|
كيف اتعامل مع فرخ الكاسكو ؟ مدرب مبتدء ^^
السلام عليكم و رحمة الله و بركاتة .. شحالكم عساكم بخير ^^ انا عندي كاسكو جايبينه لي اليوم و عيونه سوده و حواليه رمادي و ياكل سريلك و اعلمه على الحب لان يقدر شوي شوي و بيعتمد على نفسه ان شاء الله المهم ماعرف كيف اتعامل وياه متى ااكله و كم بين وجبه و وجبه الساعات مطلوبه و الجو المناسب لاني بصراحه الحين مشغله تكيف و حطيت الكاسكو في الحمام و فتحت باب الحمام شوي يدخل هواء لاني اخاف عليه من البرد و يصارخ يوم اتقرب منه و يعض بس احاول ما اخاف منه و اخليه يثق فيني بس قولولي كل المطلوب مني اسويه و هو بهذا العمر و طبعا هو في غرفه و في القفص يعني يحتاج اطلعه برع متى و كم دقيقه لان برع مافي امان اخلي قفص برع فعشان جي انصحوني و الله احب الكاسكو ابي اقوي و اهتم فيه و يكون بخير و بصحه و عافيه 3> |
رد: كيف اتعامل مع فرخ الكاسكو ؟ مدرب مبتدء ^^
مبرروك على الطير وربي يحفظه لك
اول شي لا تخليه على المكيف لان عمره ما يسمح الاكل ياحبيبي دامه فرخ تقريبا كل 4 ساعات تاكله او اذا شفت الحوصله فاضيه اعطيه وعادي افتحله القفص من فوق وخليه يطلع بس خليك عنده واجلس معه كثير || ودي || |
رد: كيف اتعامل مع فرخ الكاسكو ؟ مدرب مبتدء ^^
اخوي
ممكن تحط صورله للطير لانك تقول عيونه حولها رمادي يعني عمره 7الى 8 شهور مفرروض انه ينفطم على العموم لا تحطه في مكان باارد محطه في مكان دافئ ولا يجيه اي تيار هوائي وافتح له القفص من فوق هو يطلع ويلعب ويرد بس طبعا اجلس معه كثيير علشان يحبك وطيرك خله ياكل حب شمسي وغره مرتين في اليوم علشان يعتمد على نفسه وعطه تفاح وعنب وفواكه مرتين في الاسبوع وانشاء الله كل شي بيكون تمام تحياتي *فواز* |
رد: كيف اتعامل مع فرخ الكاسكو ؟ مدرب مبتدء ^^
هذي صورته صغير ما يعرف يكسر حب و ما ياكل سريلاك شو اسوي فيه :64: .. http://upload.welduae.org/uploads/13131455061.png |
رد: كيف اتعامل مع فرخ الكاسكو ؟ مدرب مبتدء ^^
الله يحفظه لك ان شاء الله
اخوي اذا كان ياكل سيريلاك وبعده ما تعود على الحب لا تكثر عليه يعني عطه شوي شوي الطير مثل الياهل لازم تعوده شوي شوي وان شاء الله بيتعود على الاكل بدون مشاكل اما الغر فأنا كنت اغره مرتين في اليوم والاخوان الموجودين اكيد بيفيدونج اكثر لأنهم خبره ما شاء الله عليهم |
رد: كيف اتعامل مع فرخ الكاسكو ؟ مدرب مبتدء ^^
مشالله افادوك الاخوان
اضم صوتي لصوتهم تقبل مروري ابو غزل حبتيييييييييييييييييييييييييييييييييييييييييييييييييييين :88: |
رد: كيف اتعامل مع فرخ الكاسكو ؟ مدرب مبتدء ^^
انتوا شوفوا كم عمره و يقدر يعتمد على نفسه ولا ؟ لان ما ياكل حرام احس لازم ياكل >< |
| جميع الأوقات بتوقيت GMT +3. الساعة الآن 04:59 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو