|
ساعدوني مدري وش الأفضل
أهلين حبايبي أعضاء المنتدى أبدخل في السالفة مباشرة وتحمّلوني بستي الكبيرة تلعب مع الصغيرة بعفاشة يعني سالكين بس تتعامل معها في اللعب كأنها وحدة في مثل عمرها والحقيقة اني خايفة عليها يجيها مخشه تتأذى منها وممكن تصيب عينها لا سمح الله فناوية أحط للكبيرة مخالب ناعمة واسمكرها :D في محل الحيوانات لأنها ما ترضى حاليا أحد ينظفها وهي تعتبر بالنسبة لي جديدة ومالها عندي غير شهرين تقريبا وما بعد تأقلمت بشكل كامل بالاضافة انه عندها تطعيمة لازم تاخذها الآن وش رايكم أطعمها ثم أسمكرها ولا العكس ؟؟ لأني أخرت روحتها للبيطري عشان أشوف من الي أبدى فيه أول وهل تؤيدون التخدير عند السمكرة مع تأجيل التطعيم لوقت ثاني لأني عارفة ان الحرمة بتحوسهم في المحل ولأني قريت ان التخدير ما يصلح مع التطعيم أتمنى إفادتي ومشكورين |
رد: ساعدوني مدري وش الأفضل
اهلين
اممم بقولك ايش صار معاي قطوتي ماترضا احد يقصص لها قصيت لها وهي نايمه والمخالب ركبتهم بعد التطعيمه لانها تكون هاديه وحرارتها مرتفعه ماتقاومك كثير فقصصي لها وركبيهم لها في البيت تركيبهم مره سهل واذا تبين رايي التطعيمه اهم من انك تخدريها عشان المخالب ولو بتخدريها لازم تصوميها عن الاكل كم ساعه وبعد ماتصحا ماتطعيها الامويه بعد ساعه |
رد: ساعدوني مدري وش الأفضل
حياك الله مشرفتنا العزيزة ومشكورة على ردك بصراحة الحرمة من جت ما تروشت ما تركت لي مجال :( ومخالبها طويلة ومشخها حار :mad: وأبغى أنظف اذنيها واروشها واقص مخالبها واحط لها مخالب ناعمة بمحل الحيوانات كان ممكن أحتفظ بقريشاتي :12: وأسوي ذا الاشياء من نفسي لكن ما بعد تأقلمت معي وأخاف تحصل حرب داحس والغبرا بيني وبينها فقلت أريح بالي واسويهم في المحل حتى ما يكون فيه خسائر في الارواح :88: المعذرة الله يحفظك ما قدرت أوضح لكم زين :shy: أنا كنت أقصد إني أبسوي كل هذي الاشياء واطعمها مرة وحدة في نفس المشوار وسؤالي أروح للمحل مباشرة اسمكر ولا لطبيبهم البيطري ؟ ولو كنت أببدا بالبيطري فكم بتاخذ التطعيمة من وقت حتى يحصل عند البسة هدوء ويقدرون يسمكرونها تجربتك حلوة بس المشكلة اني ما جربت أبد وضع البسة بعد التطعيم وهل هدوءها الي تذكرينه بيخليني إذا رجعت للبيت أقدر أقص مخالبها واروشها من دون مشاكل .. أخاف أرجع من المشوار واتحسف اني ما سمكرتها :o |
رد: ساعدوني مدري وش الأفضل
لا اله الا الله وينكم يا أهل الفزعات :shy: أنا في انتظاركم والوقت يمضي سريعا :rolleyes: |
| جميع الأوقات بتوقيت GMT +3. الساعة الآن 03:54 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو