السلام عليكم :shy: ...

سلحفاتي شريتها قبل يوم .. برمائية "ذات الأذن الحمراء "
ذكر سريع صغير جدا .. هذي صورته

http://i.imgur.com/MzAzr.jpg

ومايحب يقعد هادي .. فضولي ويبي ينطلق لأي مكان .. :confused:

عموما عندي كم سؤال له ..

1- حطيت له حوض بنفس تعليمات البايع و حطيتله حصى و حصاة كبيرة عشان يرقى عليها إذا ما
بغى المويه .. المشكله إنه دايم يرقى عالحصاة و يحاول يطلع بأي شكل من الأشكال ماشفته أبدا
مستمع بالمويه :( فكيف أتعامل معه خصوصاً إني أضطر في الليل أفتح اللمبة أشوف صارله شي
ولا لا لأنه إذا رقى فوق الصخرة يطيح على ظهره ومايساعده إلا أنا :(

2- من أمس ما أكل شي .. هل وضعه عادي عشان الشتا ؟ :confused:

3- فوق ظهر السلحفاة شي ابيض " ليس لزج " .. كأنه جفاف فهل هو عادي كذا شكله ولا

http://i.imgur.com/RivH5.jpg


4- وش الأشياء اللي ممكن تثير فضوله و يطلع حرته في الحركة فيها .. ؟


5- هل صحيح إني إذا كثرت لمس السلحفاة تموت؟؟ خصوصا
إني ماشريته إلا عشان أشيله كل شوي :( .. طبعاً بعد ما أغسل يديني .. :rolleyes:

6- هل ضروري أعرضه لأشعة الشمس يوميا لأن في الشتا يكون الجو بارد .. :confused:
ولا لازم أشتريله اللمبة اللي تعوض عن أشعة الشمس ؟؟

7- هل يضره لو أتركه يتمشى بالغرفة مع المراقبة طبعا ؟ :rolleyes:



أممم ... وبس إن شاء الله إني ماخالفت في شي :D