منتديات تو زوو - قصتي مع البلوفرنتد وترويضه خلال اسبوع

السلام عليكم اخواني واخواتي اعضاء منتدى توزو

بضل من الله قمت بشراء بلوفرنتد جاكوا عمره مابين سنتين الى ثلاث سنوات

هو صحيح كبير بالعمر وغير اليف نهائيا متوحش لكنه ذكي جدا جدا جدا ماشاء الله عليه وهذا الي خلاني اشتريه

المهم ماراح اطول عليكم بالسالفه

بس كتبت الموضوع ليستفيد منه الهواه الجدد وكذلك اخذ رأي الهواه الخبراء بالموضوع

قبل لا اشتري البلوفرنتد عندي كاسكوا رمادي هولندي عمره تقريبا سنه والحمد لله الكاسكوا اليف الى درجة الجنون ويحب يلعب مع ولدي عمره 3 سنوات بنفس العابه

المهم طبعا اول ماشتريت البلوفرنتد حطيته بنفس غرفة الكاسكوا و تركته تقريبا اربع ايام بالقفص ماطلعته قلت خليه اول يتعرف على المكان وعلى البيت وطبعا خلال الاربع ايام انا لاحضت انه يحب التفاح جدا جدا

طبعا هو غير اليف ومايخليني اقرب منه نهائيا واذا قربت منه انحاش لزاوية القفص

طبعا كنت احط له التفاح وكان ما يخلي منه شي

الان مسكته من اليد الي تعوره المهم جيته في الصباح وكان معي قطعة تفاحه

بس المره هذي ما اعطيته اياها خليته ياكل من يدي والحمد لله اكل من يدي وبالحاله هذي اعتبر انا الي مسيطر عليه

المهم بديت اقطع من التفاحه واعطيه طبعا طول القطعه الي اقطعها له بطول 2 ملم وهذا على شان يتعود انه ياكل من يدي ويطمئن لي واحاول اخليه هو الي يلمس يدي

المهم كل ما ياكل قطعة تفاحه صغيره احاول اني امسح على منقاره طبعا اول مره وثاني مره كان خايف مني ويحاول انه يعضني لما امسح على منقاره

المهم اليوم الثاني سويت نفس الطريقه وصار يخليني امسح على منقاره لما اعطيه قطعة تفاح

وطبعا بعد ما اعطيه الاكل واحاول المسه اروح للكاسكوا واطلعه من القفص واخذه معاي على عيالي

وكان لما يشوفني العب مع الكاسكوا واطلعه من القفص يحاول انه يطلع من القفص ويلف ويحوس

واليوم الي بعده طلعته من القفص وخليته يوقف على الستاند طبعا للحين ماقصيت جناحه المهم حاولت اسوي معه طريقة التفاح ما نجحت المره هذي لان شكله كان زعلان ومعصب وعضني عضه الله لا يوريكم اول مره اتوجع كذا من عضة ببغاء وقاعد يفرك باصبعي

المهم انا زعلت مره ورحت رجعته القفص وقفلت عليه لليوم الثاني

اليوم الي بعده وهو الي حصلت فيه المفاجأه

صبحت عليهم وفتحت القفص للبلوفرنتد وخليته يطلع على الاستاند وكذلك الكاسكوا

جيت للكاسكوا وطلعته على يدي عشان اطلعه من الغرفه واوديه لولدي يلعب معاه فجأه جاني البلوفرنتد طيران ماشي 200 كلم يحاول انه يوقف جنب الكاسكوا او يحاول انه يهاجمه

المهم بعد ماقرب مني رجع بسبب خوفه لانه ماكمل اربع او خمس ايام عندي ومو متعود علي

بصراحه انا تفاجأت منه

رحت طلعت الكاسكوا وجبت قطعة تفاحه وخليته ياكل من يدي بنفس الطريقه الاولى وخلاني امس على منقاره ومسحت على راسه لكنه مازال خايف مني ولكن مو بنفس الطريقه الوحشيه اول ما جبته

في الليل قبل لا ينام جيته وحاول امسح على راسه وما خلاني امسح على راسه خلاني احك له راسه وكان ينفش ريشه

بصراحه ياجماعه انا فرحت بهذا الانجاز وفي وقت قياسي قدرت احك له راسه

واليوم الي بعده جيته وصبحت عليه وحكيت راسه وبديت المس جسمه

وطلع السبب في هذا الانجاز الغيره وانا الحمد لله استغليتها ونجحت في ترويض البلوفرنتد خلال اقل من اسبوع

هل فيه احد حصل معه نفس الي حصل معي

وبصراحه نزلت الموضوع عشان الاعضاء يستفيدوا من الغيره الموجوده عند الببغاء

واسف على الاطاله