|
ارجوكم ابي حل
السلام عليكم
يااخوان ابي اعرض عليكم مشكلتي وارجوكم ابي حل لانه بدا صبري ينفد والسبب الكاسكو العنيد انا اشتريت كاسكو قبل شهرين عمره تقريبا سبعة اشهر ماكان يجعر ولا يطلع على الايد بس انه ياكل من ايدي وفيه خوف عادي وبصراحه اعتنيت فيه بشكل مو طبيعي وبناء على نصايح الاخوه اعضاء المنتدي وضعته بزاوية الصاله بارتفاع متر ونص تقريبا وانا اشرف بشكل يومي بوضع الاكل وافتح له القفص لياخذ راحته زين وين المشكله !!؟؟ اييييه المشكله ياجماعه الى الان وبعد اكثر من شهرين الطير مازال خايف وكل اليوم الخوف يزيد عنده حتى انه يحاول يعضني وذا ماقدر يعض القفص بشكل جنوني وانا قمت اخاف منه لايحووووشك حتى الطير تصفيره قليل بس اذا سمع صوت المكنسه الكهربائية وصار ماياكل من ايدي ماادري هل السبب انه كنت حاولت انظفه في يوم وكان خايف من الماي ومو راضي وانا رشيت الماي غصب هل هذا سبب خوفه مني ارجوكم ابي حل والله على الرغم من عشقي للكاسكو الا انه بديت امل شنو اسوي وشنو الحل شلون اخلييه يحبني لاني ماني قادر امسكه عنيييد هل تنصحوني ابيعه واشوف واحد ثاني احسن منه ارجوكم افيدونا واسف على الاطاله |
رد: ارجوكم ابي حل
الخوف شي طبيعي
اذا كنت تجيه كل يوم بلبس لونه غير يعني مره احمر ومره ازرق ومره ابيض و و و و و و .... الخ فمن الطبيعي بيخاف ولا راح يقل خوفه ابد إلا بعد فتره ممكن تطول شوي اذا كان كذا فحاول انك تخصص لون محدد تصير تقابل فيه الطير خصوصا انه جديد الطير لما يتعود عليك ويتجرأ خلاص ماعاد تفرق معه الألوان وبالنسبه انه بيعض ماراح يعض أبد حاول انك تمسح على منقاره من الأمام لاتجيه من فوق ولا من الجنب ولا من ورا خلك من قدام راح يفتح منقاره بس خلك طبيعي لاتبعد يدك وصدقني اهو يفتح منقاره ويمد لسانه يتحسس به وش الشي اللي جاه بالنسبه للعض جميع الطيور تعض في حالات اذا انك ضايقته يعني حجرته بزاويه اذا انك جيته بشكل مفاجئ اذا انك جيته من ورى وإلا مع الجنب و و و و و و ......الخ طبعا الحالات هذي تخص الطيور الجديده والخوافه بالنسبه للترويش عادي جداً انه بيخاف وممكن يجاعر وراح يهرب اذا كان مو وسط القفص وسع صدرك ولاتمل بهالسرعه طيرك عمره مناسب جدا جدا جدا للترويض والتدريب ابعطيك طريقه حط في اصبعك نقطه عسل وامسحها على اصبعك كله وخله يتذوق اصبعك |
رد: ارجوكم ابي حل
عزيزي اتوقع انك ما حاولت تروض الطير
الببغاء مش انك تغير له اكل وماء وتنظيف الببغاء من شان يتوالف محتاج تمسح عليه وتلاعبه وتكلمه ايضا التمسيح على الطير وبكثرة تطيح الخوف الي بالطير خوفك من الطير يجعل الطير يصير اكثر شراسة والطيور تعرف اذا انت خايف ولا لا ولهذا تجده يهاجمك وبنفس الوقت يشوف الهروب من جانبك يعني انت جالس تشجع الطير على العصيان والتمرد ابدأ تطلعه من القفص وااشتري لك قفاز من النوع القوي والبسها وامسح عليه وخليه يعض فيها لين يمل ويتعب امسك الطير وامسح عليه ايضا وامسك منقاره استمر بالقفاز حتى تشوف تجاوب من الطير بعدها البس يد واليد الاخرى بدون وحاول تسمح عليه بيدك الي ما عليها قفاز اذا تقبل استمر حتى تتخلص من القفاز وبتشوف طيرك تقبلك تقبل تحياتي |
رد: ارجوكم ابي حل
لاتخليه بزاويه الغرفه
خليــه بجنبك اذا كنت قاعد عالكمبيوتر ولا قاعد تتفرج عالتلفزيون .. واذا القفص فيله استاند .. افتح الاستاند وخليه وخل كل يوم على هذا الحال ولا تمد يدك ولا شي .. مع الوقت بيعتاد عليك ويحس بالامان |
رد: ارجوكم ابي حل
شكرا لكم بالفعل هذا المنتدي مالنا غنى عنه وجزاكم الله خير انكم طمنتوني ان الوضع طبيعي والله يعينا على هالكاسكو
|
رد: ارجوكم ابي حل
بالنسية للعض حط عسل باصبعك وخليه يعض بس حتتالم شوي وبعد فترة حيبطل يعض
|
رد: ارجوكم ابي حل
اقتباس:
|
رد: ارجوكم ابي حل
صديقي العزيز
انا صارت عندي مثل االمشكله خليته في الحجره معاي اكثر من اسبوع وماخليت احد يدخل عليه االغرفه والحمدالله الحين اطير ياكل من أيدي ويركب ع اليد اعزله معاك في غرف لي مدة أسبوع واان شالله بيتعود عليك وبيحبك وكلشي وتتقبل مني هذى المرور عزيزي مع خاالص تحياتي |
رد: ارجوكم ابي حل
اقتباس:
|
| جميع الأوقات بتوقيت GMT +3. الساعة الآن 03:49 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو