كاسكو زعلان
 

رد: كاسكو زعلان
 

خلك صبور يالطيب لو يجلس اسبوعين ما يتكلم عادي دام انه واثق انه يعرف يتكلم يبي له يجس نبض البيت اول بعدين يتاقلم شي عادي الصبر ثم الصبر وحسن المعامله وبتشوف النتائج اللي ترضيك بس يبي لك وقت مو شهر ولا شهرين يمكن اكثر على حسب الطير بس دام انك تلمسه عادي من الحين هذي بوادر طيبه فيه ناس يجلس ما يتكلم عندهم بالشهرين والثلاث لين يتعود بس بما انه قد تكلم عند يعني ما راح يطول لين يرجع ويمارس هوايته وبرضو لقنه كلام تبيه يحفظه من فتره لفتره بس لا تنشب له اكثر من عشر دقايق كل جلسة تلقين عشان ما يطفش
وبالتوفيق
دعواتك ابدع في اختباري يوم السبت

رد: كاسكو زعلان
 

جزاك الله خير نعم كفيت وفيت اخوي :12:
بس استفسار بسيط
عشان يرتاح الطير شو افضل اخليه في القفض المغلق ولا المفتوح الي نفس الصوره
:confused:

رد: كاسكو زعلان
 

الطيور ياخوي مثل البشر تحب تطلع وتفرفر وتتمشى .. بالليل غير مويته وحط له اكل و قفل عليه في القفص مع جلسة عشر دقايق تلقين الكلام اللي ودك يتكلمه لأن قبل وقت النوم يركز معك الطير ويلقط أسرع .. في الصباح افتح له القفص وخله يطلع و غير المويه له وزيد له اكل اذا يحتاج وبرضه عشر دقايق الى ربع ساعه تلقين ومع مرور الوقت راح تحس بالفرق .. راح بتعلق بك الطير اكثر وراح يسمع منك .. أهم شيء في وقت النهار لا تقفل القفص نهائيا ً خل الطير ياخذ راحته

أتمنى أكون أفدتك أخوي, وباقي الاعضاء فيهم الخير والبركه

رد: كاسكو زعلان
 

حاجه ثانيه احب اتطرق لها وهي انك تزوده بالفواكه والخضروات عشان تزداد مناعته وتقوى صحته .. يعني قسم الفواكه والخضروات على ايام الاسبوع .. مثلا ً السبت اعطيه ذره مسلوقه والأحد مثلا تفاح وكذا .. سوي له جدول غذائي .. مره موز ومره تفاح ومره رمان ومره خس جرجير بطاطس مسلوقه فلفل بارد وكذا .. أهم شيء لا تعطيه من نفس النوع اكثر من مرتين في الاسبوع حتى لو هو يموت فيه لا بد من التنويع .. وبعد ماتشوف وش يحب أكثر ممكن تستخدم نفس الصنف للتعليم يعني يسوي لك الحركه اللي تبيها او الكلمه اللي تبيها وتعطيه مكافأه عليها من نفس الصنف .. هذا كل اللي عندي أخوي