|
معلومات عن طيري , طائر المينا . وصور للطائر
السلام عليكم ورحمه الله وبركاته بعطيكم معلومات عن هذا الطير لاني ربيته بالنسبه للاكل في عمر الشهر الى الشهرين في هذا العمر ا حاول تناول الاكل بيدك حتى اذا شفته يأكل ارمي الاكل بطريقه فنيه وهادئه في الارض ودق بإصبعك جنب الاكل مثل ماكنت اسوي انا :) في هذا العمر اعطيه خبز سبق ان وضعت عليه قليل من الماء تفاح تقطعه له صغار وكمان اعطيه الاكل الخاص له وهام جدا اكله الخاص اشترى له فيتامينات من الصيدليه البيطريه بودره ضعها في الماء على حسب الجرعه اللي يقولك البيطري الاستحمام كل يوم وانتبه لاتروشه الصبح ولا الليل عشان البرد مع نظافة القفص >> طريقة الاستحمام ضع صحن تشوف عمقه مناسب للطير وضع مويه وخليه عنده يكتشفه بنفسه بس يكون خارج القفص الاكل بعد مايعتمد على نفسه اكله الخاص مهم جدا رز مسلوق اذا تغديت دجاج قطع له قطع صغيره حجمها مثل حجم اكله :D >>> طيري يعجبه الدجاج :D تفاع اقطعها من النص او الربع واعطيه انتبه للبذور لاتعطيه لانها مضره راح تكتشف انه راح يأكل ويجوفها بعد خيار بطاط مسلوق طماطم برتقال .. اقطعها من الربع واعطيه>> هام جدا لاحتوائه على فيتامين سي جرجير انا اسوي له اكل منوع وراح اقولك به خبز سبق ان وضعته في الشمس ذره فول وحمص او بليله اكل الببغاء دوار الشمس بعد ماتقشره تدقها وتجمعها سوى وتخليها صغار مثل حجم اكله وهو بكيفه عاد يأكل اللي يبيه بس هذه المكونات كلها لها فائده ومليئه بالفيتامينات والبروتينات .. واعطيها لطيري كل اسبوع مره طيري اليوم عمره ماشاء الله اكثر من 7 شهور تقريبا يغرد ويقلد اي تغريد تشغله له في جوالك >> بس بعد فتره من الايام الكلمات اللي ينطقها طيري السلام عليكم زياد >>> اسمي :D الله اكبر الو صراحه عندها القدره على تقليد الاصوات ماشاء الله ... صح انه بعض الاحيان تقلد الكلام ومايكون واضح لكن مع ترديد الكلمات راح تتعود ....... اللي عندي اقولها الســ........ تقول السلام عليكم ... يعني لسى ماكملت الكلمه اتفاجئ بنطقها صورة طيري <<< اذكر الله وقول ماشاء الله تبارك الله http://hh7.net/Aug/17/hh7.net_13135782321.jpg http://hh7.net/Aug/17/hh7.net_13135782881.jpg http://hh7.net/Aug/17/hh7.net_13135783421.jpg ايش رأيكم فيه !!؟ واللي عنده خلفيه عن جنس الطائر ذكر او انثى يقولي رأسي مليان هرج ومعلومات قلت ما ابي ابخل على اي احد عنده هذا الطائر الذكي :D في امان الله |
رد: معلومات عن طيري , طائر المينا . وصور للطائر
ماشاء الله هذا ............اذا ماخاب ضني ان الطير باكستاني
انا اليوم ادور واحد اندنوسي .........بس ممكن استفسار بسيط الكل يشكي من رايح هذا الطير صح او لا الرجاء الرد |
رد: معلومات عن طيري , طائر المينا . وصور للطائر
اقتباس:
اذا قصدك رائحه الطير ؟ اذا كان تخليه يتسبح كل يوم وتنظف قفصه كل يوم انا اضمن ماراح تكون له رائحه وان كانت له رائحه ليست تلك الرائحه اللي ماتخليك تتقرب منه انا صار لي 6 شهور اربي فيه والى الان ماتضايقت منه ولا من رائحته لاني اهتم بتنظيفه صار لي اليوم شهر اخليه يتسبح في الاسبوع مره لاني مشغول والى الان ماجتني رائحه منه كريهه ابد الرائحه اكثر شئ تكون من القفص اذا تركته ومانظفته ولا اعطيته فواكه وما خرجتها من القفص في هذه الحاله راح تطلع رائحه عشان الفواكه تعفنت الاندونيسي يقولون افضل من الباكستاني من ناحية الكلام والشكل اي خدمه اخي انا حاضر |
رد: معلومات عن طيري , طائر المينا . وصور للطائر
وانا قلت الموضوع راح يردون كثيييير
رد واحد بسسس !!! ايش هذا التحطيم |
رد: معلومات عن طيري , طائر المينا . وصور للطائر
الله يخليه لك
ويتربى في عزك |
رد: معلومات عن طيري , طائر المينا . وصور للطائر
والله حلو اخوي مره
انا مستغرب كيف اخوي عمره 7 شهور وصار عند عينه اصفر انا الي عندي عمره اكثر من سنه وبعده عنيه بيضا ..................... ابي استفسر بس انا طيري صار له مده ماطلعته من القفص يعني حوالي 6شهور والحين يخاف مني هل فيه طريقه اخليه يجلي عادي يعني اقص جناحه وكل يوم اطلعه على يدي <<<<<هو اصلا يخاف من يدي ينقرني بلمختصر ابيك تعطيني طرق اخليه اليف هو شوي الحيف شوي مره |
رد: معلومات عن طيري , طائر المينا . وصور للطائر
السلام عليكم ورحمة الله وبركاته
ماشاء الله تبارك الله عليها الله يحفظها لك وشكرا على المعلومات المفيدة تحياتي لك |
رد: معلومات عن طيري , طائر المينا . وصور للطائر
اقتباس:
الله يخليك اخوي ومشكور على مرورك |
رد: معلومات عن طيري , طائر المينا . وصور للطائر
اقتباس:
معليش اخوي جالس احسب عمرها تقريبا عمرها 10 شهور او 11 اهم شئ انها اقل من سنه وما ادري وش السبب اللي خل حقك مايطلع عند عينه صفار بالنسبه للتوليف انت غلطان انك ماتطلعه من القفص انا اطلعه برى وجناحه كامل ومايهرب بعيد يتنقل من كتفي الى كتف صديقي وكم مره يطلع الشجر بس يرجع بعد جهد:( انا اقولك الطير كان يخاف من الاصابع ومع الايام تعود عليها .. الحين اذا شافني اتقرب واغير اكل يجلس ينقم اصابعي لكن اذا جاء اخوي يفرح ويتكلم >> احسه يكرهني رغم اني انا مربيه وموفر له كل شئ :( لكن اذا خرجته يغتسل مافي اطيب منه :D انت حاول تطلعه من القفص وماتخوفه ابد حاول تجوعه وتعطيه اكل من يدك ونصيحه انك ماتقص جناحه عشان مايكرهك ابيك تقولي وش نوع الاكل اللي تعطيه ؟ |
رد: معلومات عن طيري , طائر المينا . وصور للطائر
اقتباس:
وعليك السلام الله يحفظك اخوي على مرورك وما ادري ترد ع انها انثى .. اهي انثى يعني ؟؟؟؟ |
| جميع الأوقات بتوقيت GMT +3. الساعة الآن 08:38 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو