منتديات تو زوو - فقـدت الأربعـه!! ،،،،‎

وانصـدم إنـي فقـدت الأربعـه!!

ما به طريق ولا رفيـق ولا ركـوب ولا سفـر
ودي اغـادر وانصـدم إنـي فقـدت الأربعـه!

ما باقيٍ غيـري علـى كثـر الفيافـي والبشـر
تومي بي كفوف الشمل في كف يمنى المقطعـه!

وأشيّل كتوفي الحمـل وأعلّـم جفونـي السهـر
وأملى خفوقـي بالبكـا ليـن الحنايـا تدمعـه!

وامدّ شوفـي واكسـره وامـد قلبـي وأنكسـر
وأرجع على اللي لا نبض قلبه ، فـقلبي اسمعه!

اللي محى من خافقي كـل الاسامـي والصـور
كنـه لمـن قبلـه يقـول: الله معـه الله معـه!

كنه وقلبي فـالهوى، قبطان مركـب فـي بحـر
تنوخـذه واستحـوذه وابحـر وفـلّ الاشرعـه!

ويمّم على وجهة غياب ولا تـرك خلفـه عـذر
حتى لو اعذاره (م) هي في كـل مـره مقنعـه!

دايم وهو وافي جفـا ولا الوصـل فيمـا نـدر
مع إن ما عنده سبب في وصـل قلبـي يمنعـه!

يا قسوته وأنـا علـى قـاع الرجـاوي منهمـر
أمني النفـس( بعسـى دربٍ خـذاه يرجّعـه)!!

وأقول لأشيائه معـي مـا للغيـاب إلا الصبـر
وإن خالفتني ، قلت: ما في قطع مثلـه منفعـه!

اللي قبـل لا أعشقـه وأنـا علـى بيتـه أمـر
وبالنبض اطلّع مدة الوقت اللي لأجلـه بأقطعـه!

ومن بعد عشقه ما بقى شـيٍ معـي مـا ينتظـر
صوتٍ ينسينـا دفـاه ، الكـون هـذا بأجمعـه!

وشلون مع هذا الغلا والشوق والحـب /المطـر
أنساه، وأجبر خافقـي يجـذب غـلاه وينزعـه!

بأبقى أحبـه وأعشقـه لآخـر دقيقـه فالعمـر
وفداه قلبي لو لقى من جور صـده مصرعـه!!

منقوووول