|
مشكلة في غر الكروان الرجاء المساعدة ياهل الخبرة
السلام عليكم ورحمة الله وبركاتة مساكم الله بالخير اخواني وخواتي حبايبي عندي مشكلة في فرخ كروان ماينغر ابدا ولا يفتح فمة مع ان عندي خبرة بسيطة في الغر وغريت اكثر من فرخ وعندي فرخ ثاني ايضا اغرة الحين معة لكن هذا مايفتح فمة بالقوة اصلا اوكلة يعني يبي لي ساعة عشان اعبي بطنة لو شوي وكلها غصب لدرجة ان حتى ريشة توسخ من الاكل مادري وش المشكلة مع ان لة يومين ساحبة وعمرة تقريبا شهر ياليت ياخوان تقولون لي وش الحل لاني تعبت معاة صراحة وجوعتة عشان ياكل لكن مافي فايدة |
رد: مشكلة في غر الكروان الرجاء المساعدة ياهل الخبرة
أخــــــــــــــوي
الفروخ إلي عمرها فوق الشهر ماتفتح فمها للأكل .....!! أستمر على غره بالقوة وبالنهايه بيصير ينغر بدونَ..أستخدام القوة بتلاقيه يفتح فمه...!! هو بس خايف من السرنجهٍ....لآكن لمن يعرف ان فيها الاكل بيصير يفتح فمهٍ......!! أخوكـ//آبوعبدالمجيد:) |
رد: مشكلة في غر الكروان الرجاء المساعدة ياهل الخبرة
يعطيك الف عافية اخوي
لكن هو عمرة حول شهر مو اكثر من شهر وعندي فرخ ثاني عمرة شهر وشوي من اول يوم استجاب للاكل لكن هذا مانفع فيه صراحة جوعتية ومانفع |
رد: مشكلة في غر الكروان الرجاء المساعدة ياهل الخبرة
اخوي الفـاضل يفرق من لفرخ على حسب صحة الفـرخ
انا اخذت فروخ بأعمـار اقل من نص شهر فيهم واحد يستجيب والثـاني ليومك ذا معذبني لدرجة اني صرت اغر واحد وهو يـأكل الثـاني .. استمر وإن شـاء الله يتعود عـالغـر |
رد: مشكلة في غر الكروان الرجاء المساعدة ياهل الخبرة
حياك الله اخوي منصور
والله من ناحية الصحة صحتة ممتازة ماشاء الله تبارك الله لكن نهائيا مو اضي يستجيب وماني فاضي لة كل يوم اجل حول ساعة اجبرة فيها كل شوي ياكل لقمة لنفسي ماجلست هالوقت هههههههههههههههههههههه |
رد: مشكلة في غر الكروان الرجاء المساعدة ياهل الخبرة
الله يعينك عندي نفس المشكله بس مالك الا التعب والاجر الين يتعود
زي الاطفال واحد حط العيشه قدامه وهوياكل والثاني تقعد تطارده وبوديك الملاهي وتشتري له العاب عشان ياكل . بالتوفيق |
رد: مشكلة في غر الكروان الرجاء المساعدة ياهل الخبرة
ههههههههههههههههههههه
والله صدقت ياخوي كلاسيكو يعطيكم الف عافية شباب واشكركم على وقتكم |
رد: مشكلة في غر الكروان الرجاء المساعدة ياهل الخبرة
اخوي جرب تحط الفرخين سوى مع بعض وغر الي ياكل معاك والثاني لا تعطيه شي لمدة 10 دقايق
دقيقة غر الفرخ الاول شيء بسيط جدا ودقيقة قفل عليهم في الكرتون وهم اثناء الدقيقة الي تقفل عليهم راح يتكلمو مع بعض ههه امزح :D وبعد العشر دقايق حاول تاكله اذا ما رضي سوي فيه كبسة هههههههه اذا مارضي غره بالغصب وراح يتعود المثل يقول :(التكرار يعلم الحمار ) وانا اقول (التكرار يعلم الشطار ) والله يوفقك ويوفق الجميع |
رد: مشكلة في غر الكروان الرجاء المساعدة ياهل الخبرة
هذا ذكر والله يعينك عليه عانيت زيك مع واحد عندي قبل اسبوع مشكلته ماكان يقدر يوقف على رجوله وهزلان وسحبته من بين اخوانه عشان لا يموت وقمت اغره بس انتبه تغره دفعه وحده بقوه حبه حبه تزيد محبه والحمدلله الان يوقف ويمشي ورجعته وسارت امه تاكله وانا ااكله بالقوه والله يكتب اللي فيه الخير
|
| جميع الأوقات بتوقيت GMT +3. الساعة الآن 04:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو