قطة جديدة
 

السلام عليكم ..

الأول احب اسجل اعجابى بالمنتدى الجميل ...

ثانياً ..

عندى قط شيرازى عمرة 8 شهور وهو ودود وعشرى اوى وحجمة كبييير اوى ...

بقيت أنشغل عنة كتير الفترة دى قلت اجيب له بنت من سنة يلعبوا مع بعض وتبقى عروستة بعد كدة ان شاء الله ..

اشتريت واحدة شيرازى بيضاء لكن امورة اوى عندها 7 شهور لكن يا حبيبتى ضعيفة واللى يشوفها يقول اصغر ...

المشكلة بقى انها خايفة مننا وخايفة من القط ومستخبية على طول وطبعا دا بيخلى اكلها ضعيف وانا عايزاها تكبر زى القط وتربرب كدة ..

ياريت تدلونى على طريقة للتعامل معاها عشان تاخد علينا وكمان نظام غذائى يرد ليها صحتها عشان انا ملاحظة ان شعرها بيقع من كتر الضعف ..

جزاكم الله خيراً

رد: قطة جديدة
 

عليكم السلام
مرحبا بك معنا فى هذا المنتدى القدير
اتفضلى هذا الرابط يمكن يفيدكhttp://www.2zoo.com/vb/showthread.ph...=1#post1462278
والخبراء يفيدونك

رد: قطة جديدة
 

هو موضوع فعلا مفيد جدا بس لو كنت قريتة قبل احضار القطة ...

هى دلوقتى بقالها عندى 48 ساعة ولفت الشقة واتعرفت عليها ... وكمان القط اللى عندى عشرى ومش اول مرة يقعد مع قطط ... جيرانى كانوا بيسافروا ويتركوا قططتهم بالايام وكان بيحب يلعب معاهم بس هما اللى غلسين مش بيلعبوا ...

دلوقتى انا حابسة القط كام ساعة عشان هى تعرف تتحرك بحرية شوية وتاكل .. لانة بصراحة مش مديها فرصة تعمل حاجة من الجرى وراها ..

كيف التصرف معهم ؟ استمر على كدة الحبس لكل واحد فيهم شوية ولا اسيبهم مع بعض والوقت كفيل بيهم بدون تدخل منى ...؟

شكراً للأهتمام

رد: قطة جديدة
 

بالامانة انا كدة مش عارف الحل انشاء يفيدونك الخبراء
توزوو كلو خبراء

رد: قطة جديدة
 

شكراً أخى على إهتمامك جزاك الله خيراً .. فى إنتظار المساعدة ان شاء الله

رد: قطة جديدة
 

عزيزتي القط الجديد يكون خائف وهادا شي طبيعي خليها على راحتها وطالمه ان الذكر هادي

ووالف على القطط حترجع وتتأقلم معاه ومعاكم

حاولي تلعبيهم مع بعض بيكور او حبل وخليهم يجرو ورى الحبل حيتعودو وتكون بينهم موده