|
برد منقار الكاسكو الهولندي ؟
السلام عليكم ورحمة الله وبركاته عندي ببغاء كاسكو هولندي عمره تقريباً 6 - 7 شهور اليف وفي مره قلبته على ظهره ولعبت في بطنه بااصابعي فحاول أنه يعدل نفسه , مع تعديل نفسه قضم اصبعي , بصراحه عضته قويه جداً جداً جداً فحبيت أني ابرد منقاره ولكن قبل فتره كان عندي دره نشيطه جداً وعملت لها برد لمنقارها عند العيادة البيطرية بجانب عزيز مول بجدة ولاحظت ان الدره ماتتكلم ودائماً راسها لاسفل وبعد اسبوعين بدا يرجع لوضعه الطبيعي وفيه دره ثانيه بردت منقارها وسبحان الله بعدها تحس أنها مريضه أو مزاجها معكر وخايف أني ابرد منقار الببغاء الهولندي ويحصل له نفس الشيء وهو الان في بداية كلام واخاف أنه بعد البرد تصبح نفسيته سيئه ولكن في نفس الوقت منقاره حاد يعني ممكن اتاذى منه في اي وقت , طبعاً هذا السؤال الأول , السؤال الثاني نفسي الببغاء يطلع على يدي بس احس أنه مربوش وربشني معاه فصرت اشيله مثل الحمامه من قفصه بس المشكله لو كبر ماراح اقدر اشيله بنفس الطريقه فاابغى طريقه تخليني اعرف كيف اقدر اخليه يطلع على يدي من القفص , بارك الله فيكم . |
رد: برد منقار الكاسكو الهولندي ؟
الافضل اذا مافي داعي للبرد يكون احسن
في طيور كثيرة لما تبرد منقارها اوتقص اظافرها نفسيتها تتغير وتتنكس اغلبها ممكن اذا كان الظفر يضايق الطير ممكن في هالحالة تبرد الظفر او المنقار على حد خبرتي البسطية وان شاء الله الاخوان بالمنتدى يفيدوك اكثر |
رد: برد منقار الكاسكو الهولندي ؟
مرحبا
هو شي طبيعي ان اي نوع طائر لم تبرد منقاره يتضايق لكن في نفس الوقت يعتمد على الشخص اللي يستخدم المبرد اذا كانت يده خفيفة و غير عنيف في البرد راح يخف ضيق الطائر بالنسبة لطلوع اليد يحتاج لك تدربه كثير وتشجعه لكن اسهل طريقه انك تخلي الطير يوقف على الستاند وتحط يدك تحته وتشجعه على الطلوع على اليد وتكافئة كرر معاه لين يتعود لكن يشترط في هالطريقه ان الطائر يكون اليف ومتعود عليك |
رد: برد منقار الكاسكو الهولندي ؟
بالنسبة للطلوع على اليد
قريت أنه إذا كان الطير صغير تخليه يوقف على المجثم وتحط أصبعك عند صدر الطير والطير بطبيعته يبي يرتفع أعلى وبيرقى على اصبعك لكن نتبه لا تطيح الطير إذا بغى يتعلق بمنقاره علشان يوزن نفسه وإذا صار كبير حط يدك بدل اصبعك واذا رقى عطه شي يحبه ومع الوقت يضبط معك إن شاء الله تقبل مروري أخوك : أبو محمد |
رد: برد منقار الكاسكو الهولندي ؟
اذا مضايقك الاضافر والمنقار تقدر تشتري المجثم الي يجي ملمسه خشن وهو الطير بيبرد منفاهر واضافره واتوقع متوفر باغلب المحلات
انا مودي طيري محل بردو منقاره واضافره ولا تغير علي ابد بس طير عن طير يفرق |
رد: برد منقار الكاسكو الهولندي ؟
يالغالي انا عندي طير مثل قصتك كان مايطلع الا نادر علي اليد واحياننا يعض يدي لكن الحين والله صار مايبغي لاالقفص ولا الاستاند يبغي يطلع علي كتفي طول الوقت وينظف نفسه وهو علي يدي المساله يبيلها وقت بس والحين ينام علي حظني وابرد اظافره وهو يلعب اصلا بالمبرد ومستانس كل هذذا تقدر تسويه لما الطائر يحس بلامان معاك والمساله يبيلها وقت طويل وصبر والله واذا ودك تبرد منقاره عندي لك طريقه كويسه جدا اشتري له مبرد حق الطيور قيمته يمكن من 50 ريال الا 60 ريال وعلقه له بالقفص وهو يبرد نفسه بنفسه وتقبل تحياتي
|
رد: برد منقار الكاسكو الهولندي ؟
بيض الله وجيهكم , كلاً باسمه ماقصرتوا ويعطيكم الف عافية .
|
| جميع الأوقات بتوقيت GMT +3. الساعة الآن 01:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو