![]() |
هل في آمل لترويضه..؟!!
السلام عليكم ورحمة الله عندي كاسكو عمره حدود ثلاث سنوات اشتريته عمره سنه وشوي وكان شرس ويجعر مع الوقت تعود على البيت لدرجة صار جريء يتكلم ويطلع يلعب ويتهاوش آحيان مع الي يزعجه ماعنده مشكله حتى بترتيب اظافره يطلع رجله من القفص وارتبها له وهو يناظر ويلعب عادي آحيان يرضى امسح على راسه وآحيان لا و مستحيل يطلع على اليد وطبعاً كاسكو بهذا العمر المنقار صاير مثل المقص وجميع آنواع القواطع آرحم منه :( هل في آمل إني ارسله لاحد المروضين يروضه ويصير يطلع على اليد..؟؟ |
رد: هل في آمل لترويضه..؟!!
هلا بك اخوووووي...
طيب ياخوي القاائد انت اول ماشريت الطير ليش مادربته انه يطلع على يدك ذحين هوه كبر وصعب وليس بصعب انك تطلعه على يدك يعني داااام الطير والف عليك شي حلو انت حاول معاااه ونشاء الله يتقبل دامه والف عليك بس قبل ماتبدا معاااه انت تقول انه منقاره حااااد لازم تستخدم قفاااز عشان مايقص يدك او تستخدم العسل او انك تروحبه عند محل الطيور ويبرد منقاره وترتاح من شي اسمه عض وتبدا معاااه وفيه اكثر من طريقه لجعل الطير يطلع على يدك بس يبيلك تصبر وتصبر وتصبر لمن يستجيب عشاااان هوه كبير شوي في سنه اما من ناحيه توديه لواااحد يروضه مااا انصحك ابداً لنو الطير حتى لو تروض بيرجع وكانه مصار ولا شي لنه تعود على الي روضه وكمااان يستخدمووون طرق لترويض اما يجوعونه او يغصبونه وهذا شي مو حلو مضر في الطير انا اقول انت روض طيرك وانشاااء الله مايكون الى كل خير ... موفق |
رد: هل في آمل لترويضه..؟!!
ما عليك انت بعد تقدر توديه لسوق الحمام فيه ناس يرضونه فقط ب 100 ريال
|
رد: هل في آمل لترويضه..؟!!
أبدء مع الببغاء سوف تجده يتقبل منك. في طريقة أمسك الببغاء ولفه بالمنشفه أو الفوطه وخليه في حضنك أمسك رجله وأفركها بيدك فرك خفيف علشان الحساسية تروح من الطير ويتعود على لمس يدك لرجله أنا جربتها مع طيري ونجحت.
|
رد: هل في آمل لترويضه..؟!!
انا انصحك مثل الاخوان انك انت تعلمه بيتعبك بس بترتاح في النهاية اوما اللي توديه لغيرك يروضه مانصحك فيها ابدا
|
رد: هل في آمل لترويضه..؟!!
ومن اول له سنه وشوي .. وش قاعد تسوي معه ؟؟ :D
والترويض شغلتها سهله .. بس قص جناحه وبرد منقارهـ ( اذا كان يعض ) وطلعه برا القفص وحطه بيدك واسبوع بالكثير .. ويتعود عليك بس لاتضربه ولاتخوفه ولا تصرخ ولا تتحرك حركات سريعه قدامه .. وانتبه تعطيه احد يروضه لك .. لان اغلبهم نصابين هذا اذا مارجعوهـ اشرس ولا ينتف ريشه !!ا وحتى لو خلاه اليف .. بيصير اليف للي ولفه . فقط ..,, |
رد: هل في آمل لترويضه..؟!!
اقتباس:
والله حاولت معه البدايه ووصلت لمرحله إني قدر آمسح على ظهره كله ويعتبر إنجاز لانه كان شرس بالحيل وحاولت إني احطه على يدي لكن قوة منقاره خلتني اتراجع من ورى القفازات الدم مايوقف كيف بدونها :( بعدها آنشغلت وفي البيت آطفال والمعلومه الي آكتشفتها إن مو دائماً وجود الاطفال يحبها الطير او يرتاح لها فـ وجودهم زاد حالته ما ساعد بتروضيه الف شكر لـ ملاحظاتك نورت.. |
رد: هل في آمل لترويضه..؟!!
اقتباس:
والله آتمنى هالشي لكن بديت اتردد إني آخذه لمحل ولا قبل كم يوم حصلت محل يروض بـ 200 ريال بس الاخوآن يقولون ماهي مضمونه الف شكر لمرورك نورت.. اقتباس:
جربت هذي الطريق ومافادة ابد لاني اقدر المس رجله من ورى القفص وارتب اظافره عاادي مايتحسس وصاير جريء لدرجه يمسك يدي بعد اما حركة المنشفه زادت عصبيته ومن بعدها ما عاد يرضى حتى آمسح على ظهره يعني رجعتني للصفر الف شكر لمرورك نورت.. اقتباس:
ربي يسهل ويهديه : ( الف شكر لمرورك نورت.. |
رد: هل في آمل لترويضه..؟!!
الله يعينك عليه ويبيلك صبر انا طفشت من الي عندي وبعتو مشكلة الكاسكو يبيله صبر كثير طولت بال مالها حد
ودحين مع محبوب البلوفرنتد مايعض مره بس مايحب يطلع باليد وتعبت معاه الصبر ثم الصبر |
رد: هل في آمل لترويضه..؟!!
اقتباس:
أول سنه جالس آقنعه بالتي هي آحسن بيني وبينه :D وصار إني قصيت جناحه وبردت منقاره وآظافره لكن ماكان يعتمد على حدة المنقار بالعكس كان يمسك اليد او الاصبع ويضغط عليه بقوه ويفركه بين فكه تحسها بالعظم :( حتى طريقة العسل ماانفعت ابد يذوق ثم ينفخ ريشه ويعض من قلب كانه يقول لا تتعودها :mad: الف شكر لمرورك نورت.. |
جميع الأوقات بتوقيت GMT +3. الساعة الآن 10:53 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو