|
يا أهل الخبره افيدونا
السلام عليكم أنا كنت مربي حمام طائر قطايف وهندي قبل 15 سنه وتركت التربيه المهم اني حنيت بغرض التسليه والفايده الماديه شريت لي عشه حديد مترين في مترين وحطيت فيها عشرين كوخ وسقايتين مويه وعلبتين حقات العلف وشريت لها علف الشويعر المخلط وضبطت لها مكان في سطح البيت ونصحني أحد الزملاء بشراء حمام فرنسي وزاجل أفضل من حمام التحويم وشريت لي خمس اجواز فرنسي وجوز زاجل بس شكله هجين الزاجل .. عندي كم استفسار وهي على النحو التالي : 1) العشه مترين في مترين كم تاخذ جوز ؟ 2) أفضل نوعية حمام للتربية بغرض التسليه والانتاج؟ 3) التطعيمات هل هي ملزمه واذا كانت لازم من وين اشتريها انا بالرياض؟ وكيف طريقتها؟ 4) لو شريت حمام زينه أو حمام تحويم ادخله مع الزاجل والفرنسي بنفس العشه؟ وهل تنصحوني بمثل هالحمام خاصه ان اجواء الرياض عارفينها؟ 5) متى يتوالف الحمام بالعشه ويبدأ ينتج؟ وكم من الوقت أفضل أكون حابسه بالعشه وبعدين افتح له عشان يألف المكان؟ اسئلتي كثيره ولا ننحرم منكم |
رد: يا أهل الخبره افيدونا
اول شيء
هلابك ومرحبا فيك في منتديات توزوو ومنور قسم الحمام اول شيء اتمنى لك طيب الاقامه معنا في توزوو نجي نجوابك القطايف + الهنديه عشقي بلاحدود وخصوصا القطايف مترين في مترين تشيل 15 زوج بالانتاج ان شاء واهم شيء النظافه اما تحط طيار مع زينه صعبه شوي ولاتصلح ابد :D وصراااحه انا اميل للطيار اكثر من زينه ليه لان الطيار واذا جاء قلاب يالطيف استمتع بلا حدود اما الزاجل فا اخذه مني مستحيل تلقي زواجل في السوق نظيفه ولا داخله تهجين تلقيه عند المربين القديمين التطعيمات اكيد اول ماتخذ الحمام تشتري مقويات عامه + فتامين عامه وان شاء تفي بغرض الغرض منه حمايه له من الامراض تقويه جنسيه له التوليف الرياض شهرين اذا عندك زحمة بيوت وانا اخبار الرياض مزحوم فايعني ييلك شهرين ماتفكهم وبعد اما تشرطن الجناح او تنفه وعاد مايحتاج انت اخبر مني بذي الامور واي سوال ياغالي اسال ولايردك شيء حنا هنا نفيد ونسفيد موفق |
رد: يا أهل الخبره افيدونا
لا خلا ولا عدم يابو عتب
وأن شاء الله اننا نفيد ونستفيد اقتباس:
اقتباس:
لأني أخاف تصير زحمه بالعشه اقتباس:
طيب فرنسي وزاجل بحط معهم قطايف وهنود وصنعانيه عادي؟ اقتباس:
اقتباس:
اقتباس:
لا عدمناك يا بعدي |
رد: يا أهل الخبره افيدونا
أهلا وسهلا بك مرة أخرى في عالم الحمام واليمام
بالنسبة للتطعيمات اهم شي مطعوم الجدري، ومطعوم الصرع او ما يسمى ابو رقاب بالنسبة للجدري انتف شوي من ريش الساق وادهن مكان النتف بالمطعوم وبعد كم يوم تلاقي مثل الدرنة أو العقدة وهذا دليل نجاح عملية التطعيم واذا ما صار هيك اعد تطعيم الطائر مرة أخرى بالنسبة لمطعوم الصرع أو ابو رقاب أو (PMV1) تقدر تعطي ابرة تحت جلد الرقبة من الأعلى أو تجيب مطعوم النيوكاسل وتحط 5سم في لترين ماء بعد ما تعطش الحمام لمدة اربع ساعات وتترك المطعوم لمدة نصف ساعة وبعدها اسكب المطعوم في الصرف الصحي على شرط يكون المطعوم بالثلاجة ومطعوم النيوكاسل ما يعطي مناعة كاملة مثل مطعوم الـ (PMV) بالنسبة للمقويات روح لعند الصيدلية البيطرية واحكيله احتاج فيتامينات ومقويات عامة للحمام وهو يعطيك المطلوب بالنسبة للشرطنة والنتف ما تقلل الانتاج. |
رد: يا أهل الخبره افيدونا
الــي فـهـمـتـة من كـلامـك انــك سـبـق ربـيـت حـمــام واكــيـد عـنـدك خـبـرة ولـو كـانـت بـسـيـطـة وتـعـرف الاخـتـلاف بـيـن طـبـائـع وصـفـات الـحـمـام وايـهـم الاسـهـل فـي ( الـتـربـيـة ) الـعـشـة مـتـريـن فـي مـتـريـن تـاخـذ تـقـريـبـا مـن 10 الـى 15 جــوز افـضــل حـمـام لـغـرض الـتـسـلـيـة ( الحـمـام الـطـيـار ) قـطـيـفـي وبـاكـسـتـانـي ولـغـرض الانـتـاج ( زاجـل او فـرنـسـي ) الـتـطـعـيـم او الـتـحـصـيـن ( ظــروري جـدا ) وهــيـا لاتـمـنـع الاصـابـة بـالامـراض لـكـن تـضـعـف مـن شـدة الـمـرض بـحـيـث تــتــمـكـن مـن عـلاجـة تـجـدهـا فـي اي صـيـدلــيـة بـيـطـريــة ويـتـم الـتـحـصـيـن كـل ( سـتـة اشـهـر ) مـا انـصـحـك بـا الـجـمـع بـيـن انـواع مـخـتـلـفـة مـن الـحـمـام فـي عـشـة واحـدة لـتـجـنـب الـتـزاوج الـعـشـوائـي ولا يـوجـد اي تـأثـيـر عـلـى الـحـمـام مـن اجـواء الـريـاض اعـتـقـد اذا قـفـلـت عـلـيـهـم الـعـشـة ومـا خـرجـتـهـم لـلـفـتـرة مـن اسـبـوعـيـن الـى ثـلاث اسـابـيـع والاسـبـوع الـرابـع افـتـح لـهـم بـاب الـعـشـة واتـركـهــم يـخـرجـو ويــدخـلـو لـوحــدهــم بـدون مـاتـزعـجــهــم بـكــذا راح يــولـف عـلـى عـشـتـة مـــلاحـضــة الـحـمـام الـزاجـل مـا انـصـحـك تـتـطـيـرة لانـة راح يـرجـع لـعـشـتـة الـي ( انـتـج واتـربـى فـيـهـا ) |
رد: يا أهل الخبره افيدونا
رائد ملكاوي اقتباس:
شكرا لك اخ رائد واستفدت منك كثير abumurad مشكور ع المعلومات القيمه ولكـ ازكى تحياتي |
رد: يا أهل الخبره افيدونا
ولا يهمك اخوي
اكيد اتركهم لمدة معينة ولكن ركز معي شوي اذا الحمام كنت مشتريه من مكان بعيد المر يكون اسهل وتقدر تسوي التالي احبسهم لمدة اسبوعين اربط ريشهم اول خمس الى ثمانية ريشات من القوادم لمدة اسبوعين وخليهم يطلعوا براحتهم وبعدها اتركهم وان شاء الله بالتوفيق |
رد: يا أهل الخبره افيدونا
اكيد افادوك الاخوان بس نسو نقطة الا وهي انه مايصير تترك الحمام او تفلت الحمام على بعضه لانه راح يصير التزاوج عشوائي وراح يصير الانتاج هجين وبالنسبة للتجارة غير مرغوب فيه بالسوق فانصحك تجيب محاكر وتخلي كل ذكر وانثى مع بعض لمدة 3اسابيع او اكثر حتى يتزاوجون وبكذا تحصل على انتاج صافي باذن الله وبعد مايتوالفون افلتهم بالصندقة.
|
| جميع الأوقات بتوقيت GMT +3. الساعة الآن 04:43 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو