|
استفسار للخبراء ومحترفين الثعابين
السلام عليكم ورحمة الله وبركاتة أخواني انا حاب استشيركم بكم حاجه واتمنى تساعدوني :) انا خطرت لي فكرة بان اضع صغار الثعابين زي صغار الأرقم وابو سيور والكورن سنيك وعائلتها بأحواض بلاستيك متوسطة الحجم ( مش صغيره ولا كبيره ) مع العلم انا سأضع فقط ورق المناديل او نشارة الخشب كبطانه للحوض مع توفير صحن للماء . والاضائه اتوقع لو وضعت لمبه فوق اكثر من حوض بهذه الاحجام راح تكفي السؤال هل هذه الطريقه صحيحه ومناسبه .. ؟ والأحواض اللي اقصدها شبيهه بهذا الحوض http://up.lm3a.net/uploads/c7b1235d35.jpg وعندي سؤال ثاني عن اطعام صغار الثعابين هل من الممكن اطعامها قطع من الدجاج او اللحم بدلاً من صغار الفئران او الهامستر لعدم توفر طوال الوقت صغار مناسبه في الحجم للثعابين .. واللي عنده طريقه اخرى للأطعام اتمنى يفيدني بيها وشكراً لكم |
رد: استفسار للخبراء ومحترفين الثعابين
على حسب حجمهم لو كانو صغار ممكن بهذول لكن لو كبار لا
تحتاج اكبر شوي الصناديق أفضل ، و بالنسبه للإضاءه ماله داعي لو المكان دافي للي صغار ما يصير ياكلون لا لحم ولا هالأشياء ، ولو ان ممكن توكلها لكن غصب تحط بحلجها و تبلعها و ما انصحك ابد تسوي هالشي لو توهقت كلش كلش شوف فار او هامستر صغيير و قصه نصين و توكل كل حيه نص او اقل لكن تأكد انهم ياكلون ميت بالأول و بالتوفيق |
رد: استفسار للخبراء ومحترفين الثعابين
^ ^
تسلم ياعسل والله بس انا شفت مقطع باليوتيوب اتوقع ان صاحبة الثعابين توكلهم قطع سمك !! http://www.youtube.com/watch?v=l2s7P...eature=related وكمان عشان اكون صريح انا شفت قبل سنة تقريباً ثعبان كالفورنيا كنج سنيك صغير ياكل قطعة دجاج فيليه بدون ما تنحط بحلجه او تعب على طول شاف القطعه هجم عليها .. تمنيت لو كان عندي الفيديو الآن >< .. وكمان احاول ادور لي على حل غير قص الهامستر انصاص هههه وهذا سبب سؤالي عن اطعامهم .. ... ... ... ... ... ... وكمان عن موضوع الاضائه يعني لو كان المكان دافئ مايحتاج اضعها .. صح ؟ يعني عادي لو فقط استخدم اضائة الغرفه ؟ و شكرا مره ثانيه على سرعة التجاوب مع الموضوع :) وياريت اللي عنده خبره بالاضافة لخبرة مشرفنا بايثون يشرفنا بحضورة ورأيه ومنكم نستفيد |
رد: استفسار للخبراء ومحترفين الثعابين
^
هاذي الـ Garter Snake مو الكينج ^^ هذول أكلهم أساساً سمك ، بالنسبه للكينج مو شرط بتصير وحده عندك جذي و اساساً مو زين اللحم يعني صغيره بتعطيها لحم خروف ولا بقر ؟! كثير يقولون انه فيه دهون و و و فأنت ليش تبلش عمرك و عندك حلول الكينج مثلاً اهو الوحيد الي ممكن بيتقبل السحالي و الحشرات و الأرقم احتمال الكورن ما اتوقع بياكل معاك سحالي و هالأشياء بس مثل ما قلتلك بالغالب بتلجأ للفيران لأن صعب انهم يتقبلون هالأشياء لكن مو مستحيل ^^ |
رد: استفسار للخبراء ومحترفين الثعابين
اقتباس:
لا اخوي بايثون ما أقصد اطعامهم السمك بس لاحظت ان السمك اللي عندها قطع مش حي ومتقبلته الثعابين .. فقلت ممكن تتقبل البقيه هذا الشي على نوعية لحوم ثانيه وع العموم مشكور حبيبي بايثون ع الافاده .. وكمان يستاهل الكورن نقص له فيران وهامستر :rolleyes: تحياتي لك |
| جميع الأوقات بتوقيت GMT +3. الساعة الآن 07:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو