|
بخصوص الغيني افيدوني
السلام عليكم و رجمة الله و بركاته للإسف اشتريت ببغاء غيني و لكن لا اعلم عنه شي إلا دفء المكان اهم شي له و لي كم يوم انقله معي لين رجعت لبيتي و حطيته بالمطبخ لدفء المكان لكن اشوف الطير فيه خمول مو زي اول و عزكم الله فيه سهال وش الحل و حبيت اعرف طرق التدريب لانه بعمر حوالي 6 اشهر وحش و الحين هادي راحت عنه الجعره لانه شي طبيعي اول ما جاء لكن ابي ادربه و حبيت تفيدوني بكل الطرق للتدريب للطير و هل الجوع حلو لتدريبه و الا لا .... جزاكم الله خير الجزاء و جعله في موازين اعمالكم ،،، دمتم بود وتقبلوا فائق احترامي و تقديري لكم |
رد: بخصوص الغيني افيدوني
ياحبيبي انت عالجه وبعدين روضه
روح البيطري وقوله الحاله يعطيك دواء ولما يطيب يسير خير اخوك فواز |
رد: بخصوص الغيني افيدوني
هلا فيك ياغالي والف مبروك
كلام اخوي فواز سليم عالجة اول وفي توقيعي مواضيع ادخل عليها بتفيدك في الترويض تحياتي |
رد: بخصوص الغيني افيدوني
طيب اخواني للإسف انا في ديره كل البيطره الي عندنا ما عندهم ما عند جدتي ابي اسم العلاج حق السهال بدق على رجال و شرواكم يرسله لي هاليومين ودي الحق عليه بس افيدوني بأسم العلاج او صورة له بارسله له و جزيتم الف خير و مشكورين يالغاليين
|
رد: بخصوص الغيني افيدوني
اذا الحال كذا ، تقدر تعطيه فلاجيل حق الاطفال ، تقدر تخيله له بالوعاء المخصص للماء ، تخلطه جيدا ، وأفضل شيء تخليه له الصبح قبل ما يجلس من النوم لان الطير لما يقعد الصبح يتوجه لشرب الماء مباشرة ، او انك تحاول تغره بالابرة شوي سي سي واحد لا اكثر ، وتستمر على هالحال لمدة 3 ايام وبعدها ان شاء الله الاسهال يطيب ، انا مجربها على الغيني.
واما طرق الترويض والتدريب بعد عندك مواضيع الأخ العزيز سكر في توقيعه شوفهن واستفيد ، ترا كلنا أغلبنا متعلمين من الاخ سكر :D سلامي |
رد: بخصوص الغيني افيدوني
يعطيك العافيه اخوي جعفر كم مقدار العلاج الي احطه له بالماء و هل هذا دواء له لك جزيل الشكر اخي
|
رد: بخصوص الغيني افيدوني
الاخوان ماقصرو
بس ياليت تشوف له مكان غير المطبخ لانه اساس المرض حر وطبخ عزالله راح فيها الطير غير مكانه وعطه العلاج الي قالو عنه الشباب وانشاءلله خير |
رد: بخصوص الغيني افيدوني
مثل ما قالو الاخوان اول شي الصحة وبعدين التدريب
|
رد: بخصوص الغيني افيدوني
مساء الخير عليك وعلى كل الاعضاء الطيبين.
الاخ فيصل المبارك نبه إلى نقطة مهمة ، وهي وجود الببغاء في المطبخ ليس صحيا له. لان أبخرة الطبخ المتصاعدة ضارة للببغاء ، ممكن تسبب له مشاكل - لا سامح الله - في القصبة الهوائية والتنفس وغيرها وغيرها. وكذلك للمعلومية الغيني مناعته قوية ما شاء الله عليه ، لكن الاحتياط واجب. بعد إذن الاخوة الخبراء .. بالنسبة للفلاجيل ، لازم يكون الدواء مخصص للاطفال - اي انه شراب - وليس حبوب. تقدر تضع مقدار ملعقتين صغيرة شاي في المشربة ، وتخلطها خلط جيد ، وكل ستة ساعات تجدد الماء. وتقدر ايضا تستعمل بطل ماء 250 مل لكل يوم ، تخلي فيه 10 سي سي تخلطه بشكل جيد وتخليه بالمشربة. نقطة لازم تنتبه لها حتى تظمن ان الطير يشرب الماء والدواء ، وقت اللي تنيم الطير في اي ساعة من الليل ، تشيل عنه الماء بعد ما ينام ، والصبح بحدود ساعة 6 ترجعه له ، واحرص على أن لا تتأخر عليه لأن الطيور تصحى قبل الانسان ، لان الطيور اول ما تصحى من النوم تشرب الماء وحتى قبل الأكل ، الا إذا كان المكان مظلم بشكل تام يساعدها على أن تستمر في النوم اكثر. اذا تتبع هالطريقة تستمر مع الطير 5 ايام وبعدها يومين تخليله ماء عادي ويوم الثالث تبدي تنطيه فيتامينات بالاسبوع مرتين فقط ، حتى يعوض عن الفيتامينات اللي فقدها الجسم. وتقدر تغره سي سي واحد باليوم ، وتستمر عليها ثلاثة ايام . ولك الاختيار اخي اي وحدة تستعمل. لكن انا انصح بالطريقة الاولى وليس الغر ، لان اذا الطير ما ياكل من يدك ومو اليف ما راح يشرب الدواء ولو غريته غصب عنه. ولا تبدأ في ترويضه تدريبه الا بعد ما يطيب من الاسهال وتعطيه الفيتامينات ، حتى يكون جاهز. ربي يشفيه وان شاء الله يصير اليف وتروضه وتدربه ونشوف له تسجيلات يتكلم. اعذرني لو طولت عليك سلامي |
رد: بخصوص الغيني افيدوني
يعطيكم العافيه و ما قصرتوا على مروكم متصفحي و الشكر الجزيل لأخي جعفر ممكن تزودني باسماء الفيتامينات الي تقولي عليها بعد فترة العلاج و انا بكرا بروح الصيدليه و اجيب له العلاج ان شاء الله تعالى و راح اكون لك ممنون
|
| جميع الأوقات بتوقيت GMT +3. الساعة الآن 02:37 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو