مشكلتي مع الدرة .. الله يرحم اهلكم ساعدوني ..
 

السلام عليكم ورحمة الله وبركاته ..

انا عندي درة ذكر وابغاه يصير ولوف معاايا هوا يطلع على يدي برا القفص لكن ما يجلس على يدي على طول يطير ولا يطلع على كتفي وانا ابغاه مكان ما احطه يجلس والمشكلة اني اذا جيته في القفص دخلت يدي عنده يشرد ويجلس ينقز عشان لا اجيه مع انه ياكل من يدي وانا اللي اكله وكل شي انا بس مو راضي يعترف اني احبه واخاف عليه ... مني عارف ايش اسوي معاه عشان ما يصير يخاف ويجلس معايا .. واللي قاهرني اكتر انو اذا خرج برا القفص وطلع على يدي اقدر اسدحه على يدي وامسح على راسو بس احسو يخاف مني يجلس شوية ويطير ولا يطلع على كتفي ... الله يخليكم اعطووني حل والله تعبت ..

وراااااح اكون شاااااااااااكر لكم ..

رد: مشكلتي مع الدرة .. الله يرحم اهلكم ساعدوني ..
 

اهلاً اخوي
داخله المنتدى عندي نفس مشكلتك تقريباً
اول شي الله يخليه لك
ثانياً حسب خبرتي الاقل من بسيطه مع طيور بالغه وقدرت اروضها
عليك بالصبررر الصبرررر ثم الصبر
حلو مادام انو يجي معك بس يبي لك تعيد نفس الحركه اكثر من مره
مهما قاوم ارجع عيد له
لأنو الطير بالغ ومكتمل كل شي عنده والتعليم اكيد صعب هو بعد متشتت مو عارف اش تبغى بالضبط
ان شاء الله يفيدونك الاكثر خبره
لكن ارجع واقولك الصبر مافي غيره
تقبل مروري :)

رد: مشكلتي مع الدرة .. الله يرحم اهلكم ساعدوني ..
 

الطير عندي من يوم هو فررخ .. وكان اليف معايا بس جات فترة اسبوع سافرت انا وخليته وكان في درة تانية وجلس معاها ولما رجعت الطير مو عارفني ومن ديك الفترة وهوا زعلان عليا .. انا ما عندي مشكلة استنى ما راح اطفش لاني والله احب الطير وهدا اللي مخليني اتحمل كل دا .. وشاكر لكي ردك

رد: مشكلتي مع الدرة .. الله يرحم اهلكم ساعدوني ..
 

ياالله :(
من جد ؟؟
الببغاء ذكي مايحتاج اقولك
بس ياإنو زعلان بجد او ناسيك
بس مااعتقد الاغلب انو مخالطته بطير ثاني هي السبب
واتمنى مايكون للحين مع طير
خلاص مادام ماعندك مشكله تستنى اعزله وتحمل ومتأكده بيرجع احسن من اول
بس اعزله وزي ماتعود يتغير بيتعود يتغير ويصير اليف اكثر من اول
موفق
والله يديم المحبه ويخليه لك

رد: مشكلتي مع الدرة .. الله يرحم اهلكم ساعدوني ..
 

ما اعتقد انو ناسيني بس اعتقد انو زعلاان .. لا ابشررك الان هو لحالو مافي معاه طير تاني .. بس عندي طيور الحب بس وهم معاه في نفس المكان ممكن ياثرو عليه ...؟؟ وكيف اراضيه اذا زعلان ...؟؟ وايش الاشياء اللي اسويها عشان يرتاح من ناحيتي ... وبالنسبة اني اعزله يعني ما اخليه يشوف احد غيري ولا اعزله اذا كان مع طير تاني ..؟ واشكر لك ردك وتفاعلك معايا ..

رد: مشكلتي مع الدرة .. الله يرحم اهلكم ساعدوني ..
 

والله مااقدر اقولك شي مو متأكده منه
بس بقولك اللي حصل معي
كان عندي دره وطيور بادجي وطيور البادجي ذكيه واليفه بس من صار الطير معاهم ماصارو يجون معي ولما ادخل يدي بالقفص يعضون !!
عجزت افهم معنى هالتصرف
اما بالنسبه للدره فكانت فرخ وماكانت تصرفاتها واضحه
بس الحين انت بمرحلة ترويض من جديد لأن تصرفات الطير تغيرت بشكل كامل
فـ{إذا امكن} الافضل تعزله عن الطيور اللي معه فقط لأنو اكيد بيتابع تصرفاتهم حتى لو بعيد عنه
لكن افضل محد يجيه ويمسكه غيرك لا بأس يكون فيه ناس بالمكان بس انت اللي تقرب منه عشان يسترجع ثقته فيك لأني اعتقد انو فقدها لما تركته وهذا الشي اقرب من انو زعلان
اهم شي ثقة الطير فيك
ولا تزعل بس شكلك كسرتها لما تركته وانت قادر تسترجعها بس اتمنى تسوي اللي قلت لك عليه

ورداً ع سؤالك وش الاشياء اللي تسويها عشان يرتاح
اهم شي انت تكون معه ومايجيه احد غيرك زي ماقلت
وماتسوي اي شي يضايقه او يخوفه
ونقطه مهمه نسيت اوضحها لازم مكان الطير يكون نظييييف هذا يأثر على نفسيته بشكل كبير

اعتذر عالاطاله ... موفق وياليت تقول لي وش صار معك اول بأول

رد: مشكلتي مع الدرة .. الله يرحم اهلكم ساعدوني ..
 

الله يعطيكي العافية يارب ما قصررتي ..
بس انا اللي قاهرني انو لما يخرج بررة القفص احسه يرتاح شوية ويطلع يجلس على كتفي واحيانا ارجعه القفص من كتفي ما يرضى ينزل القفص يروح ع الكتف التاني واحيانا يطلع ويجلس شوية ع كتفي وبعدين يطير ... وانا ان شاء الله راح ابدا معاه من اول وجديد وان شاء الله ترجع الثقة احسن من اول .. وشااااااااااااكر لك تفاعلك ..

رد: مشكلتي مع الدرة .. الله يرحم اهلكم ساعدوني ..
 

بس مادريت انك تدخله القفص !!!
شي طبيعي يتضايق من الحكره
انا ما اايد وضع الطيور بقفص ابداً اذا مروضه طبعاً
وانا ماعمري حطيت طيوري بقفص اخليه لهم ومفتوح لو بغا ياكل ويشرب يروح له براحته
المهم تكون اجنحته مقصوصه وياليت فترة الترويض البسيطه تخلي قفصه مفتوح وهو يروح له بس ماتدخله انت وتسكر عليه
العفوو حبيبي ماسويت الا واجبي :)

رد: مشكلتي مع الدرة .. الله يرحم اهلكم ساعدوني ..
 

طيب ايش الحل يعني ما ارجعه القفص الا لما هوا يكون يبغا يرجع ..؟؟ يعني احيانا انا اكوون داخل انام وهوا على كتفي .. وانا زي ما قلتلك ان شاء الله راح ارجع ابدا معاه من جديد الين ما يرتاح وترجع ثقتو فيني ... وراح اكوون متواصل معاكي اول اول .. الله يعطيكي العافية ..

رد: مشكلتي مع الدرة .. الله يرحم اهلكم ساعدوني ..
 

شوف حبيبي وقت النوم اكيد هو من نفسه بيرجع للقفص
او اذا هو معك بالغرفه عادي تنام وتخليه هو بالمكان اللي يريحه مثلاً طيوري تحب القفص بس تكون عليه من فوق لكن ماتحب تدخل بس لا تنسى تسكر باب الغرفه
لكن ارجع اقولك مسألة انك تدخله غصب وتسكر عليه اكيد بتأثر ع نفسيته الببغاء حساااس جداً
الله يعينك عشان تبدا من جديد لكن مو مشكله الطير اليف نوعاً ما وراح يرجع ان شاء الله بكل سهوله
يسعدني انك تتواصل معي
راح اكون معك بإذن الله وبفيدك من خبرتي باللي اقدر عليه