منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   كيف ألعب مع ببغائي بطريقة آمنة ومسلية ؟!!! (http://www.2zoo.com/vb/showthread.php?t=240100)

دروب الوفا 27-09-2011 11:31 PM
كيف ألعب مع ببغائي بطريقة آمنة ومسلية ؟!!!
 
مرحبا ..
حبيت أسأل اهل الخبرة بالكاسكو الافريقي عن تسلية الببغاء وطرق اللعب معاه دون ان اشعره بالخوف ..وخاصة انه بدأ يرتاح لي كثيير ولاحظت انه يشعر بالامان بوجودي وحتى لما اناديه يلتفت عندي ..
المهم انا شريت له لعبة وحطيتها بالقفص بس لاحظت انه مل منها بعد مانزع كل شئ فيها ..
ومتعودة اطلعه على الاستاند فوق القفص من الظهرية حتى قبل نومه ..
وضعت له نباتات وبدأ يقص منها حتى خلص عليها ..
ابي من خبرتكم كيف اقدر العب معاه بطريقة آمنة ومسلية ..
وشكرااا لكم كثييييييييير ..
:)

طلع لي قرون 28-09-2011 01:13 AM
رد: كيف ألعب مع ببغائي بطريقة آمنة ومسلية ؟!!!
 
ما شاء الله تبارك الرحمن ..


<< انا حطيت للطير لعبه .. هج من القفص ..

ههههههههههههههههههههههههه


وننتظر احد يعلمنآ ..

فتّو 28-09-2011 09:36 AM
رد: كيف ألعب مع ببغائي بطريقة آمنة ومسلية ؟!!!
 
اذا انه بدأ يرتاح لك

خلاص ابعدي القفص وحطيه ع الاستاند على طول

حطي بأصبعك شوي عسل وخليه يتذوقه كرري معه الطريقة لحد مايصير عادي عنده اصبعك ويتعود عليه

بعد كذا حاولي تمسحين على منقاره من الامام ولاتجينه من فوق ابداً

وبعد كذا قربي يدك مع الجنب وحاولي تمسحين على ظهره وبالتدريج تطلعين على رقبته ومن ثم على راسه

أحلى طريقة بدل الألعاب انه اذا تعود عليك لما تدخلين عليه على طول بيجي عندك وينزل راسه

يعني حكي راسي لو سمحتي :)

ملاحظه ::

لاتحطي براسك انو بيعضك ابداً

ان حطيتيها براسك صدقيني ماراح تقدرين توصلين له ابداً

دروب الوفا 28-09-2011 07:30 PM
رد: كيف ألعب مع ببغائي بطريقة آمنة ومسلية ؟!!!
 
ألف شكر فتّو على نصائحك ..
بس انه احط اصبعي مااعتقد راح اقدر!!!
راح احاول بعصا في الاول واشوف ردة فعله ..
شكرااا مرة ثاانية الله يجزاك الجنة ..

سكر 29-09-2011 02:56 AM
رد: كيف ألعب مع ببغائي بطريقة آمنة ومسلية ؟!!!
 
اختي الالعاب متوفرة في كل شي حولك بشكل ماتتخيليه

مثل اغطية علب الموية ومثل اعواد الاسنان وحتى الكاسة الورق وبعد علبة السنتوب الخ

هذي الامور بالنسبة للببغاء هي اشياء مسلية مو.شرط.نتكلف


وثاني شي جلوه لوحدة فوق القفص بدون.تسليه يسبب له الملل

اذا انتي جالسة عنده طلعيه برى القفص خليه يشعر انه مكافئة له يطلع خصوصا بوجودك.عشان يفرح بشوفتك كل مرة


وجلوسه داخل القفص بدون وجودك معاه يخليه يبحث عن الالعاب ويتونس خصوصا اذا متوفر له تشكيلة من الاشياء الغريبة مثل اللي ذكرتها لك


تحياتي

دروب الوفا 05-10-2011 07:08 PM
رد: كيف ألعب مع ببغائي بطريقة آمنة ومسلية ؟!!!
 
اقتباس:
المشاركة الأصلية كتبت بواسطة سكر (المشاركة 2312888)
اختي الالعاب متوفرة في كل شي حولك بشكل ماتتخيليه

مثل اغطية علب الموية ومثل اعواد الاسنان وحتى الكاسة الورق وبعد علبة السنتوب الخ

هذي الامور بالنسبة للببغاء هي اشياء مسلية مو.شرط.نتكلف


وثاني شي جلوه لوحدة فوق القفص بدون.تسليه يسبب له الملل

اذا انتي جالسة عنده طلعيه برى القفص خليه يشعر انه مكافئة له يطلع خصوصا بوجودك.عشان يفرح بشوفتك كل مرة


وجلوسه داخل القفص بدون وجودك معاه يخليه يبحث عن الالعاب ويتونس خصوصا اذا متوفر له تشكيلة من الاشياء الغريبة مثل اللي ذكرتها لك


تحياتي

كل الشكر اخوي ..
بس كيف يلعب مع علب المويه والسن توب كيف اسوي ارميها بالقفص مثلا ؟!!!
واعواد الاسنان مو ممكن تؤذيه لأنها حاادة ؟
الكاسكو عندي اغلب الوقت على الاستاند فوق القفص واذا حاب ينزل ينزل على الكنبة ويناام
حااولت اعطيه العاب وهو على الكنبة بس ماجذبته ابداااا !!!!!!!
بالعكس حسيته خااف منها وبعدها طنشهاا ..
..

سكر 05-10-2011 09:42 PM
رد: كيف ألعب مع ببغائي بطريقة آمنة ومسلية ؟!!!
 
ايه عادي ارمي غطا الموية مثلا مع الاكل

والاعواد ماتأثر حتى لو تعطيه شوك هما كذا يعيشو في الطبيعه


جميع الأوقات بتوقيت GMT +3. الساعة الآن 05:56 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو