كلبي يعض كل شي
 

عندي جيرمن شيبرد عمره شهر ونصف , واحد من الشباب نصحني من باب التدريب أن أمسك قماش من طرف والكلب يسحب من طرف عشان تقوى اسنانه , طبعا اللعبة أستمرت 3 أيام بعد كده سار يبغى يعض أي لبس لأي أحد وحتى غير الملابس اليدين والأرجل
انا خايف يكون لعب أطفال بس يتعود على العض فحاولت أحرمو من أشياء وكمان عاقبتو بس مافي فائدة
فهل هي مرحلة وراح تعدي؟ ولا كيف؟

رد: كلبي يعض كل شي
 

نفس حالتي بس الوالد قالي هذا كلب لازم ينطق عشان يفهم على الغلط اللي يسويه وبس ومن يومك ارفع يدي اني بطقه يسمع الكلام

رد: كلبي يعض كل شي
 

اعتقد انك لو خصصت له لعبه مخصصه للشد وتقوية الاسنان ما يتمادى ويعض غيرها
بس اعتقد ما دام انك سمحتله بقطعة قماش عاديه فكر انه عادي يغض كل شي

رد: كلبي يعض كل شي
 

نفس حالتي عندي جروه عمرها شهر ونصف جيرمن تعض كل شي وهاذي مرحله وراح اتعدي وبتم لي شهرين او ثلاثه اتعض وهاذا لان تطلع له اسنان فمستانس وتيي مثل مايقولون حديه يعني يعض كل شي لاكن راح اتعدي وانصحك ماتضرب الكلب فهل عمر

رد: كلبي يعض كل شي
 

غلط غلط ... الكلب الجرو مثل الطفل يحب يكتشف العالم وطريقته هي العض وهو يعبر عن الحب بالعض لانه صغير ولاتنسى العض هي اللعبة المفضلة في هذا السن الصغير .. بس عوده لما يعض يعض شي معين يعني خصص له قطعة قماش او لعبة عض تحصلها في الجمعيات وبس ... ولا تضربه تراه صغير بس علمه بالتعود ومع الوقت ما راح يعض ايديك ورجلك ... هذا من تجربه شخصية

رد: كلبي يعض كل شي
 

-----

لله عليك يا aea يا حريف انت كلامي من كلامك ويعطيك العافيه ماتقصر

رد: كلبي يعض كل شي
 

أنزين إذا مانقدر نضرب الكلب في هذا العمر شنو نسوي على فكره اليوم نتف نعالت الوالده الله يكرمكم ويكرم الملائكه اقولكم من الخرعه رحت ارمي النعال في زبالة الفريج عشان الوالدة ما تشوفها وله بحصل زفه محترمه لاصارت ولاأستوت

رد: كلبي يعض كل شي
 

انا عندي جيرمن في البداية يوم هو صغير كان مرة يعض كل شي حتى الرجول بس الحين خف كثير بس انا كنت لما يعض شي امسك الشي اللي عضه و اضرب الشي مثلا لو عض جزمه امسكها و اضرب الجزمة واقوله bad boy الحين خف و جيب له العاب ما تشبه اغراض البيت و بالنسبة للتقوية لا تستخدم القماش فيه اشياء خاصة من المحلات المخصصة احسن علشان ما يخربط مسكين
احرص واله بتسير مشكله بعدين اسال مجرب اختك عانت اتلاحق عمرك :)

رد: كلبي يعض كل شي
 

Your puppy loves to play, and how much he loves to play will show you how easy it is to train him. You must use what he loves and enjoys to be able to train him.

And un-trained dogs is no good. You must use this playing game to train him to listen and react to your commands

There is nothing wrong in pulling objects and playing tug with your puppy, this is what every puppy loves from the day they are born, but you must use it to analyse your dog for future training

رد: كلبي يعض كل شي
 

هي مرحله وراح تعدي

انا كان عندي جيرمن شيبرد كان يروح ورى البيت ويعض اي شي حديد كل شي لين كبر با العمر وحدت سنونه ترك العض والحمد لله
بالنسبه للعض اشتر له شي من المحلات يحبون يعضونه الكلاب وهو على شكل عظمه وانشاء الله راح يحبها وبيترك الاشياء الثانيه
وبعدين لاتحاول تضربه وهو صغير غلط لانه اذا كبر يصير ما يحب احد يمسك راسه