|
يتكلم ولكن ليس امامي.. الاسباب ياخبراء
السلام عليكم ورحمة الله وبركاته
خبراءنا الاعزاء الببغاء اللي عندي يتكلم من احلى مايكون ولكن اذا كان قدامه احد خصوصا انا اللي اغذيه في الليل والنهار والعب معه يسكت ويتحول الى اطرم وش السبب وماهو العلاج الله يرضى عليكم الببغاء عمره حوالي ثلاث سنوات النوع غيني صار له عندي ثلاثة شهور |
رد: يتكلم ولكن ليس امامي.. الاسباب ياخبراء
الكاسكو خجول وحذر وحساس
اذكر صبرت على طير مده الين صار يتكلم قدامي انا فقط وبعدها صار يتكلم قدام اهلي لكن اذا جانا ضيف يقلب اطرم وطول الوقت عينه على الشخص الجديد واي حركه منه يخااااف الكاسكو عادي الامور هذي منه |
رد: يتكلم ولكن ليس امامي.. الاسباب ياخبراء
وقف قدامه وتكلم معه .. كل يوم ..
ركز ع كلمه معينه .. ومع الوقت من يوم انت تجي عنده بيقولها .. ان شاء الله .. |
رد: يتكلم ولكن ليس امامي.. الاسباب ياخبراء
الببغانات دايما صابرين معها وننتظر الحين له ثلاث شهور على هالحالة ونتمنى يتحسن الحال ومشكورين على ردودكم
|
رد: يتكلم ولكن ليس امامي.. الاسباب ياخبراء
طول بالك معه ....
وانت سولف له كثير وحاول تسولف بدون تلقي له بال .....يعني كأنك مع حالك ماااادري فهمتني ؟؟ خليه يااااكل من يدك وطلعه على كتفك تمشى فيه بلبيت .... والله يهنيكم في بعض ................... |
رد: يتكلم ولكن ليس امامي.. الاسباب ياخبراء
اعطيك تجربتي مع طيري الخجول سابقآ
اخوي انت حط للطير حب الشمس فقط والاكل المفضل طعمه انت بيدك مثلا لما تشوفه رايق ويتكلم وانت خارج الغرفه اول ماتسمعه ادخل واعطيه الاكل الي يحبه ولكن مقدار قليل جدا يعني مثلا ربع حبة فول سوداني واخرج من الغرفه ولما تسمعه رجع يتكلم ادخل واعطيه بعد يومين اول ماتسمعه تكلم ادخل واعطيه واجلس بالغرفه وبين له انك مستعد تعطيه المزيد وخليه يشوف القطعه الثانيه بيدك حاول تكرر عليه الكلمه الي يكررها دايما حتى لو قالها بصوت خافت او قال كلام مو مفهوم اعطيه مكافأه وتدريجيآ راح يتعود وايضا نقطه ثانيه لو كان عندك استاند وتقدر تخرجه من القفص اي وقت يتكلم وانت داخل الغرفه طلعه من القفص الى الاستاند كذا راح يعرف لو تكلم امامك راح يحصل شي يرضيه انا استخدمت هذي الطريقه ونفعت معاي 100 % جربها |
رد: يتكلم ولكن ليس امامي.. الاسباب ياخبراء
الببغاوات الرماديه ذات الذيل الاحمر
تعتبر من اشد الببغاوات خجل لكن مع الوقت يزول الخجل ان شاء الله ويتكلم امامك لاتستعجل |
رد: يتكلم ولكن ليس امامي.. الاسباب ياخبراء
عشان الكاسكو خجول مع الوقت حيتكلم قدامك وممكن يكون خايف منك اكلو بيدك كثير الين يطمن وما يخاف
ويتكلم قدامك يعني المسالة مسالة وقت |
رد: يتكلم ولكن ليس امامي.. الاسباب ياخبراء
يعطيكم العافية على هالتجارب والنصايح الحلوه للمعلومية بس الطير ياكل من يدي عادي جدا ويطلع على يدي لكن بجرب اللي قلتوه وماقصرتو
|
رد: يتكلم ولكن ليس امامي.. الاسباب ياخبراء
اقتباس:
يعني هوا مايخاف منك لكن يخجل منك انا اعتقد احيانا انه يخاف يكون الصوت الي يطلعه يزعجك ويتردد انه يقول قدامك او هوا فعلا خجل مثل الخجل الي احنا نعرفه لكن مع التعود ان شاء الله |
| جميع الأوقات بتوقيت GMT +3. الساعة الآن 07:23 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو