|
الحقوني عين الافريقي !!!
السلام عليكم ...
ياخواني الكاسكو الافريقي حقي جفن عينه مورم وملتهب ويقفلها مايقدر يفتحها وهو صراحه حالته تخوف انا سويتله علاج طبيعي اخذت مويه حاره وحطيت القطنه في المويه لمن دفيت المويه وكمدت عينه بس بصراحه ماشفت اي نتائج ياليت تقولو لي وش اسوي معاه وهو من الصبح ماصفر وشبه خامل مدري يمكن بسبب عينه ؟؟؟ وكمان ياليت تقولولي وش سبب التهاب العين وش افضل علاج ومنوين اجيبه ؟؟؟ وهل يعدي الطيور الي عندي والى لا ؟؟؟؟ واكون شاكره لكم |
رد: الحقوني عين الافريقي !!!
وين الناااس ماتدر ؟؟؟؟
|
رد: الحقوني عين الافريقي !!!
ياخوااان معقوله المشاهدات 25 ومافيه ولا رد
|
رد: الحقوني عين الافريقي !!!
اختي والله ماعرف لو اعرف افدتك محد يبي يفتي من راسه لازم يجي ويرد عليك المجرب لا تتضايقين وقت قصير ويرد عليك الي عنده خبره كافيه ان شاء الله ويقدر يفيدك صح
|
رد: الحقوني عين الافريقي !!!
انا قبل فتره كذا التهبت وحده من عين الكاسكو وصار خامل وماياكل
لما رحت البيطري قال ان سبب التهاب وحده من العين مو كلهم يكون سببه التهاب بالتنفس وعطاني دواء لكن انا ماقدر اقولك الدواء لان ماعرف اشخص حالته لكن نصيحه لاتتاخرين راح يضر بطيرك وانتي ممن الرياض ؟ عشان ادلك ع بيطري كويس |
رد: الحقوني عين الافريقي !!!
الله يعطيك العافيه نفس طيري ملتهبه عينه لدرجه انه اليوم مقفله مرره ومنتفخه والله يكرمك فيها ماده زي الشمع بس ماني ملاحضه شي في نفسه ومشاء الله شهيته مفتوحه بس عينه الي ماثره عليه والله اني خايفه عليه بالحيل وانا من جده ياليت تعلموني افضل بيطري الله يحفضكم ولا يوريكم مكروه في طيوركم ... مشكور اخوي ابو عمر + اختي الامل .. ونشاء الله بوديه اليوم البيطري وبقولكم وش صار معاااايه .. مشكورين
|
رد: الحقوني عين الافريقي !!!
اه وصح نسيت اقولكم هوه من يوم بدا التهااب معاااه ماصفر ولا تصفيره هل هذا يدل على انو عنده شي في نحره الله يستر
|
رد: الحقوني عين الافريقي !!!
اختي روحي بيطري وجربي ترا ممكن يفقد عينه لو اهملتيه روحي وشوف وش يقولوك واذكر انه فيه مرض بتنفس ياثر على العين وعلاجه هو التلاين بس مابي اوشوش عليك واقولك شي انا ماني متاكد منه عشان تضمنين ان شاء الله تشخيص صحيح روحي اكثر من بيطري ولا تخليهم يطقونهم ابره مهما حصل
|
رد: الحقوني عين الافريقي !!!
الله يعطيك العافيه اخوي ابو عمر ونشاء الله بنزل انا واخوي اليوم العصر وبروح اشوف لي بيطري وبقولك وش صار معي ومايكون الى كل خير والله كاسر خاطري الضعيف مره مقفله عينه ... الله يشفيه
|
رد: الحقوني عين الافريقي !!!
هذي لازم جراحة يطلع اللي فيه اختي شوفي لك بيطري ممتاز
|
| جميع الأوقات بتوقيت GMT +3. الساعة الآن 07:20 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو