|
كيف ما اخليه يطير من ايدي
السلام عليكم
طيري عمره 6 شهور تقريبا و جناحه كامل مو مقصوص وشاريه من قبل 3 او 4 ايام تقريبا و لمن اطلعه فوق القفص و بعدين اطلعه على ايدي ب يطير من ايدي و المشكلة انه يطق بالطوف بعدين يطيح فاخاف يتعور ( حاليا ادربه على الصعود على اليد) و الحين صارله يومين داخل القفص لانه ابيه يتعود على القفص و بعدين يرجعله لمن يبي ينام و انا توه شاريه و ما تعود على القفص علما انه لم يتعود الصعود على اليد و الان انا ادربه فان كانت طريقتي خاطئة شنو اسوي و شلون ما اخليه يطير من ايدي عشان لا يطق بالطوف و يتعور |
رد: كيف ما اخليه يطير من ايدي
السلام عليكم ورحمه الله وبركاته
تحيه طيبه وبعد اخي الفاضل مبروك عليك طيرك وربي يخليه لك اعواما مديده اولا وقبل كل شيء الاحظ انك استعجلت بالتوليف والترويض لابد الطير يبقى فتره اسبوعين حتى يتسنى له التعود عليك وعلى اهل البيت والمكان الجديد الي هو فيه كما يجب ان تقص الجناح بشكل احترافي ويفضل عند بيطري متمكن وله الخبرة لما تطلع الطير على يدك امسكه من اصابعه وابعده عن القفص لكي يعرف انه ماله مكان غير يدك وبمجرد ما يستقر ابتسم له وكافئه وقوله شاطر واعطيه فول سوداني كون انه الاكل المحبب لهاذي الانواع من الطيور وكررها في اليوم على الاقل عشرين مرة وبطرق مختلفه مثلا ان يكون الطير على القفص وداخل القفص مرة وعلى الارض مرة وعلى الاستاند مرة وهكذا ربي يوفقك وتقبل مروري اخوكم \ بلاك بيري |
رد: كيف ما اخليه يطير من ايدي
يعطيك العافية أخوي و ما قصرت
انا اول ما احطه على ايدي يطير |
رد: كيف ما اخليه يطير من ايدي
يالغلا غريه هههه امزح معك اول شئ مبروك والله يخليه لك ويحفظه
انت لما تجي تطلعه على يدك لما يطلع امسك اصابعه وقربه لي بطتك وابدأ امسح عليه هذه الطريقه انا استعملها في الترويض وطلعه عللى يدك وتجول في البيت وهو فوق يدك وانت ماسك اصابعه لان لما تمسك اصابعه راح يحاول يطير ويرجع على يدك ان شاء الله افدتك واخواني راح يفيدونك اكثر تقبل مروري |
رد: كيف ما اخليه يطير من ايدي
يعطيك العافية اخوي فيوزي
بس ما اقدر اطلعه على اصابعي عشان امسكه اهو يطله على ذراعي لناه مو متعود يصعد على اليد |
رد: كيف ما اخليه يطير من ايدي
لما يطلع على دراعك جيب اصابعك وحطها عند صدره ودفه بي شوي وراح يطلع وردد كلمه اطلع اطلع وردد هالحركه وان شاء الله راح يتعود
|
رد: كيف ما اخليه يطير من ايدي
|
| جميع الأوقات بتوقيت GMT +3. الساعة الآن 11:38 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو