عن القنفذ وصيده
 

السلام عليكم

نحن في دولة الكويت نتسأل عن كيفية إصطياد القنفذ في الأماكن البرية الصغيرة أو الكبيرة ؟

1- أين يمكن أن يتواجد القنفذ ؟
2- أي يمكن معرفة أماكن القنفذ ؟
3- كيف يتم إصطياد القنفذ ؟
4- كيفية التعامل معه ؟
5- الأشياء المفضلة له ؟
6- معلومات أخرى للي يبي يفيدنا جزاه الله خير ؟

وسلامتكم

رد: عن القنفذ وصيده
 

أسئلة أخرى :-

7- كيف نعرف عمر القنفذ ؟
8- كيف نعرف إذا كان أنثى أو ذكر ؟

وإذا ماقدرتوا تجاوبون على الأسئلة جاوبوا على اللي تعرفونه منهم

رد: عن القنفذ وصيده
 

القنفذ يكون بالاماكن البرية الجبلية اللي يكون فيها اشجار

وعندنا بالحجاز موجود ببعض الاماكن بالبر

وانا كان عندي قنفذ

كن بالبر بالسيارة وشفنا قنفذ يركض طبعا الكلام كان بالليل

نزل اخوي ولحق وراه وشاله وجابه للسيارة واخذناه البيت والاسبوع اللي بعده رديناه مكانه

اول شي كان خواف من اول ما يحس انه فيه احد يتكور

مع الوقت صار ما يتكور مننا ابدا حتا اذا لمسنا خشمة ما يتكور الا اذا خاف من اصوات عالية وبس


كان ياكل ورق شاي |(جدتي قالت) واحيانا خس ويحب يلحس ملح


وكان مزعج بالليل والشوك حقه ما كان مؤلم عادي

وكان توه صغير

وكان حبيبي بس امي عيت تخليه عندنا..


هذا كل اللي عندي

رد: عن القنفذ وصيده
 

اختي توازن ما قصرت وجاوبت عالاسئلة

رد: عن القنفذ وصيده
 

وعليكم السلام
مرحباَ سفاري العرب ,,,

حبيت بس اداخل بمعلومات غير عن الي انت سالت عنها :D
ابقولك الي اعرفه ((باختصار))
القنافذ الي عندنا انواع ,,, منتشر منها نوعين ...


صغير .. نسمية قنفذ .. وكبير نسمية نيص ...

القنفذ منتشر بكثرة ودائماَ تشوفه في الليل ,,, او مدعوس في الشارع :D
وكيف تصيدة ؟... زي ما قال توازن ... مالك الا تشوفه وتطير وراه ;)
اذا شافك راح يتكور

اما النيص ...
فهذا لازم له مصيدة لانه كبير ,, تقريباَ بحجم الكلب
ويغرز الاشواك حقته وتنفصل عنه في الي يحاول يعتدي عليه :eek: وينتج عنها الم فضيييع
عشان كذا الكلاب وباقي الحيوانات المفترسه يدقون له تحية اذا شافوه (( يتحاشونة ))
ويتغذى على اوراق الصبار و الحشائش
وانشاء الله امسك واحد بعدين واحط لكم الصور حقته ...


وسلامتك يالغالي :)


تحية
الطاير

رد: عن القنفذ وصيده
 

تسلم الطاير على المعلومة ومنتظرين باقي الأخوان

رد: عن القنفذ وصيده
 

أخوي الطاير هذا هو النيص ؟

http://www.al-jazirah.com.sa/magazine/21062005/24.jpg

يالغالي وين أقدر أصيده ؟

رد: عن القنفذ وصيده
 

مرحباَ سفاري العرب مرة اخرى ...
والنيص يشبه الحيوان هذا بنسبة 70 - 80 %
لاكن اشواكة اكثر واكثف وتمتد للأمام واللون الابيض اكثر من كذا

وفي الغالب اذا طلعت للمزرعة القى اثارة وبقيا اشواكة ... بس نادراَ جداَ ما اشوفه :( ... شكلة حريص يبتعد عن البشر .
وهذا تحط له مناسب ((مصائد)) في اماكن معزولة وقرب الصخور الكبيرة والجبال
واما عن الاماكن الي ممكن تصيده فيها ...
فقلي اول شي انت من وين ؟ والبيئة المحيطة بك جبلية ولا صحراوية ؟؟
وهل سمعت من قبل ان الحيوان هذا يتواجد بالقرب منك ؟؟ او رايته بعينك ؟؟

لانك ماتقدر تحط مثلاَ مصيدة للقرود في الربع الخالي
وش دخل القرود في صحراء الربع الخالي :confused:
اتمنى تكون واضحة ...

وسلامتك :)


تحية
الطاير

رد: عن القنفذ وصيده
 

طاير من وين انت ووش المنطقة اللي انت بها؟؟

رد: عن القنفذ وصيده
 

اهلين توازن ,,,,

جيران احنا .. جيران :)


تحية
الطاير