|
ارجو الاجابة للضرورة
السلام عليكم
هل حقن الكاسكو بالابرة مضر له وش الاحسن حقنه او وضع العلاج له في الماء |
رد: ارجو الاجابة للضرورة
الأفضل وأذا كان مريض جدا حقنه او اذا كان بدايه ف وضعها في الماء
لك شكري |
رد: ارجو الاجابة للضرورة
اخي الفاضل الحقن يعني موووووووت الطير من الاخر
لان الحقن له طريقه معينه وعندنا احنا في العرب او الاغلب يمسك الكاسكو ويطق الابره بالصدر طيب وين دشت يا اخي يمكن دشت بالحويصله او بالرئه الله يستر الحقن العلمي بيكون في فخذ الطير ولان الدكاتره غير مدربين يطفه بآي مكان وخلاص وبالتالي لا ينصح ابدا ابدا ابدا بالحقن حتى اذا الدكتور شاطر العلاجات فقط بالماء واذا تبي تعجل بعد وضع الدوا بالماي في المشرب اسحب بالسرنجه وشربه غصب كآنه عس اختصار للوقت عشان يبدآ المفعول بسرعه وبالتوفيق |
رد: ارجو الاجابة للضرورة
اضم صوتي لصوت اخوي مونيبات
|
رد: ارجو الاجابة للضرورة
اخوي ماينفع ابدا الحقنه دوا بل مويه افضل 100%
|
رد: ارجو الاجابة للضرورة
شاكر لكم اخواني
|
رد: ارجو الاجابة للضرورة
لكان الطير له فوق الشهر مريض ووديته عطوه ابرة وطلع مكانها دم وقام ينتف في ريشه والاغلب صدره ورقبته مابقى فيها ريش ف تحسن خفيف في الاكل بس لكانه مايتكلم ويرجف وماعنده توازن فوق الاستاند او وهو يمشي
|
رد: ارجو الاجابة للضرورة
هاذا قلش اخوي محمد الطير مكتئب
|
رد: ارجو الاجابة للضرورة
وش علاجه ذا القلش اخوي تعبني صرت افك القفص له واخليه يطلع ويدخل بكيفه لكان برضو يبي ينتف انا حطيت على رقبته شي يمنعه يوصل منقاره لصدره وظهره واذا شافني جالس جاء وجلس فوق حضني وحط راسه واحيانا يجلس يناظر فيني احسه ياخي يبي يقول شي وعنده صعوبة في الكلام وانفه دايم مسدود انظفه ويرجع
مونيبات صدقت ياخوي والله يوم عطوه الابرة احسه شاف الموت بس فكوه ونط على صدري منقاره دخل في لحمي وانا ماسكه اهدي فيه جلست فترة معها صابه خوف من كل واحد يقربه اسمحولي طولت عليكم كاسر خاطري المسكين |
رد: ارجو الاجابة للضرورة
الحل :
يرجى اتباع الخطوات واحده تلو الاخرى وعدم اهمال ايا منها حتى تنجح بالشكل الي نرجوه اولا \\ تنويع الاكل للطير من حبوب وفوكه وخضراوات ولازم الفواكه والخضار تكون مغسوله جيدا ومافيها اتربه مطلقا ثانيا \\ ان كان قفص الطير قديم او قفصه الي نتف فيه يرجى تغيره بلون اخر وشكل اخر وتأكدي من ان يكون جديد غير مستعمل مطلقا ثالثا \\ قبل نقل الطير للقفص الجديد يرجى غسل الطير بالماء الدافي بشكل جيد كاملا حتلا الراس وما تحت الجناحين والذيل وترك الطير يتجفف تحت اشعه الشمس ثم يتم نقله للقفص الجديد رابعا \\ تشميس الطير وغسيله بشكل يومي بالماء الفاتر خامسا \\ دهن الطير بشكل كامل بزيت الصبار سادسا \\ وضع العاب ومراه للطير داخل القفص لالهائه سابعا \\ ملاعبه الطير ووضعه بمكان فيه حركه وناس ثامنا \\ تنظيف قفص الطير بشكل يومي وخصوصا الارضيه تاسعا \\ وضع عظم الحبار او الكالسيوم داخل قفص الطير عاشرا \\ استخدام فيتامينات عامه للطير كل شهر اسبوع كامل لمده 6 اشهر على الاقل هذه الطريقه المجربه ممتازه للغايه وانشاءالله تعالج طيرك وتخلي ريشه يرجع من جديد وان لم تنجح يوجد في جعبتي عده طرق اخرى لا تقلقي نحن لها باذنه تعالى موفقين بكل خير |
| جميع الأوقات بتوقيت GMT +3. الساعة الآن 12:21 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو