ارجوكم ساعدوني باسرع وقت
السلام عليكم
اول مشاركة لي في المنتدى ... واتمنى استفيد منكم الكثير.... وافيدكم بما استطيع اولا ليس لدي خبره في الطيور ابدا كل الي اعرفه اشري بادجي واربيه وهل كلام اخر مره سويته قبل 8سنوات تقريبا ... الموضوع ان امس شريت بادجي انجليزي انثى والهدف تربيتها...توقف على يدي واكلها ووووو رحت المحل ودورت البادجي الي باين انه نشط وصغير ... واشتريت ولله الحمد والموظف لما عرف ان بربي طلعها ونتف جزء من ريش الجناح السفلي وعطاني ياها ووقفت على يدي مباشره بدون ماتعض؟؟ بس كانت تطير وامسكها ... استغربت انها ماعضتني؟؟ لما وصلت البيت حطيتها بالقفص تقريبا الساعه 11 ليلا والعصفور في قمة الكئابه من امس ماااكل ولا شرب ولا تحرك من مكانه ؟؟ كل الي يسويه يحرك منقره فقط.. ايش الحل ياخوان؟؟ من امس ضايق صدري وافكر اذا اليوم مااكلت شي ارجعها المحل لان اخاف تموت ... هل الشي هذا طبيعي في البدايه؟؟ هل انا اخطات بشي؟؟هل اصبر؟؟ولا ارجعها المحل على اقل يمكن ياكل ويشرب.... المهم عندي مايموت ... اشكركم جميعا ... وانتظر اجاباتكم باسرع مايمكن ... |
رد: ارجوكم ساعدوني باسرع وقت
لا تخاف عليها هدا شي طبيعي بسبب تغيير المكان
وان شاء الله يومين وتتعود على المكان |
رد: ارجوكم ساعدوني باسرع وقت
اقتباس:
بس يومين بدون ماتلمس الاكل والشرب؟؟ |
رد: ارجوكم ساعدوني باسرع وقت
لا راح تاكل وتشرب بس بخطاط محسوبة يمكن ما تاكل في الوقت الي انت تراقبها فيه
|
رد: ارجوكم ساعدوني باسرع وقت
الله يسمع منك اخوي ....
طيب اسمع الجميع يتكلم عن اسلوب المكافاة في التدريب ...باعطاء العصفور الاكل المفضل ماهو الاكل المفضل للبادجي؟؟ الي يحفزه عشان يتدرب ؟؟ طبعا غير الحبوب الموجوده اساسا في القفص؟؟ |
رد: ارجوكم ساعدوني باسرع وقت
الخس الجرجير وكل شي لونه اخضر + التفاح
هذي الاكل يعشقها الطائر بقوه |
رد: ارجوكم ساعدوني باسرع وقت
للاسف مراليوم كامل مااكلت شي!!
ادخل يدي وامسك الحاوية الي فيه الاكل واحطها امامها مباشره تاكل ش بسيط يمكن ثلاث اربع حبات فقط كررت هل الشي كم مره وشرب الماء نفس الشي .... وسويتلها بيض وبقصمات ماذاقته للاسف ياجماعه هل الشي الى الان طبيعي ؟؟؟خايف يصير لها شي !!! |
رد: ارجوكم ساعدوني باسرع وقت
ما في اي مشكلة هدا شي طبيعا يحدث عند جميع الطيور عند تغيير المكان لهم ولاكن تختلف بعض الشي من طائر الى طائر فبما انه اكل شوي فلا تخاف عليه
|
رد: ارجوكم ساعدوني باسرع وقت
شكرا لك اخوي
بس اقراء من الجميع بان تجويع العصفور بغرض تدريبه يكون من 4الى5ساعات انا الي عندي لها اكثر من 24 ساعه !!! |
رد: ارجوكم ساعدوني باسرع وقت
اخوي abu-khuzaim لا تخف الطير اذا تغير عليه المكان راح يخاف فترة وممكن تقعد ايام بدون ما تاكل وتشرب خصوصا لمن تكون حولها افضل حل الآن لتتأكد انها تاكل انك تنظف الارضيه تبع القفص كويس وبعدين لمن تجي تطالع ان حصلت قشور للحبوب فمعناتها انها اكلت بالنسبة للاكل المفضل فكل طير يفضل شي معين بعضهم يحب التمر وبعضهم البيض بالبقسماط وبعضهم التفاح وبعضهم الخس .. الخ يختلف من طير لطير موفق |
جميع الأوقات بتوقيت GMT +3. الساعة الآن 05:23 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو