3. الساعة الآن 01:49 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو