|
استفسااار ضروري يا الخير
السلام وعليكم
يا اهل الخير عندي كم استفسار بخصوص اليلوناب اليوم نزلت السوق ادور على ببغاء يكون يتكلم واليف ماكان في بالي نوع معين .. وانا كان لي خبرة سابقه في التربية بشكل بسيط في تربية الدرر ..يعني اعتبر نفسي مبتدئ بالنسبة الكاسكو والامزوني عموما .. لقيت يلوناب محجل بسعر 4500 ريال وعمره 4 سنوات واليف جدا وماشاء الله نشيط داخل القفص ويرقص والرجال يقولي يتكلم اكثر اربعة كلمات ( السلام وعليكم , كيف الحال , بابا , مين , ...) وانا الحين محتار وابي شور الخبراء هل السعر مناسب بالنسبة لعمره؟ هل العمر مناسب ؟ هل ممكن يتعلم كلمات اكثر او يتكلم اكثر من الكلام اللي هو حافظه بعد 4 سنوات من عمره ؟ لاني قريت في احد المواضيع هنا في المنتدى .. انه بعد 3 سنوات من عمر الببغاء صعب انه يتعلم http://www.2zoo.com/vb/showthread.ph...d=1#post898326 وانا متأكد من الاعضاء ما راحو يقصرو في اراائهم .. تحياتي |
رد: استفسااار ضروري يا الخير
اهلا بك اخي الفاضل
السعر ممتاز لكن هل انت متأكد من صحه الطير هل الطير محجل هل الطير جامبو هل سمعت الطير يتكلم هل كلام الطير مشروط هل الطير فيه طقه صفراء وكم عددها وكم مساحتها هل الطير حار موفق |
رد: استفسااار ضروري يا الخير
هلا والله اخوي بلاك بيري
اشكرك على سرعتك في الرد بالنسبة للطير انه محجل .... نعم بالنسبة جامبو ... والله انا ما اعرف الجامبو بالنسبة لكلامة .. ما سمعت .. بس الرجال يقلي على الشرط اخذ الطير اسبوع واذا ما تكلم ارده بالنسبة للطقه الصفراء اللي على راسه ... نعم موجود طقه على راسة بس ما افتكر كم المساحه بالظبط متوسط الحجم بالنسبة راسة تقريبا . بالنسبة للحرار .. اذا تقصد حرارة الجسم .. انا ما دققت كثير بس الطير ماشاء الله نشيط يرقص ونظيف من ناحية الريش . |
رد: استفسااار ضروري يا الخير
حلو دام انه نشيط ويلعب ويتكلم فهو شي جميل جدا
تدري ان اسعار اليلو ناب 10000 وانت طاااالع ترا ممكن يكون يلو كروان وهو قاص عليك بوريك صورتين وانت حدد اليلو ناب على حسب مواصفاتك http://www.s-oman.net/avb/attachment...5&d=1270718591 اليلو كروان http://img103.herosh.com/2011/05/09/279602099.jpg شوف اليلو كروان حول عيونه ابيض اما اليلو ناب فلااا ياريت تجيب صوره بس مستحيل يلو ناب ب 4000 ومحجل وكل شي *فواز* |
رد: استفسااار ضروري يا الخير
والله سعره مناسب ان كان الحجل اصلي ومكتوب عليه رقم الأنتاج وواضح
وان كان الطير ممتاز خذ شرط من الرجال والشرط يكون على ما يلي نص فلوس الطير مع البائع والنص الثاني عند محل معروف للطيور وتنتظر اسبوع ان تكلم تسلم ما تبقى من مال للبائع ان ما تكلم ترد الطير وتاخذ كامل مبلغك موفق |
رد: استفسااار ضروري يا الخير
عفوا اليلو ناب في حول عيونه ابيض ولكن مو قوي نفس اليلو كروان
*فواز* |
رد: استفسااار ضروري يا الخير
فعلا قد يكون يلوكراون قبل ما تشتري صور لنا الطير
|
رد: استفسااار ضروري يا الخير
ان كان يلو كراون ما يسوى القيمه الي انت ذكرتها
|
رد: استفسااار ضروري يا الخير
لانه يا اخي بلاك بيري
صعب التفريق بين اليلو كروان واليلو ناب فهم متشابهين جدا لكن اليلو ناب الصفار يكون ورا الراس اما اليلو كروان امام الراس نحن عطيناك الفروقات فالباقي عليك اخي الكريم *فواز* |
رد: استفسااار ضروري يا الخير
اسف يا اخوان على التاخير في الرد النت عندي فصل ..
عموما توي اتصلت على الرجال وتأكدت من النوع وقالي انه بلو فرنتد .. ما طلع يلو ناب عموما الطير نفس الوصف اللي وصفته في بداية الموضوع وبعد التاكد انه بلو فرنتد .. هل يستاهل المبلغ اذا كل شيء تمام من ناحية الصحه والكلام والخ ... ومن ناحية الاتفاق اخوي بلاك بيري اكيد زي ما قلت راح يصير ... وجزاكم الله خير .. وربي يجعلها في ميزان حسناتكم واسف على التأخير في الرد . |
| جميع الأوقات بتوقيت GMT +3. الساعة الآن 09:45 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو